جيجى خربت بيتى :)

[Tarek Gen 2]

ازيكم يا رجالة

بما انى مقيم لوحدى الفترة دى انتقلت للعيش فى امبابة فى شقتى القديمة ( لان امبابة أأمن من العجوزة و اكتوبر حاليا :) استغليت الموضوع ده و قلت اروق جيجى شوية

بش جىجى هى اللى روقتنى :(((
كله جه مرة واحدة
تراخيص
تأمين
صيانة 20000
تيل فرامل
فخدت فى وشها مبلغ حلو يعنى

اولا التراخيص معرفش غليت ليه كدة :(((((((
التامين الاجبارى كان بـ 60 جنيه السنة تقريبا بقى ب 110 و ضريبة العربية الـ 1600 كان 125 بقى 220 على السنة !!! معرفش ليه كدة

و عملت الصيانة فى مركز صفا
و جبت تيل بوش ايطالى امامى ((رائع)) و اداءه زى الاصلى بالظبط و انهاردة هلكت العربية مشاوير و استخدمته بعنف كتير و كان ممتاز
و غيرت بعض الحاجات فى العربية كنوع من الترويش كدة
و الصور اهه














و جبت الدى فى دى المعروف
و صوره اهه

















و ده فيديو ليه
YouTube - dvd gen 2 tarek gen 2 (2)

YouTube - dvd gen 2 tarek gen 2 (1)

تفاصيل الفلوس

التراخيص كانت بحوالى 1100 3 سنين
التيل ب 350
الدى فى دى بـ3500 و فاضل قطعتين بس عند الراجل لو حد عايز و لو فى اتنين مع بعض هياخدو الجهاز ب 3400 و
ممكن 3350 و ده شامل التركيب
الجهاز صينى من موتيفو
ضمان سنة

الجهاز فى جى بى اس بخرايط اى جو وانا مش فاهم فيه اى حاجة :)
عايز احدث الخرايط و انزلها حاجات من على النت بس لسة مش عارف اى حاجة هبدأ ادور ورا الموضوع ده بقى :)

اه صحيح و لسة فيه تغيير زيت قريب :( محدش معاه 300 جنيه سلف بقى
لحسن انا قاعد لوحدى كام شهر كدة و ممكن اكل طوب بقى الفترة اللى جاية :)

[Eslam.Elrefaey]

مبروك على الحاجات الجديدة دى

[mado_9999]

السلام عكليم

ممكن خدمه تقولى انت عامل السقف فين وانت رخصت العربية بى ولا لونين فى الرخصة

[ahmadmidop]

مبروووووك يامعلم ............ والتوقيع بتاااعك جااااااااااااامد ههههه

[midosalah]

مبرووك علىيك وعلى جيجي يا طارق

[mido_soliman]

مبروك يا طارق وقلبى عندك فعلا انت عملت حاجات كتير اوى فى نفس الوقت كفاية الدى فى دى لوحدة قطم وسط
بس ميغلاش على جى جى وربنا يباركلك

[MohssenRashed]

ربنا يباركلك بس عملت ايه ي موضوع السقف في الترخيص ؟؟

[أبومعاذ]

فداك فلوس الدنيا يا طارق باشا و ما شاء الله العربية و الدي في دي حلوين ربا يباركلك فيهم

[khaledmontero]

يا عم خضتنا من عنوان التوبيك ....
ماشاء الله عربيتك تحفة وربنا يحفظهالك ....
استفسارات بقى :
انت عامل الجنت ده ازاى ... يعنى ايه نوع الاسبراى ورشيت الجنط ازاى لان انا عاوز اعمله زيك ...
تانى حاجة الديفى دى .. عاوزينك تقولنا شوية تفاصيل مبدئية عنه ...ومنين اشتريته .. لحد ماتعملنا توبك فيه كل تفاصيله .
تالت حاجة التيل جبته منين وفى منه خلفى وامامى ولا ايه نظامه

ومتقلقش هنلملك ال 300 جم بتاعة الزيت يا عم .

[HOSSAM99]

السلام عليكم
مبروك عليك الصيانه و التجديد و الدي في دي
و هي فعلا الرسوم غلت جدا و أنا برخص من شهر و نص كده وكنت بادفع الفلوس حسيت أني مأجر العربيه منهم

[MohssenRashed]

يا عم خضتنا من عنوان التوبيك ....
ماشاء الله عربيتك تحفة وربنا يحفظهالك ....
استفسارات بقى :
انت عامل الجنت ده ازاى ... يعنى ايه نوع الاسبراى ورشيت الجنط ازاى لان انا عاوز اعمله زيك ...
تانى حاجة الديفى دى .. عاوزينك تقولنا شوية تفاصيل مبدئية عنه ...ومنين اشتريته .. لحد ماتعملنا توبك فيه كل تفاصيله .
تالت حاجة التيل جبته منين وفى منه خلفى وامامى ولا ايه نظامه

ومتقلقش هنلملك ال 300 جم بتاعة الزيت يا عم .

اعتقد الجنط معمول باستيكر.

[Tarek Gen 2]

مبروك على الحاجات الجديدة دى

الله يبارك فيك يا باشا

ممكن خدمه تقولى انت عامل السقف فين وانت رخصت العربية بى ولا لونين فى الرخصة

انا عملت السقف عند واحد صاحبى جمب البيت وانا كان عندى ترخيص بس مش فحص فعشان كدة عادى محدش بص على السقف
وانت ممكن ترخص العربية لونين و تلاتة كمان بدون واسطة او حاجة ده عادى جدا و قانونى

مبروووووك يامعلم ............ والتوقيع بتاااعك جااااااااااااامد ههههه

الله يبارك فيك و هنروحله نجيبه من افاه هو و الاخوة و الاخوات اللى كل شوية يكلمهم دول :)

مبرووك علىيك وعلى جيجي يا طارق

الله يبارك فيك يا معلم

مبروك يا طارق وقلبى عندك فعلا انت عملت حاجات كتير اوى فى نفس الوقت كفاية الدى فى دى لوحدة قطم وسط
بس ميغلاش على جى جى وربنا يباركلك

الله يبارك فيك يا ميدو :(( كفاية تراخيص و تامين :(

ربنا يباركلك بس عملت ايه ي موضوع السقف في الترخيص ؟؟

تراخيص مكانش فيها فحص فمشيت عادى

فداك فلوس الدنيا يا طارق باشا و ما شاء الله العربية و الدي في دي حلوين ربا يباركلك فيهم

الله يبارك فيك يا معلم وانا حاجزها لمعاذ يشتريها منى :)

يا عم خضتنا من عنوان التوبيك ....
ماشاء الله عربيتك تحفة وربنا يحفظهالك ....
استفسارات بقى :
انت عامل الجنت ده ازاى ... يعنى ايه نوع الاسبراى ورشيت الجنط ازاى لان انا عاوز اعمله زيك ...
تانى حاجة الديفى دى .. عاوزينك تقولنا شوية تفاصيل مبدئية عنه ...ومنين اشتريته .. لحد ماتعملنا توبك فيه كل تفاصيله .
تالت حاجة التيل جبته منين وفى منه خلفى وامامى ولا ايه نظامه

ومتقلقش هنلملك ال 300 جم بتاعة الزيت يا عم .

الله يبارك فيك

الجنت و السقف استيكر اسود مط

الدى فى دى اشتريته من شركة الندى من مدينة نصر لان تمنه زى اللى كنت هشحنه فهى هى و ليه اعلان هنا فى المنتدى موجود فوق باسم موتيفو

التيل من محل مكة شارع دمشق ب 350 جنيه امامى مفيهوش اى مشاكل فى الاداء و مبيصفرش نهائى

و مستنى ال300 جنيه :)

السلام عليكم
مبروك عليك الصيانه و التجديد و الدي في دي
و هي فعلا الرسوم غلت جدا و أنا برخص من شهر و نص كده وكنت بادفع الفلوس حسيت أني مأجر العربيه منهم

الله يبارك فيك و ربنا ينتقم منهم :(

[bahernor]

العربية ما شاء الله عليها انا بحب الشغل الهادى اللى بيبان فى العربية ومش بحب الافورة والاستيكرات والحركات دى
بس عاوز اعرف حاجة الدى فى دى دة ركب ازاى انت فكيت التابلوه ولا شيلت الكاسيت الاصلى ولا عملت ايه بالظبط؟

[Nistelrooy]

الف مبروووووك يا ريس ..

[Tarek Gen 2]

العربية ما شاء الله عليها انا بحب الشغل الهادى اللى بيبان فى العربية ومش بحب الافورة والاستيكرات والحركات دى
بس عاوز اعرف حاجة الدى فى دى دة ركب ازاى انت فكيت التابلوه ولا شيلت الكاسيت الاصلى ولا عملت ايه بالظبط؟

لا شلت الكاسيت و ركبت التانى مكانه علطول و من غير لعب فى الكهربة
شلت الفيشة من هنا حطيتها هنا

الف مبروووووك يا ريس ..

الله يبارك فيك يا سامح