مراية الساجا اتكسرت

[blackbird]

السلام عليكم

انا مراية الساجا الشمال عندى انكسرت او بمعى اصح المرايا نفسها سليمة بس الحامل بتاعها هو اللى اتكسر جزئين و لزقته فى بعضه اكتر من مرة بس بيفك تانى .و طبعا الحمد لله على كل شيئ .

هل الحامل بيتباع لوحده ؟ او فى بديل يكون مكان ال 3 مسامير اللى بيربطوه زى الساجا ؟

او بديل للمرايا كلها و يكون رخيص مش شرط كهربا بس تكون بتركب مكانها لان الشمال فى الغالب عندى دايما ثابتة .

متشكر جدا
ارجو الرد لانى مش عارف امشى من غير المرايا الشمال .

[sayed911]

انا مش فاهم الكسر جه فين يا فندم في حسم المرايا اللي هوا واصلها بالباب ؟ ولا في الكف ؟ ولا فين بالضبط ... لو البدي الخارجي اعتقد اي بتاع فيبر ها يرجعهالك تاني ان شاء الله واما لو الكف فدي اعتقد بيتاخد مقاسها وبتتعمل ولكن مش بتتطلع بنفس البعد البؤري .. ومنتظر رد حضرتك والحمد لله على كل شئ ..

[blackbird]

سلام عليكم
الجزء اللى بيركب فيه المرايه اتكسر عن الجزء اللى بيركب فى الباب و اللى واصل بينهم دلوقتى هو الكابل بتاع التحكم فى المرايا.

يعنى المرايا عاملة زى حرف l_ كل طرف فى الحرف بقى لوحده .

متشكر جدا

[mosho1985]

ياباشا اى حد بتاع فبر بيفك المرايا وبيعملك ليها قاعده التمونيا وبتبقى اجمد من الفبر ومبتبانش ومش حتكلفك اكتر من 100 جنيه بالكتيررررررررررررررررررررررررررر

[mememsaid]

لو عملتها عند بتاع الفيبر ابقي قولنا عملتها بكام وشكلها ايه

[د_محمد مدبولي]

حتى الفيبر برضه هاتتكسر بعد مدة
أحسن حل و مجرب تجيب لاصق ايبوكسي الي هو انبوبتين يتخلطوا مع بعض و تجيب النوع يكون ميتال بتاع الحديد و تلزق القطعتين في بعض و انسى انه يتفك و لو حد اتعلق فيهم وده بيتباع في كارفور ب 30 ج

[blackbird]

السلام عليكم
شكرا ليكم جميعا على ردودكم واهتمامكم

انا رحت التوفيقية اسال عليها قالولى ممكت تعملها قاعدة وودانى عند واحد فى شارع المحطة فى الجيزة اسمه باين حسن موتور . وقاللى انه ممكن يعملى واحدة التيمونيا ب 130 ج واستلمها بعد يومين وحتكون اجمد جدا من الفيبر. و سالت ناس قالتلى فى نوع شمع ممكن يلزقها بس المرايا وزنها تقيل ومع الاستعمال ممكن يفك . اما بالنسبة للانبوبتين ايبوكسي انا جربتهم معاها قبل كده وكانت جامده جدا بس زى ما قلت وزن المرايا كبير و مع الاستعمال و الخبط فكت منى .
المهم اخيرا خدت المرايا ورحت عند واحد بتاع حدايد و بويات قالى انه ممكن يلصمهالى . عملى كده مفصلة حرف l_ و ربطهالى من ورا ب مسا مير و بقت الحمد لله ماسكة جدا و ب 10 جنيه بس .

متشكر جدا

[blackbird]

حتى الفيبر برضه هاتتكسر بعد مدة
أحسن حل و مجرب تجيب لاصق ايبوكسي الي هو انبوبتين يتخلطوا مع بعض و تجيب النوع يكون ميتال بتاع الحديد و تلزق القطعتين في بعض و انسى انه يتفك و لو حد اتعلق فيهم وده بيتباع في كارفور ب 30 ج

سلام عليكم
انا بشتريهم من اى محل حدايد و بويات ب 6.50 جنيه . هل النوع ده غير اللى ب 30 جنيه اللى فى كارفور ؟

متشكر جدا

[elmkaneeki]

سلام عليكم
انا بشتريهم من اى محل حدايد و بويات ب 6.50 جنيه . هل النوع ده غير اللى ب 30 جنيه اللى فى كارفور ؟

متشكر جدا

فعلا هو فى حدود 6 7 جنيه

[mememsaid]

عملت ايه؟؟

[د_محمد مدبولي]

سلام عليكم
انا بشتريهم من اى محل حدايد و بويات ب 6.50 جنيه . هل النوع ده غير اللى ب 30 جنيه اللى فى كارفور ؟

متشكر جدا

النوع ده المصري و ده اي كلام
المقصود المستورد و ده اعتقد هولندي و فيه منه نوعين واحد شفاف و ده ب 26 ج و التاني الميتال ب 30 ج