مشكلة فنيه للخبراء

[memo_p910]

انا معايا الويرا فيها حدفة يمين
رحت اعمل ظبط زوايا عند خالد في مدينة نصر المهم قالي العجلة اليمين مرحلة 3/4 سنتي للخلف او ما يطلق عليها زاوية الكاستر للعجله
وقالي دي زاوية ثابته ولازم زرجينه
قولت له ازاي زرجينه لان زرجينه معناها ان الشاسيه متأثر او واخد خبطه واللي ظاهر ان الشاسيه سليم قالي لأ مش شرط يبقى ظاهر
رحت لواحد تاني بتاع زوايا قالي نفس الكلام
المهم ما اقتنعتش بصراحه وحاسس ان المشكله في المقص مش اكتر من كده وعايز حد بروفيشينال يقدر يقولي العيب منين او يوصف لي حد محترف بتاع زوايا يحدد المشكله وحلها لاني خايف من الزراجين

وشكرا لكم

[eng.m7md.ali]

متقلقش من الزرجينة يا باشا دي اغلب العربيات في مصر لازم تعملها
كدة اعتقد ان المساعد او المقص معووج بس ملهاش دعوة بالشاسيه ان شاء الله والموضوع بسيط متقلقش

[mado_9999]

السلام عكليم

فى ناس بروفيشينال فى شارع البحر الاعظم الا فى الجيزة مركز اولاد امام لو تحب اديك الرقم

[ahmed_h_g]

أنا لو مكانك هعمل كده
أروح لأشرفكو اللى فى الحى السابع أتأكد من موضوع الترحيل وأعرف مترحله أد ايه بالظبط
ثانيا" أطلع على بنزينة شل اللى بعد موقف العاشر من رمضان وأنت جاى من طريق الأسماعيلية
فى واحد بيشتغل هناك بيستعدل الزراجين بكباس زيت وشغله ممتاذ وبياخد عالزرجينه 50 جنيه
أو لو معايا فلوس أطلع على الحرفيين فى واحد أسمه سمير على أنضف واحد بيعمل زراجين وبيستعدل شاسيهات فالحرفيين

[eng.m7md.ali]

انا عملتها عند واحد في الضاهر - ميدان الجيش

[memo_p910]

رحت النهارده لمركز في شارع البحر الاعظم ورا بنزينة مصر للبترول بالقرب من المنيب
قالولي المشكله دي احنا بنحلها وغالبا المقص بيكون مشترك في المشكله عملي زرجينه كده بكباس عنده والمشكله مااتحلتش فقالي تعالى بكره هايكون بتاع العفشه موجود وغالبا هايحل المقص
لما أخلص هابلغكم بالتفاصيل

[eng.m7md.ali]

بالتوفيق

[memo_p910]

رحت النهارده المهندس كشف على العربيه قالي الشاسيه تمام المشكله في عصره في المقص اليمين ومحتاج تغيير والعجله مرحله للخلف لهذا السبب

وقالي هاجيبلك مقص واحد يمين استيراد ب 200 جنيه واخد مني 50 جنيه عربون وقالي الاستيراد احسن من اللي في السوق

ياترى سعر المقص كده غالي ولا كويس واجيبه استيراد ولا جديد احسن وشكرا لكم

[eng.m7md.ali]

هو الاستراد طبعا كويس مش وحش
خصوصا ان كل اللي في السوق ممكن ميكونش اصلي
وسعره كدة كويس جدا اعتقد ولو في حد مجرب اكيد هيفيدك

[memo_p910]

اتصلت على الدوليه بروتون قالي المقص تايواني جديد ب ١٩٠ جنيه وبيقولي اكيد انه احسن من الاستيراد فنا كده محتار بصراحه وازاي الاستيراد اغلى من الجديد

[ahmed_h_g]

التايوانى تمنه 125 جنيه والأستيراد أنضف بكتير
و ال 200 ج سعره كويس

[memo_p910]

اتحلت المشكلة الحمد لله بدون تغيير المقص العفشجي فك المقص ووداه المخرطه ظبطه وبعد كده الحدفه راحت والعربيه بقت تمام وخلصت من عك الزراجين وبتوع الزوايا اللي ما بيفهموش