برابريز وكاوتش الساجا

[marsguy]

السلام عليكم ورحمة الله وبركاته،،،

إمبارح نزلت لقيت برابريز العلربيه مشروخ شرخ محترم. فا سبت العربيه ورجعت بالليل لقيت الشرخ زاد كمان مش عارف ليه. رحت عالجت الشرخ عند دكتور خالد واداني ضمان سنه.
بس أنا بصراحه ناوي لو حصل حاجه تاني للبرابريز إني أغيره.

السؤال: هي الساجا نزلها برابريز بره التوكيل؟ وبكام؟

ثانياً: أنا برضه عاوزي أشتري فردة كاوتش وطبعاً لازم تكون نفس المقاس والنقشه. دورت إمبارح شويه في الحي السادس بس ما لقتش خالص. يا ترى هالاقي نفس المقاس والنقشه والنوع في مصر ولا ما أتعبش نفسي ,أجيب أي نقشه وأي نوع وخلاص؟

شكرا

[sayed911]

بالنسبة لموضوع البربريز مش عارف هل تم انه فيه حد اخذه وساب منه نسحة عند مصنع جريش ولا لأ فممكن نسأل ونشوف نزلها البرابريز ولا لأ ..
وبالنسبة للكاوتش ده سهل جدا ..
انا للأسف والله نسيت اسم ماركة الكاوتش ايه :d
فمن المؤكد انك ها تلاقيه في (فروع )الشركة الرسمية يعني انا مثلا في مساكن شيراتون فيه فرع لجوودير واكيد ها تلاقي عنده النقشة كذلك برجستون يعني اقصد مش عند اي بتاع كاوتش ها تلاقيها في المراكز بتاعت الكاوتش زي بالضبط برضه في مركز قدام النادي الأهلي مباشرة على الناحية التانية قدام كبري الكيلو 4.5 خاص بجويير برضوا ..

[marsguy]

ألف شكر يا باشا

الكاوتش نوعه جود يير. هاحاول أشوف توكيل قريب مني وأروحله

هو فين بتاع شيراتون؟ ممكن توصفهولي؟

شكراً

[mahmoud_magdy]

بخصوص الزجاج الامامي في الساجا اعتقد موجود في مصنع د/جريش
لكن الخلفي اكيد مش موجود عنده
الحرفيين فيها عند الثلاثي امامي وخلفي بس فاصل جامد علشان بيبيع بالغالي لو نويت
وعموما د/خالد اللي اعرفه عنه ان شغله نضيف وان شاء الله مش هتضطر انك تغير الزجاج

[sayed911]

انا نازل عندي كلية بكرة ان شاء الله تعالا وانا نازل ها اتأكد اذا كان اللي في شيراتون جود يير ولا ايه بالضبط ولكن هوة سهل جدا .. حضرتك ها تدي ظهرك لجامع الصديق وتمشي كأنك طالع على صلاح سالم بالضبط .. ها تلاقيه على ايدك اليمين في آخر الشارع ولكن ان شاء الله ها تاكد لحضرتك غدا بإذن الله .

[mosho1985]

البربريز الامامى موجود فى حدائق القبه ب 270 جنيه ( خلف مول السرايا )

[mixd99999]

ياريت لو حضرتك جبت الفردة من الوكيل بتاعها تبقى تسيبلنا معلومات علشان انا كمان محتاج واحدة او اتنين علشان في فردة عندي عملت بالونة والتانيه اتخرمت من الجنب وممشغلها بشمبر

[mememsaid]

البربريز الامامى موجود فى حدائق القبه ب 270 جنيه ( خلف مول السرايا )

البربريز ده جريش؟؟؟

[mosho1985]

معرفش بس هو واحد صاحبى جاب الازاز من التوكيل وجهه يركبه عن بتاع الازاز اللى قدام بيتى ودول عندهم مصنع ........ خدوا الاستاندر وعملوه وموجود عندهم دلوقتى

[marsguy]

ياريت لو حضرتك جبت الفردة من الوكيل بتاعها تبقى تسيبلنا معلومات علشان انا كمان محتاج واحدة او اتنين علشان في فردة عندي عملت بالونة والتانيه اتخرمت من الجنب وممشغلها بشمبر

أخيرا الحمد لله لقيت الكاوتش في توكيل جووديير

الفرده بـ 350 جنيه، طبعاً أنا جبت فرده واحده، مش عارف السعر ده هايكون هو هو لو جبت أكتر من فرده ولا لأ.

الشركه إسمها checkpoint وعنوانها 4 مصنع الطرابيش - العباسيه. هي في المنطقه الصناعيه اللي في العباسيه. وتليفونهم 26851439 . بس ما كانش عندهم النقشه بتاعت كاوتش الفابريقه فجابوهالي مخصوص وإتصلوا بي لما جت.

النقشه بتاعت الساجا إسمها Ducaro

شكراً

[marsguy]

على فكره الشركه دية عندها مركز خدمه للكاوتش وظبط الزوايا. أنا شخصياً عملت عندهم نيتروجين وتبديل لأماكن الإطارات وبصراحه شغلهم كان نظيف جداً وسريع ومعداتهم حديثه.

[kar!m]

مبروك يا باشا .. واحشنى والله .. بالنسبة للزجاج كان فى حد عامل موضوع هنا انه غيره فى التوكيل .. و بعتوهوله من أبو رواش للاسكندرية.

[elmkaneeki]

أخيرا الحمد لله لقيت الكاوتش في توكيل جووديير

الفرده بـ 350 جنيه، طبعاً أنا جبت فرده واحده، مش عارف السعر ده هايكون هو هو لو جبت أكتر من فرده ولا لأ.

الشركه إسمها checkpoint وعنوانها 4 مصنع الطرابيش - العباسيه. هي في المنطقه الصناعيه اللي في العباسيه. وتليفونهم 26851439 . بس ما كانش عندهم النقشه بتاعت كاوتش الفابريقه فجابوهالي مخصوص وإتصلوا بي لما جت.

النقشه بتاعت الساجا إسمها Ducaro

شكراً

checkpoint ليهم فرع فى بنزينة وطنية الجديدة عالاوتوستراد فى المعادى

[marsguy]

مبروك يا باشا .. واحشنى والله .. بالنسبة للزجاج كان فى حد عامل موضوع هنا انه غيره فى التوكيل .. و بعتوهوله من أبو رواش للاسكندرية.

والله وانت كمان واحشني

أكيد الزجاج موجود في التوكيل بس ثمنه هايكون ضعف الزجاج بتاع د. جريش

[marsguy]

checkpoint ليهم فرع فى بنزينة وطنية الجديدة عالاوتوستراد فى المعادى

مظبوط كلامك