طريقة لمنع سرقة الجين 2

[mohamed_sabry]

لكل الناس اللى معاهم جين 2 , طريقة مفيدة لمنع سرقة السيارة
خدوا بالكم ان هناك بعض اللصوص المحترفين بيقدروا يشغلوا العربية رغم انها ايمبولايزر زى عربياتنا
الطريقة دى علمهالى صديق عزيز كان يعمل بالتوكيل هو المهندس هانى الغندور جزاه الله خيرا عنا جميعا
الطريقة :
مجموعة الفيوزات اللى تحت التابلوه من جهة اليمين
هتلاقى صفين
الصف الثانى هتلاقى فيوزات خضراء و حمراء
بعد الفيوزات الخضراء سيب فيوزين من الاحمر و شيل الثالث
يعنى تالت فيوز احمر بعد الفيوزات الخضراء
كده هتكون فصلت الموتور و لن يعمل مطلقا حتى تعيده لمكانه
كل شئ هيكون فى العربية طبيعى تماما و الانذار شغال و كل شئ تمام
و يا رب اكون افدتكم

[RedBull_30]

يا اخي ربنا يكرمك انت والمهندس صاحبك .. الموضوع ده بقى لا يطاق الايام دي وعلى فكرة العربيات الكيا سيراتو اصحابها كلهم مهددين بسرقة سياراتهم وانا اخويا معاه سيراتو كوبيه وفيها ايمبولايزر ومع ذلك قاعد على اعصابه بسبب ان الموضوع زاد عن حده ربنا يستر

[Olfat]

الطريقة :
مجموعة الفيوزات اللى تحت التابلوه من جهة اليمين
هتلاقى صفين
الصف الثانى هتلاقى فيوزات خضراء و حمراء
بعد الفيوزات الخضراء سيب فيوزين من الاحمر و شيل الثالث
يعنى تالت فيوز احمر بعد الفيوزات الخضراء
كده هتكون فصلت الموتور و لن يعمل مطلقا حتى تعيده لمكانه
كل شئ هيكون فى العربية طبيعى تماما و الانذار شغال و كل شئ تمام
و يا رب اكون افدتكم

جزاك الله عنا خيراً أنت وصديقك وحفظنا الله وإياكم
معلش هما سؤالين صغيرين ممكن اعرف الفيوز ده الخاص بتغشيل ايه في السيارة وهل فكه وتركيبه اكثر من مره ممكن يخلي الفيوز ده يخرب أو يضيع لصغر حجمة فالواحد يكون عنده فيوز احتياطي
تقبل تحياتي

[Raul_7]

ألف شكر يا أستاذ محمد ربنا يكرمك.

[ecybrarian]

شكرا إنك قلت لنا..علشان نقول للحرمية ياخدوا بالهم :-))))))))))))) ..بجد بقى..فكرة ذكية فعلا

[das1328]

فكرة رائعة
وكان أحد الأعضاء من فترة إقترح نشيل الفيوز بتاع طرمبة البنزين حد يعرف مكان الفيوز ده

[zizos]

طيب لو فى حد يعرف ازاى العربية فيها ايموبليزر وتتسرق ياريت يقولنا علشان دى حاجة تجنن
هاموت واعرف ازاى

[mohamed289]

ربنا يكرمك انت و المهندس صاحبك ده بس معلش سؤال هوا مجموعه الفيوزات و تصنيفها متطابق فى كل موديلات الجين تو ولا ممكن يختلف كل سنه عن التانيه احسن الواحد خايف يشيل الفيوز اللى حضرتك قلت عليه و يقعد مطمئن و مايطلعش هوا و بعدين انا قريت فى المانيوال بتاع العربيه بس ما لقيتش الفيوز اللى حضرتك بتقول عليه فى علبه الفيوزات ديه خالص
ارجو الإفاده سريعا
جزاك الله كل خير

[hoko]

هل البرسونا زى الجين تو فى تصميم علبة الفيوزات ام مختلفه ؟

[yaseenmohamed]

طيب وبالنسبه للساجا ؟

[densfog]

تسلم ياباشا وكمان صاحبك على الفكره الجميله دى ....

[Al-Farooq]

يا جماعة انا معرفش العلبة دي موجودة فين ولا اعرف بتتفك ازاي ، ياريت حد يقولي على الخاص .

[tutankhamoun]

يا جماعة انا معرفش العلبة دي موجودة فين ولا اعرف بتتفك ازاي ، ياريت حد يقولي على الخاص .

يا باشا امام الراكب الامامي من تحت التابلوه بجانب فلتر التكييف

[tutankhamoun]

شكرا للاستاذ محمد صبري و شكرا للمهندس هاني على الفكرة

[Eng.Osama.Afifi]

طيب وبالنسبه للساجا ؟

؟؟؟