كارتيرة جين 2

[werewolf]

انا كنت قريت هنا ان الكارتيرة الفيبر اللي فوق العجلة الشمال ممكن استبدالها بكيا سيراتو
فيه حد جربها فعلا ؟؟؟؟ وهي هي ولا محتاجة تعديل ؟ وسيراتو موديل كام ؟
عشان اتكسرت وانا ماشي ودست عليها ومش نافعة تتصلح وعايز اجيب واحدة تانية
ويا ريت سعرها سواء الاصلية او بتاعة السيراتو
وشكرا

[أبومعاذ]

بتحتاج تعديل و سعرها حوالي 110 علما بإن في كارتيرة بتاعة الجين 2 موجودة بنفس السعر بس هي مش حلوة أوي

[romioramy]

باشا معلش انت معاك عربية دلعها هتلها الأصلي بتاعها .. و الكرتيرة مش بتتغير كل شوية فريح دماغك و هات الأصلي و بعدين عندك شارع دمشق و الحرفيين دلوقتي مليانه قطع غيار الجن 2 لو حضرتك الأصلي هتلاقيه غالي حبتين.
معلش اصل انا كان معايا العربية ده 4 سنين و كانت حته مني و حبيتها جدااااااااااا

[mahmoud_magdy]

بتحتاج تعديل و سعرها حوالي 110 علما بإن في كارتيرة بتاعة الجين 2 موجودة بنفس السعر بس هي مش حلوة أوي

بالظبط دا غير ال 13 كلبس اللي بيثبتوها
الكلبس سعره 1 جنيه بس اكيد عندك كلنسات سليمه
واي واحد بتاع عفشه هيركبها وممكن تركبها بنفسك لو غاوي

[werewolf]

بتحتاج تعديل و سعرها حوالي 110 علما بإن في كارتيرة بتاعة الجين 2 موجودة بنفس السعر بس هي مش حلوة أوي

بس التعديل ده عبارة عن قص في الكارتيرة ولا ايه ..حاجة بسيطة يعني ولا جامدة ؟؟وهيأثر علي خلوص العجل مثلا ؟
ويا تري كارتيرة الجين 2 اللي بتتكلم عليها ومش حلوة عشان الخامة ولا ايه؟
والحاجات دي ممكن تكون موجودة في التوفيقية ؟؟

اما بخصوص تدليع العربية ...فانا ممكن ادلعا في كماليات او قطع غيا ميكانيكا مثلا بس كارتيرة فايبر ادفع فيها 250 جنيه مثلا بحس انها مش مستاهلة الصراحة

طب بالمرة بقي اسألكم علي كذا حاجة بما اني ناوي اشد العربية
- وش الفوجات مكسورة وعايز اغيرها...هل فيها انواع ولا كله زي بعض ؟
- عايز اجيب سبويلر ..موجود في التوفيقية ؟
عشان انا ساكن في المهندسين وصعب مشوار الحرفيين او شارع دمشق بالنسبالي
اسف للاطالة وشكرا لكل من شارك في الموضوع