أفيدونى يا بروتوناوية

[dr_ahmed_1a]

ده أول موضوع ليا فى القسم ده ومطمن انكم هتفيدونى ان شاء الله

أنا بفكر اليومين دول فى عربية جديدة ومحتااااااار جدا بس أنا حصرت تفكيرى فى 3 عربيات

بروتون جين 2 ولا برسونا ولا صنى

وهل الأوتوماتيك كويس فى البروتون ولا لأ .. واستهلاك البنزين سمعت انه عالى جدا فى البرسونا الأوتوماتيك , ده صح ولا غلط ؟

[mido_soliman]

ده أول موضوع ليا فى القسم ده ومطمن انكم هتفيدونى ان شاء الله

احنا تحت امرك ونورتنا

أنا بفكر اليومين دول فى عربية جديدة ومحتااااااار جدا بس أنا حصرت تفكيرى فى 3 عربيات

بروتون جين 2 ولا برسونا ولا صنى

ارشحلك البرسونا اليجانس الجديدة تحفة والاوتو فية مثبت سرعة ذيادة عن الجين2

وهل الأوتوماتيك كويس فى البروتون ولا لأ .. واستهلاك البنزين سمعت انه عالى جدا فى البرسونا الأوتوماتيك , ده صح ولا غلط ؟

غلط جدا جدا جدا الاستهلاك طبيعى ما بين 7-8 لتر لكل 100 كيلو
الاوتو فى بروتون متسوبيشى يابانى يباشا ومفيش منة اى مشاكل خالص متقلقش

[romioramy]

جن2 جن2 جن2
بلاش بيرسونا و لاصني مع إحترامي عربية الصني ده عربية سيئة ده من وجهة نظري و مع إحترامي لملاكها .
كانت معايا الجن قبل الكارنز و عربية جميلة جدا بذات لو حضرتك فرداني او اسرة صغيرة ..هيا مش العربية إللي كنزة بس الشنطة كنزة شوية و كانت المدام تعشق شيل الشنط الكتير فإتخنئت من الشنطة.
و جبتلها الشيكروباص الكيا الشديد.

[dr_ahmed_1a]

شكرا على الرد بس انتو كده حيرتونى أكتر هههههههه
طيب إيه الفرق بين الجين 2 والبيرسونا غير الشكل ؟؟؟
والأفضل فيهم المانيوال ولا الأوتوماتيك ؟؟

[romioramy]

انا بصراحة ماجربتش البيرسونا .. الاتوماتيك بتاع الجن2 خطير و جميل جدااااا و تسارع و كيك داون يا معلم 10/10 ... بصراحة العربية ده المفروض تبقي علي العرش نفس فئتها.

اما بنت خالتها الست بيرسونا سمعت عليها بعض المشاكل و لكن تم حلها من التوكيل و على فكرة كان في بعض العيوب التقفيل في الجن و بيحلها التوكيل علي السريع و مجانا و مش مشاكل جامدة يعني مثلا جلد الباب الخلفي كان مش متظبط تم معالجته و بقي زي الفل .

اخيرا يا رب يهديك للأختيار الصح .... و معلومة صغيرة في الاخر بروتون يعني جن2 و هي الأنجح و أجمل و الأقوي في منتجات بروتون اما الباقي فيعتبر غير ناجح مثل سوق الجن2

[saryrabie]

الجين 2 تحفه بس نصيحة هات اوتوماتيك

[tamerosman]

جن 2 شكلها مميز اكتر و رياضى و شنطها حوالى 85 ال 90 % من حجم شنطة البرسونا

البرسون اليجنس شكلها شيك طبعا بس فيه عربات كتير شيك و انا كانت اغلى بحوالى 10 ال 20 الف

الجين شكلها رياضى و متميز جدا عن اى عربية تانبة فى السوق مرورا بجيع الفئات السعرية

[AmatoALLAH]

جين توووووووووووو طبعا :)

[mmaaly]

الجين 2 شبابى البرسونا للاكبر سنا الفرق الشكل الخارجى والكراسى الامامية وان كانت البرسونا 2011 فىى رايى جميلة جدا

[elzamalek]

البيرسونا اليجانس انا جبتها
جامدة جداااااااااااااااااااااااااااااااااااااااااااااااا ااااااااااااااااااااااااااااااااااا
رغم اني كنت متحيز للجين بس الاليجانس حاجة تانية
و هات الاوتوماتيك

[Raul_7]

البيرسونا اليجانس انا جبتها
جامدة جداااااااااااااااااااااااااااااااااااااااااااااااا ااااااااااااااااااااااااااااااااااا
رغم اني كنت متحيز للجين بس الاليجانس حاجة تانية
و هات الاوتوماتيك

ألف مبروك يا عم, طب فين الحاجة الساقعة بقى.

بالنسبة لصاحب الموضوع, يا رت تشوف الاتنين في المعرض ويبقى أحسن لو عملت test drive للاتنين وشوف أنهي واحدة هترتحلها أكتر.

بالنسبة للأوتوماتيك هيبقى أريّح أكيد, بس بيبقى التسارع والشد أقَل شوية من المانيوال, استهلاك بنزين أعلى بنسبة بسيطة برده.

بس في النهاية الاتنين كويسين ومفهمش مشاكل إن شاء الله.

[dr_ahmed_1a]

شكرا جدا على ردود حضراتكم وربنا يقدم اللى فيه الخير
وهقولكم أنا اشتريت ايه بعد ما ربنا يتمها ان شاء الله

[tamerosman]

جينا و بس