تقييم...حيييرة...للجين 2 ووللمساعدة السرييييعة

[sahtot]

هاااى ازييكم يا جماعة...انا بأختصار كنت امبارح فى معرض من المعارض الى عندها جين 2 وركبتها بس مسقهاش المهم انا هعمل تقييم كدا على ادى وعلى حسب الحاجات الى شوفتها اولا الشكل من برة تحفة فعلا الصاااج قوى جدا ومحمل انا الى ركبتها كانت 2008 للعلم الجنوط متغيرة عن 2007 دة من برة ومن اول ما فتحت الباب وانا معجب بيها انا طويل فعدلت الكرسى على حسب ما يناسبنى وعدلت الدركسيون لانة كمان بيتتحكم فية وبتعدلة على حسب راحتك الانطباع الاول ان الكراسى جميلة اوى بس فى نفس الوقت جامدة اوى يعنى عاملة زى المسطبة او زى الطوبة اكنى قاعد على طوبة التابلوة شكلة جميل اوى العدادات شكلها تحفة الفتيس امور اوى وشكلة يجنن الكاسيت بتاعها انا سألت الراجل لان فى ناس كتير كانت بتقول انة اوديو بس !! الى انا ركبتها الكاسيت كان ام بى 3 الحاجة الى اخدت بالى منها ان مساحة الكرسيين من الكنبة صغيرة شوية يعنى لو حد طويل قعد ورا مش هياخد راحتة اوى كمان الشنطة بتاعت العربية بتتفتح طبعا من جوة وهى انا كنت فاكر انها ديقة بس طلعت واسعة جدا ما شاء الله العربية شكلها قوى الدركسيون بتاعها خامتة غريبة اوى مش عارف غير اى دركسيون انا مسكتة فى ازرار بتخليك تتحكم فى الكاسيت فى الدركسيون الراجل قالى انها ثباتها تحححفة وهيا عالية عن الارض من زى اى عربية بس العربية من غير الاسبورت باكدج بتبق مش حلوة بصراحة المهم..انا خلصت الاجراءات وفاضل انى اختار بجد مش عارف اعمل اية ساعدونى بليز اخد بروتون جين2 ولا اخد فيرنا ولا اخد نيو اكسنت او ماتركس او اسبرانزا 1600واخيرا نيسان صنى وكلة 2008 1600 سىسى اعمل اية ساعدووونى....؟؟

[crazylambada]

جين 2 احسن
و طبعا توكل على الله
كمان باين على حضرتك انك مرتحلها و ده مهم

[immetwally]

gen 2 isa lazem

[محمد قاسم]

رأيى أن الجين 2 لأفضل سيارة منهم

[Powert]

ياراجل الجين تو تكتسح الفرنا ونيو اكسنت واسبرانزا بسهولة

بس قولي هي اتوماتيك صح

[ahmedsiyam]

الجين 2 طبعا

[mazagnge]

ســـــــــا الخــــــــــــير ع الاجيبشن الموجودين و اللي خارج نطاق الخـــدمة :p

تمام يا بوب في تقيماتك بأســـتثناء موضوع ال MP3 هو اديو انا عن نفسي أحب صـــوت العرب:D ... أرخص كثير و أعتقد انة من قرايب عز العرب يعني ممكن نأخــد واجب و ديسكونت منهم

اما بالنســـبة للنوعيات اللي انت قلت عليها :

فالصراحـــة رآى و أعوذ بالله من كلمة رآى انا الفقير إلي الله : :o

الــ فيرنا هي أصلا ً أكسينت و كانت مطروحة في أوربا ع المسمي دة
و عمك غبور جابها ايجيبت المحروسة سابقاً ... و سماها فيرنا زي اسم علب السمنة الهولندي كــــدة .... و أهي الناس أكلت المقلب " مش مصدق خوش علي جوجل صور / ابحث عن Verna في المواقع الاجنبية سيبك من العربي .... هتلاقي حاجة صور الاكسنت ، ابحث عن أكسينت هتظهر لك الحلوة الامورة " الكلام دة من مصدر غير موثوق منة ع الاطلاق ... من الاخر المحروس أنا .

نيجي للحاجـــة / نيو أكسنت .... يعني اية اللي جاب خالتي عائشة لخالتي ام الخير .... يعني من نيسان صني و جين تو / نيو أكسنت .... طيب قول النترا ... أعديها لك ... يلا المسامح كريم .

نيجي للنسيان صني ... بص انا بحب العربية دي و بحس ان ملهاش حظ في مصـر لا توكيل و لادعاية :o

اسبرانزا 1600 / لو كنت قلت 2000 كنت دخلت قلبي و عششت .... انما 1600 انت من طريق و انا من طريق .... و لــ لله في خلقة شئون ... و عجبي

كل اللي أقـــدر أقولة لك انت من الأحـــرار يا علي .... تأخــــد أنجي ... تأخـــد نفسك و تجري .... لكن أهم حاجــــة لازم تحدد انت عايز اية و المبلغ اللي معاك قد ايو و ميزانيتك كام يا بوب ... و السلام ختام ... و لا حول ولا قوة الا بالله:)

[kamalantivirus]

فيرنا هي أصلا ًأكسينت و كانت مطروحة في أوربا
كلام مضبوط100%

[mohamed_1991]

momken kam sou2al heya manual wala automatic 3lashan ab2a 3aref we heya fe ma3rad walla el kalam da fe el tawkel we law ma3rad esmo a??

[sahtot]

اة يا باشا كانت اوتوماتيك بالاسبورت باكدج بتاعتها وكانت عاملة 95000بالظبط هيا سوداء واعلى حاجة فى البروتون

[sahtot]

اة وكانت فى معرض مش توكيل والمعرض اسمة رويال اوتوموتيف بالمنصورة

[fahd_628]

جين 2 طبعاااااااااااااااااااااا

[solyahmed]

gen 222222222

[kh_talaat]

ممكن تقولنا على مكان المعرض إللي شوفت فيه العربية لأني حابب أشوفها على الطبيعة وأجرب قاعدتها

[sahtot]

هوا المعرض فى المنصورة فى شارع الترعة قدام ستاد الجامعة المعرض اسمة رويال اوتوموتيف وعندة مانيوال واتوماتيك انا كنت هجيبها مانيوال قالى هتستلم كمان 4 ايام بالظبط....