معايا ساجا أوتوماتيك

[elmkaneeki]

يا أخي حرام عليك ممكن يقع في أيد ظابط مرور رخم و تبقى بهدلة
التوكيل بيبقى مديله جواب بتاع الاستلام و دا بيسمحله انه يمشي بالعربية بالجواب دا لمدة يوم واحد بس لو الجواب مفيهوش تاريخ الاستلام ممكن يمشي بالعربية وربنا يستر :_alshmokh22[1]:

ربنا ستر الحمد لله

[amazingahmed]

ألف مليون مبروووووك ربنا يديك خيرها ويكفيك شرها ... على فكرة دى طبق الأصل من عربيتى بس أنا عربيتى أحمر مانيوال

الله يبارك فيك. ربنا بياركلك في عربيتك

يا فندم دوس ولا يهمك
دة انا علقت نمر بعد لما عملت بالعربية 1100 كيلو
دوس يا فندم

حظك حلو بس لا قدر الله لو حد كان غلس عليك كانت هتبقى مشكلة ملهاش لزمة

الف مبروك ياباشا وربنا يكفيك شرها ويديك خيرها
الاعضاء اللي بيشتروها ويشكروا فيها بيشجعني كتير اني اشتريها
مبروك ليك

الصراحة عربية محترمة آخر حاجة و تحب تفضل راكب فيها. أنا لما بوصل بقول هو المشوار خلص بسرعة كده ليه. النهاردة ركبت معايا قريبتي عندها أوبترا أوتوماتيك و انبهرت بيها جدا جدا و أكتر حاجة علقت عليها السحب الشديد.

يا أخي حرام عليك ممكن يقع في أيد ظابط مرور رخم و تبقى بهدلة
التوكيل بيبقى مديله جواب بتاع الاستلام و دا بيسمحله انه يمشي بالعربية بالجواب دا لمدة يوم واحد بس لو الجواب مفيهوش تاريخ الاستلام ممكن يمشي بالعربية وربنا يستر

فعلا ربنا يستر. و أنا هتجنن و أمشي بيها و أسافر و العب شوية لكن على رأي المثل: من خاف سلم

[amazingahmed]

الحمد لله رخصت العربية أول امبارح في مرور الحدائق و اتكلف حوالي 1350 جنيه ترخيص 3 سنوات.

بعد كده رحت طالع على جينز كار حجزت فرش جلد للكراسي و الشنطة هيتكلف 1100 جنيه بعد الخصم و اشتريت طارة للدريكسيون ب50 جنيه و كنت هشتري استيكر نايل موتورز بس نسيت. إن شاء الله هروح النهاردة أركب الفرش و أشتري الاستيكر.
بعد كده رحت جبت طقم دواسات من سبير كار ب75 جنيه (مش عارف ليه مستريحتش لسبير كار... يمكن لأني رحتلهم بعد ما تعاملت مع الأستاذ أحمد المحترم في جينز كار؟؟؟ الصراحة معاملته ممتازة لأقصى درجة ) الصور إن شاء الله بعد ما أركب الفرش.

[amazingahmed]

نسيت أقول حاجة و كنت هضيفها في المشاركة اللي لسة كاتبها بس كان فات 10 دقائق و معرفتش أعدلها.
بالنسبة لاستهلاك البنزين، هي عملت حوالي 9.5 كيلو للتر في أول تفويلة مع العلم أنا سواقتي هادئة بس مش طول الوقت. يارب يتحسن بعد كده أصل أنا عربيتي القديمة كانت عاملة رجيم و كانت بتعمل من 16 إلى 20 كيلو في اللتر حسب الطريق.

[mememsaid]

الله يكرمك يا أستاذ محمد. أنت أحد الناس اللي خلوني أختار الساجا.
سؤال: هو فعلا العفشة بتاعت الساجا هي نفس العفشة بتاعة اللانسر الكريستالة؟ أنا أكيد هتعود على العفشة مع الوقت و هي مش مضايقاني أوى بس أعتقد أن ده بسبب أن الكوري عفشته ناعمة و أنا اتعودت عليه. أنا بس ببقى خايف زيادة على العربية ليحصلها حاجة من المطبات اللي مالية الشوارع.
ربنا يستر في حكاية استهلاك البنزين و أنا أساسا سواقتي مبقيتش سريعة زي أيام الشقاوة لكن ده مايمنعش أني مستني أول 1000 بفارغ الصبر علشان أجرب الكيك داون.:b4_048:

متشكر على مساعدتك و أنا قبل نا أروح أستلمها فكرت فيك بس الوقت كان اتأخر و محبيتش أزعجك فتوكلت على الله و قلت آخد العيلة علشان هما كمان يفرحوا بيها و جربت كل حاجة معاهم.

اولا: بلاش استاذ احنا هنا كلنا اخوات ومافيش القاب بين الاخوه
ثانيا: يارب اكون سبب كويس لاختيارك العربيه ديه
ثالثا: حقيقي انا مش عارف عفشتها ايه بالظبت بس اللي اعرفه ان عفشتها ونظام التعليق بتاعها تصميم لوتس واكيد انت تعرف لوتس كويس
رابعا وده الاهم في اي وقت تعوز فيه اي حاجه بخصوص العربيه اوي اي حاجه تانيه تكلمني علي طول وانا تحت امرك في اي استفسار او اي سؤال وافتكر ان احنا اخوات ومافيش اي حاجه تمنع الاخوات من كلامهم مع بعض واقسم بالله لو كلمتني واحتجتني اروح استلم معاك العربيه ماكنتش هتاخر عليك بال بالعكس انا زعلان انك ماكلمتنيش عشان ده ولي عندك حق عرب
ماتقلقش من موضوع البنزين اينعم انت راكب عربيه 1300 بس مش هاتحش انها 1300 خالص هتحس انك راكب عربيه 1600 في القوه والاداء وبردو استهلاك البنزين
اما بقي بعد ما تعدي ال1000 اعمل بيها ما بدالك وامشي زي مانت عايز
انا بامشي بيها لغايه 160 ولا بحس وافتكرت دلوقتي كلمه قالهالي زميل لينا هنا في المنتدي قبل ما اشتري العربيه علي الثبات بتاعها قالي هتحس انك راكب فيل بس عايز اضيف عليها بقي اني فعلا راكب فيل برشاقه غراله
ربنا يباركلك فيها واسف علي الاطاله و التاخير في الرد عليك

[sayed911]

يالله توكل على الله واعمل الفرش عشان حضرتك تبقى 4 ساجا من نايل موتورز عند جينز كار :d :d
احنا بسم الله ماشاء الله واحد عملوا احمر والتاني ازرق وانا بيج منتظرين لون حضرتك بقى :d

[amazingahmed]

اولا: بلاش استاذ احنا هنا كلنا اخوات ومافيش القاب بين الاخوه

ماشي كلامك يا محمد

ثانيا: يارب اكون سبب كويس لاختيارك العربيه ديه

ربنا يباركلك

ثالثا: حقيقي انا مش عارف عفشتها ايه بالظبت بس اللي اعرفه ان عفشتها ونظام التعليق بتاعها تصميم لوتس واكيد انت تعرف لوتس كويس

مكنتش بلعب غير بيها في نيد فور سبيد القديمة

رابعا وده الاهم في اي وقت تعوز فيه اي حاجه بخصوص العربيه اوي اي حاجه تانيه تكلمني علي طول وانا تحت امرك في اي استفسار او اي سؤال وافتكر ان احنا اخوات ومافيش اي حاجه تمنع الاخوات من كلامهم مع بعض واقسم بالله لو كلمتني واحتجتني اروح استلم معاك العربيه ماكنتش هتاخر عليك بال بالعكس انا زعلان انك ماكلمتنيش عشان ده ولي عندك حق عرب

لأ لأ لأ .... كله إلا الزعل. أنا مقدرش أزعل حد مني و حقك عليا.

ماتقلقش من موضوع البنزين اينعم انت راكب عربيه 1300 بس مش هاتحش انها 1300 خالص هتحس انك راكب عربيه 1600 في القوه والاداء وبردو استهلاك البنزين

بدون أي مبالغة: عندك حق. و الحمد لله عملت 9.5 كيلو للتر و زي ما قريت إن شاء الله يتحسن الاستهلاك

اما بقي بعد ما تعدي ال1000 اعمل بيها ما بدالك وامشي زي مانت عايز
انا بامشي بيها لغايه 160 ولا بحس وافتكرت دلوقتي كلمه قالهالي زميل لينا هنا في المنتدي قبل ما اشتري العربيه علي الثبات بتاعها قالي هتحس انك راكب فيل بس عايز اضيف عليها بقي اني فعلا راكب فيل برشاقه غراله
ربنا يباركلك فيها واسف علي الاطاله و التاخير في الرد عليك

مفيش داعي للأسف... إحنا اخوات

[midosalah]

مبروووك الترخيص يا افندم ومستنين صور وتقرير الفرش

[midofinlandy]

انت ممكن تجيب مراية تانية بتركب على الاصلية مفهاش خاصية التقريب ب10 من اى بتاع كماليات ى اكبر من الاصلية بجبلك ابعاد العربية كلها

[amazingahmed]

رابط فيه صور الفرش. يارب يعجبكم

http://www.nilemotors.net/Nile/13398...post3873512233

[midosalah]

رابط فيه صور الفرش. يارب يعجبكم

http://www.nilemotors.net/nile/13398...post3873512233

الف مبرووك على الفرش بجد الشغل تحفه
بس انا ليا ملحوظه هوا الفرش تفصيل ولا جاهز ؟؟
اصل حضرتك قولت انك اخترت الجاهز فهل هوا جاهز فعلا ولا حضرتك نسيت وانت بتكتب ؟؟

[mememsaid]

وعايزين ششويه تفاصيل عن الاسعار ولو ماينفعش ابقي قولي علي الخاص

[amazingahmed]

الف مبرووك على الفرش بجد الشغل تحفه
بس انا ليا ملحوظه هوا الفرش تفصيل ولا جاهز ؟؟
اصل حضرتك قولت انك اخترت الجاهز فهل هوا جاهز فعلا ولا حضرتك نسيت وانت بتكتب ؟؟

الله يبارك فيك. الفرش فعلا طلع جميل جدا و أنا بإذن الله قريب قررت أروح أعمل الأرضية كمان فرش جلد. الفرش تفصيل و آسف على أي لخبطة

وعايزين ششويه تفاصيل عن الاسعار ولو ماينفعش ابقي قولي علي الخاص

هو فيه أسعار كتير على حسب الخامة من أول 800 لحد 1300 تقريبا و الخياطة بتزود السعر 200. ده بالنسبة للكراسي و الكنبة. أن أخدت الخامة اللي ب1000 أو 1100 مش فاكر بالضبط. و الأرضية تقريبا تعمل 300 جنيه و كمان ممكن تعمل غطاء للطارة و الهاندبريك بس مش عارف بكام.
أنا عارف أني دفعت مبلغ مش قليل لكن لما شفت التغيير اللي حصل في العربية قلت بجد تستاهل. الصراحة حاجة فخمة. و الصراحة الأستاذ أحمد مشعل صاحب جينز كار راجل محترم آخر 25 حاجة و الواحد يحب يعمل شغل عنده.

[mememsaid]

الله يبارك فيك. الفرش فعلا طلع جميل جدا و أنا بإذن الله قريب قررت أروح أعمل الأرضية كمان فرش جلد. الفرش تفصيل و آسف على أي لخبطة

هو فيه أسعار كتير على حسب الخامة من أول 800 لحد 1300 تقريبا و الخياطة بتزود السعر 200. ده بالنسبة للكراسي و الكنبة. أن أخدت الخامة اللي ب1000 أو 1100 مش فاكر بالضبط. و الأرضية تقريبا تعمل 300 جنيه و كمان ممكن تعمل غطاء للطارة و الهاندبريك بس مش عارف بكام.
أنا عارف أني دفعت مبلغ مش قليل لكن لما شفت التغيير اللي حصل في العربية قلت بجد تستاهل. الصراحة حاجة فخمة. و الصراحة الأستاذ أحمد مشعل صاحب جينز كار راجل محترم آخر 25 حاجة و الواحد يحب يعمل شغل عنده.

تسلم علي الرد الوافي
وتدوبها في عرق العافيه

[kimotop]

بسم الله ما شاء الله
العربية جميلة وان كان الطابلوة تحسه فاضي شوية لكن عموما انسيابي

ربنا يرزقك خيرها كله يا رب ويكفيك شرها كله