سعر الساجا في السويس

[yaseenmohamed]

تخيلو يا جماعه نزلت من كام يوم بندور علي ساجا لواحد صاحبي فوجئت بسعر الساجا الاوتوماتك في السويس حيث وجدناها تتراوح ما بين 78 و 79 ألف

[nour_nrc]

لا يا راجل

[amazingahmed]

متهيألي سعر الساجا في الجمهورية كلها لازم يكون ثابت. الساجا الأوتوماتيك سعرها 72,900 عند الوكيل و الاستلام بعد 15 يوم و أنا جبتها ب72,500 من معرض بس استلمت تاني يوم علطول.
لو الناس هناك مغليين انزل اشتريها من القاهرة

[sayed911]

بالضبط كده مأعتقدش انه ها تبقى فيه مشكلة انه صاحبها ينزل يشتريها من القاهرة خالص مش بعيدة المسافة جدا + مهما كانت التسهيلات والعروض اللي المعرض بيقدمها صعب جدا السعر ده بصراحة ..

[midosalah]

اشتريها من القاهرة واستمتع بالرحلة وفرق الفلوس

[mixd99999]

انزل القاهرة هاتها وماتخليش حد يستغلك

[RedBull_30]

على فكرة انا يوم ما اشتريت عربيتي وهي جين 2 2008 اشتريتها من السويس وكانت ارخص من عز العرب نفسه ب 900 جنيه وطبعا اشتريتها من ابراهيم فرج وهو كان موزع معتمد لعز العرب.. انا معرفش ابراهيم فرج حاله ايه دلوقت وخصوصا بعد الثورة .. بس بصراحة وقتها عمل معايا واجب كبير بانه جابلي نمرة تجارية عشان ارجع بالعربية اسكندرية وارخصها في اسكندرية
اعتقد ان في ناس بتستغل الظروف
كمان السويس من زمان فيها مشكلة بالنسبة لاي تاجر وهي انه ديما بيزود على اي سلعة مبلغ كبير و تكون حجته تكاليف النقل لدرجة انك لو روحت مثلا تشتري تلفزيون هتلاقي سعره غير القاهرة واكيد اي حد من السويس هيلاحظ فرق السعر في فردة كاوتش مثلا مختلفة اوي عن القاهرة.. بس طبعا انا من السويس و بحبها اوي و نفسي ارجع اعيش فيها تاني

[eymofouad]

على فكرة أنا من السويس
لما اشتريت عربيتى الساجا الاوتوماتيك جبتها من معرض ستوب كار بمدينة نصر وعلى فكرة أنا جبتها من سنة بى سعر التوكيل بسعر 69900 جنية