توكيل عز العرب

[ayman_83]

بصراحه انا مش عارف ابدء كلمي واقول ايه
من كام يوم كنت بكلم أ/ ( ايمن ) علي النت وبندردش المهم قولتله اني مغيرتش الكلوك سبرينج بتاع عربيتي
المهم ايمن اخد مني رقم الشاسيه وبس

تاني يوم الصبح لاقيت التوكيل فرع القاهره بيتصل بيا وبيسالني عن مشكلتي المهم لما عرفت اني من اسكندريه قالتلي هنا القاهره
بعديها بيوم لاقيت توكيل الاسكندريه بيطلبني وبيقولي اتفضل نعم تشيك علي العربيه عشان الكلوك سبرينج
المهم رحت تاني يوم وقابلني البشمهندس / احمد حلمي وكشف علي العربيه وقالي هنغيره وهنعمل فحص للعربيه علي الكاوتش والفرامل والايرباج
المهم اتغير الكلوك سبرينج واتكشف عليها ودفعت حوالي 50 جنيه مصنعيه وكده
المهم انا عندي صوت ونه لما بحود بالعجله شمال وقلت للبشمهندس عليه وجرب العربيه قالي بليه عايزه تتغير
المهم الناهرده رحت التوكيل وغيرتهم علي فكره تمنهم 800 جنيه بس العربيه في الضمان وقالي انهم موجودين بعديها اتصل بيا وقالي في 3 مسامير ناقصه وكده قلتله اللي تشوفه
المهم انا طبعا رحت متاخر واتصلت بالمهندس احمد واعتذرت له عشان ينتظرني
وفعلا رحت متاخر شويه ولاقيت التوكيل كله روح والبشمهندس ( احمد حلمي ) مستنيني ومخلي الخزنه تستناني والعربيه مغسوله وتمام التمام والصوت راح ودفعت 100 جنيه تمن مسامير ومصنعيه
بصراحه المهندس ده راجل قمه في الادب والاحترام والذوق وخدوم جدا والله العظيم علي فكره انا فاضلي تقريبا يوم او اتنين والضمان بتاعي ينتهي ووفر علي 800 جنيه غير ان الراجل اتاخر بسببي
وشكر اخر للاستاذ ايمن بصراحه مش عارف اشكره ازاي بجد بجد قمه الاخلاق والاحترام والله
شكرا تاني للتوكيل ياجماعه انا مش عارف اللي بيشكي من التوكيل ده بيكون علي اي اساس انا حتي وقت كتابه الرساله مفيش اي حاجه اتعطلت او وقفت والحاجه بتتغير في الضمان
ياجماعه بجد بلاش تهويل سوء التوكيل بجد والله انا خلاص اعتبر طلعت بره الضمان يعني مليش مصلحه اني اشكر في التوكيل بس بجد ناس محترمين جدا

[AmatoALLAH]

الحمد لله الحمد لله الحمد لله حد شكر في التوكيل من نايل موتورز

احمدك ياااااااااااااااااااااا رب

قول ما شاء الله اصل تتحسد :)

[ayman_83]

الحمد لله الحمد لله الحمد لله حد شكر في التوكيل من نايل موتورز

احمدك ياااااااااااااااااااااا رب

قول ما شاء الله اصل تتحسد :)

ليه ياعم كده هو اللي يقول كلمه حق ممكن يتحسد لا بس اكيد في ناس كتير التوكيل عمل معاها الصح بس بعد اما خلصت كسلت تكتب مش اكتر او بتطنش

[epzomata]

الحمد لله و مبروك ليك...
بس كان ليا سؤال أ أيمن أنا عارف انك شارى جيجى مستعملة من قريب,
يا ترى العربية كانت عاملة كل الصيانات فى التوكيل فى معادها عشان كده استفدت من الضمان؟
ولا مافيش علاقة بين الصيانات فى معادها و الضمان؟

[AmatoALLAH]

ليه ياعم كده هو اللي يقول كلمه حق ممكن يتحسد لا بس اكيد في ناس كتير التوكيل عمل معاها الصح بس بعد اما خلصت كسلت تكتب مش اكتر او بتطنش

انا مش عم انا عمه :)

و كلامي اسقاط علي الاشخاص اللي التوكيل كويس معهم حتي لو كان عندهم مشكله و تم التعامل معهم بطريقه محترمه و حل مشكلتهم بس لما اتحلت المشكله ماكتابوش حاجه

يعني كتبوا السئ بس و لم يذكروا الجيد

و لما تجي تقرأ المواضيع عن التوكيل في القسم اللي هتطلع منه ان التوكيل سئ جدا جدا و دا طبعا له مردود سئ لاي حد عاجباه العربيه و يجي يقرا المواضيع دي يقوم مغير رايه علي طول

فعلشان كده بقولك انت من قله من الناس اللي كتبت عن تجربتها الجيدة مع التوكيل :)

[Nistelrooy]

طب الحمدلله .. وانا شايف انهم عامليين شغل عالي اوي وبيحسنوا صورتهم باستمرار ..

[ayman_83]

الحمد لله و مبروك ليك...
بس كان ليا سؤال أ أيمن أنا عارف انك شارى جيجى مستعملة من قريب,
يا ترى العربية كانت عاملة كل الصيانات فى التوكيل فى معادها عشان كده استفدت من الضمان؟
ولا مافيش علاقة بين الصيانات فى معادها و الضمان؟

بصراحه هو كان صيانه وحده ناقصه اللي هي 35000 عشان كده التوكيل طلب مني ورق صيانه الاربعين ودي انا اللي كنت عاملها ومكنش ينفع يغيرولي حاجه لو الصيانات مش مظبوطه في ميعادها وعندهم

انا مش عم انا عمه :)

و كلامي اسقاط علي الاشخاص اللي التوكيل كويس معهم حتي لو كان عندهم مشكله و تم التعامل معهم بطريقه محترمه و حل مشكلتهم بس لما اتحلت المشكله ماكتابوش حاجه

يعني كتبوا السئ بس و لم يذكروا الجيد

و لما تجي تقرأ المواضيع عن التوكيل في القسم اللي هتطلع منه ان التوكيل سئ جدا جدا و دا طبعا له مردود سئ لاي حد عاجباه العربيه و يجي يقرا المواضيع دي يقوم مغير رايه علي طول

بس فعلا والله ياعمه الناس اللي بتشتري عندهم حق كله ضرب ضرب مفيش شتيمه محدش التوكيل بيصلحله حاجه والتوكيل بيبوظ العربيه ومعرفش ايه لا طبعا الناس اللي في التوكيل محترمين جدا بدليل ان البشمهندس احمد قالي في اي وقت احتجت اي حاجه او تستفسر عن اي حاجه حتي لو في الفجر والله

فعلشان كده بقولك انت من قله من الناس اللي كتبت عن تجربتها الجيدة مع التوكيل :)

والله الناس سريعه بس في الشكوي انما لو حاجتهم اتصلحت يقول انا اكتب ليه واشكر ليه مهو شغلهم

طب الحمدلله .. وانا شايف انهم عامليين شغل عالي اوي وبيحسنوا صورتهم باستمرار ..

بصراحه اه شغل عال العال

[AmatoALLAH]

الحمد لله و مبروك ليك...
بس كان ليا سؤال أ أيمن أنا عارف انك شارى جيجى مستعملة من قريب,
يا ترى العربية كانت عاملة كل الصيانات فى التوكيل فى معادها عشان كده استفدت من الضمان؟
ولا مافيش علاقة بين الصيانات فى معادها و الضمان؟

اللي اعرفه ان لو فيه اي صيانه ماتعملتش بتخرج بره الضمان

فخلي بالك من ان العربيه تكون عامله كل الصيانات علشان ماتكونش فوتت اي صيانه فتطلع بره الضمان

[epzomata]

الموضوع عندى ان مشاويرى بالعربية مش طويلة, فا بعمل الصيانات بالشهور يعنى مثلا صيانة ال 5000 عملتها و أنا عامل 2500 لأن فات 3 شهور بعد صيانة الالف, فا بسأل عشان لو طنشت الصيانة بالشهور و فضلت لحد 10000 الضمان يسقط و لا لأ؟

[sayed911]

يا جدعان انا شوفت توكيل بيعني في مصر !!! بيقول للعميل انتا حتى لو حاطط زيت 10 الاف ومعملتش الـ 10 في ثلاثة اشهر برضوا تيجي تعمل الصيانة !!! طيب لما حتى الزيت مش ها اغيروا ها اجي ليه !!! اهو عشان متخرجش من الضمان وخلاص !! يعني تحسبها انك في السنة بمعدل 4 مرات سنويا تزورهم في حين انا شخصيات بعمل في السنة مش اكثر من 15000 ده اقصى فاكت بالحسباات !!

[tamerosman]

ياريت حد يجاوبنا على موضوع الصيانات ده هى كمان بتتحسب بالتوقيت ؟

يعنى لو حد مش بيمشى كيلوات كترة و بيعمل 5000 بس فى السنة لازم يروح يعمل الصيانة كل 3 شهور و لا ايه ؟

[epzomata]

زى ماهو مكتوب فى كتيب الصيانات تعمل الكيلوات بتاعة الصيانة او الشهور أيهما أقرب.....
مثلا مثلا 5000 كيلو أو 3 شهور أيهما أقرب.
ممكن حد يدينا الخبر اليقين؟

[sayed911]

لالالالالا يا فندم !!! الكلام ده انا سمعتوا في توكيلات تاني خالص ولكن مسمعتش حد بيجيب سيرته ولا من قريب ولا من بعيد عندنا !!!

[ayman_83]

ياجماعه انا عامل صيانه الاربعين الف من كام شهر يعني في سنتين ونص المهم ان يكون معاك اثبات انك عامل الصيانات مش مهم الشهور والوقت الاهم العداد

[viper911s]

اللي اعرفه ان لو فيه اي صيانه ماتعملتش بتخرج بره الضمان

فخلي بالك من ان العربيه تكون عامله كل الصيانات علشان ماتكونش فوتت اي صيانه فتطلع بره الضمان

لا يا فندم ممكن اكتر من صيانة ميزدش عن ثلاثة لو اكتر بيطلع برة الضمان

ياجماعه انا عامل صيانه الاربعين الف من كام شهر يعني في سنتين ونص المهم ان يكون معاك اثبات انك عامل الصيانات مش مهم الشهور والوقت الاهم العداد

استاذ ايمن
اولا اشكر حضرتك على صراحتك
ثانيا كنت اتمنى انى اتعرف عليك طالما انك كنت فى التوكيل انهاردة