زيارة سريعة لبروتون عز العرب المهندسين - الافادة ارجوكم :)

[CryptonX]

السلام عليكم يا بروتوناية !

بقالي كتير مجتش هنا ! اخر مرة عملت موضوع هنا كان على خنافة تلفيوينة بيني و بين عز العرب :)
انهاردة قررت اطب عليهم بما اني في خيرة في موضوع شراء سيارة جديدة اخيرا "كلاكيت تاني مرة " :)

قابلني الاستاذ احمد مجدي و هو راجل محترم و مهذب جدا وساعدني كتير الصراحة

ملخص كدة الزيارة :

كان في برسونا قديمة و برسونا جديدة و جين 2 2011 سوداء

بصراحة عجتني شكلا من برة الجين 2 و البرسونا الجديدة .
من جوة البرسونا الفرش بتاعها بيفكرني بعفش جدتي الله يرحمها ... حاجة كدة من ال 1920 :) ( انا بهرج علشان انا عارف ان البروتوناية حساسين اوي ) الوانة عريبة اوي !

العربية مريحة نوعا ما و القعدة كويسة , بس فعلا خامات التابلوه و الدركسيون حقتبس كلام من موقع اجنبي ( ممكن تعورك ) بس بالسعر ده و الامكانيات دي ممكن اتغاضى عن التعاوير و اجيب بلاستر معايا وخلاص .

نيجي للجين 2 .. بصراحة احلى من البرسونا بمراحل ! الكراسي الطيارة شيك اوي و الفرش اغمق و العربية اسود في رمادي من جوة اشيك بكتير من العك الي في البرسونا . +1 للجين 2 بجد .. لكن طبعا التابلوه لسة بيعور :P
يعيبها بصراحة حاجة تافهة بس هامة بالنسبة لي .. ان الكاسيت سي دي فقط ... مفش AUX او USB نهائي !
سعرها 93 الف ( 92 الف 900 )

اخيرا شفت البرسونا الجديدة الي فيها كاسيت عجيب كدة و اشارات في المرايا و فوانيس LED بصراحة احلى حاجة فيها العدادات ! شيك شيك جدا عجبتني جدا جدا ! الكاسيت على اد ماشكله مبوظ منظر العربية من جوة بس زود USB و AUX الي ناقصين و دي حاجة كويسة بصراحة .
(95 الف )

الاستاذ احمد كمان قالي حاجة "جديدة" اعتقد .. الدفعة الجديدة للجين 2 الي حتبدا حجز اخر الشهر ده ... حتنزل بالفوانيس ال LED الجديدة بس الكاسيت و العدادات للاسف حتفضل زي ماهي .

تحدثت معاه عن ال CPS وقالي انه مش حينفع لمصر علشان بنزين 95 .

وانتهت الجولة كدة و كانت المدام معايا وبصراحة عجبتها الجين 2 اوي اوي .. بس اول حاجة قالتهالي لما قعتد فيها ... هو الكاسيت فين ؟؟ فلتلها يا امي ما هو المدور ده و ده مكان السي دي ... قالتلي اه بس شكله شيك مش زي البتاع المعفن الي عندك !
- تسلمي يا حبيبتي ! امال انا بغيرها ليه .. علشان اجيب حاجة تعجبك !
في نهايز الزيارة بقول للمدام فضلتي انهي البرسونا ولا الجين 2 .. قالتلي لأ الجين 2 !
ليه يا امي ؟
علشان الكاسيت شكلها احلى و البرسونا بشنطة ... و انت مبترعفش تسوق سيدان ! ( مرة تانية شكرا جزيلا ! )


الساجا كانت واقفة و الواجا كمان .. بس الساجا صغيرة شوية عن الي انا محتاجه و الواجا مع واحد صاحبي و بحسها المفروض كانوا وقفوا انتاجها في 2001 ولا حاجة :)


فايه رايكم ياجماعة و انا في عقر داركم ! كدة ! :)
جين 2 ولا برسونا ؟؟؟ ولا صني سوبر صالون ؟؟؟؟؟

وهل فيه حل لموضوع كاسيت الجين 2 ده ؟؟؟ انا محتاج IPOD/IPHONE SUPPORT ضروري جدا !! مينفعش كدة :)

[Raul_7]

هههههههههههههه, اسلوبك جامد قوي.

أنا بصراحة بحب الجين 2 عن البرسونا حتى من قبل مجيبها.

ينفع تركب مدخل USB أنا فاكر كان فيه موضوع كده في القسم.

غير كده ممكن تغير الكاسيت ده خالص وتجيب ال dvd player وده فيه مدخل USB و AUX.

ومبروك مقدما.

[Nistelrooy]

ههههههههههههه ممكن بتوع بيرسونا يزعلوا وبتوع الواجا علشان اخر جملة دي :)


---------------

عامة الحل بتاع السي دي " وصلة aux " يا تعملها انتا بحوالي خمسة جنية وفية موضوع هنا بيشرح الحكاية دي او تعملها عند واحد بحوالي 75 جنية ..

[CryptonX]

بالمناسبة شفت صور لاعضاء هنا عاملين فرش العربية زي ال CPS بالظبط ماشاء الله تحفة !!! انا عايز اعملها كدة لو ان شاء الله جبتها من اول ماستلمها هل ده في خطر على الضمان او حاجة ؟ ( الطقم كله ... كراسي - ابواب - طارة - فتيس )

و ياترى هل في حل لمشكلة الMultiFunction الي بيعلق ده ؟؟ علشان انا ممكن انفض للصني كلها على بعضها علشان مفيهاش Multi-function اجي الاقيه بيعلق هنا ازعل اوي اوي :)

سؤال اخير جوهري ... هل في عيب معروف في العربية ؟ موديل 2011 ؟ زي عيب خبطة الدركسيون ده ولا تم تفاديه ولا ايه بالظبط .

انا معنديش مانع ادفع تمن التيل الغالي لو حيحعيش ... انا عربيتي الي تمنها 68 الف .. التيل بتاعها الاصلي في التوكيل تمنه كان 360 جنيه ! فمش مشكة يعني .

[tamerosman]

جينا شكلها سبور و مميز عن اى عربية تانية و الاسبويلر عامل شغل جامد جدا

الفوانيس الليدات فى زملاء هنا مركبنها على الجينا ب 900 جنيه للجوز


هو قللك لما الجينا تنزل بالفوانيس لدات هتغلى وو لا ايه ؟




موضوع الفلاشة ب 35 جنيه من عند كارفور او 135 من عند راديو شاك تشترى اف ام موديوليتر و تشغل الفلاشة او الايبود ( المدديولتر له فتحة دخل اوكسيلرى تركب عليها الايبود) على الراديو و الموديو ليتور بتاع راديو شاك معاه ريموت بيركب فى الدركسون شكلة شيك

[CryptonX]

هههههههههههههه, اسلوبك جامد قوي.

أنا بصراحة بحب الجين 2 عن البرسونا حتى من قبل مجيبها.

ينفع تركب مدخل USB أنا فاكر كان فيه موضوع كده في القسم.

غير كده ممكن تغير الكاسيت ده خالص وتجيب ال dvd player وده فيه مدخل USB و AUX.

ومبروك مقدما.

شكرا لردك , فكرة ال DVD حلوة بس انا خايف من اللعب ده كله علشان التوكيل ميتلككش في الضمان مثلا او حاجة الا اذا هما الي بيركبوه !!

ههههههههههههه ممكن بتوع بيرسونا يزعلوا وبتوع الواجا علشان اخر جملة دي :)


---------------

عامة الحل بتاع السي دي " وصلة aux " يا تعملها انتا بحوالي خمسة جنية وفية موضوع هنا بيشرح الحكاية دي او تعملها عند واحد بحوالي 75 جنية ..

:)
لا لا لا انا مش عايز ازعل حد انا بهرج يا جماعة دي كلها اذواق :P

هي ال AUX ظريفة بس انا نفسي في SUPPORT لل IPHONE علشان انا لما بتكلم في الموبايل وانا سايق .. وانا مثلا رايح مدينة نصر ... ممكن اطلع على الدائري وتلاقيني في اسكندرية من غير مادرى بعدها بساعتين مثلا !!

او او او لو اتخانقت مع حد على التليفون بطلع غلي في العربية والي حواليا .. ,حصلت قبل كدة و النتيجة اني اقتلعت " شجيرة " برئية من مكانها بسبب عصبيتي !!!

ثانيا مكتبتي الموسيقي العزيزة الي بتتنقل معايا من البيت للشغل في كل حتة فوق ال 22 جيجا ... مش حينفع معايا خالص شغل السي دي هات ده .. اكاسيت البايونير عمل عبيط مرة ومش عايز يقرا السي دي هاية ... كسرتها و هي جواه علشان يحترم نفسه :)

[Raul_7]

بالمناسبة شفت صور لاعضاء هنا عاملين فرش العربية زي ال CPS بالظبط ماشاء الله تحفة !!! انا عايز اعملها كدة لو ان شاء الله جبتها من اول ماستلمها هل ده في خطر على الضمان او حاجة ؟ ( الطقم كله ... كراسي - ابواب - طارة - فتيس )

لأ مش هيأثر على الضمان خالص.

و ياترى هل في حل لمشكلة الMultiFunction الي بيعلق ده ؟؟ علشان انا ممكن انفض للصني كلها على بعضها علشان مفيهاش Multi-function اجي الاقيه بيعلق هنا ازعل اوي اوي :)

أنا العربية معايا بقالها سنة تقريبا الملتي علق مرتين بالضبط ومجرد ماتدوس علي الدركسيون من الجنب كده بيتظبط تاني, طبعا يفضل استعملاك ليه يكون بالراحة يعني متكونش بتفعص في الزراير. :)

سؤال اخير جوهري ... هل في عيب معروف في العربية ؟ موديل 2011 ؟ زي عيب خبطة الدركسيون ده ولا تم تفاديه ولا ايه بالظبط .

إلى الأن مسمعتش حد اشتكى من حاجة الحمد لله في موديل 2011, وعيب علبة الدركسيون فيه ناس حلوه في التوكيل, وناس تانية (زيي) محلهوش...هو مش مؤثر قوي لو إنت مبتمشيش في طرق مدغدغه كتير.

انا معنديش مانع ادفع تمن التيل الغالي لو حيحعيش ... انا عربيتي الي تمنها 68 الف .. التيل بتاعها الاصلي في التوكيل تمنه كان 360 جنيه ! فمش مشكة يعني .

أنا مانيوال عامل 20,000 كم إلى الأن, وبكرة أعمل صيانة وشوف التيل باقي فيه قد ايه بس أعتقد إنه لسة قدامه 10,000 كمان ولا حاجة.

[ayman_83]

هههههههههههههههه اسوبك ظريف بجد
بص ياسيدي اتوكل علي الله وامشي مع ذوق المدام لانها بجد عربيه
محترمه جدا
وموضوع المالتي ده الحمد لله انا ناسي اخر مره علق فيها امته
وموصل ام بي 5 علي الكاسيت وشغال تمام جدا ومكلفنيش 9 جنيه
انا عربيتي عامله 43 الف كيلو والحمد لله لسه مغيرتش تيل
خبطه الدريكسيون دي بصراحه انا مش اخد بالي منها لخفتها ومش حاسس بيها انا عربيتي 2008 يعني اكيد الاحدث احلي
غير كده الجين 2 عربيه مميزه فعلا بس تحافظ عليها
وربنا يوفقك بيها عشان تعرف معني كلامنا ده وتحسه بنفسك

[CryptonX]

جينا شكلها سبور و مميز عن اى عربية تانية و الاسبويلر عامل شغل جامد جدا

الفوانيس الليدات فى زملاء هنا مركبنها على الجينا ب 900 جنيه للجوز


هو قللك لما الجينا تنزل بالفوانيس لدات هتغلى وو لا ايه ؟




موضوع الفلاشة ب 35 جنيه من عند كارفور او 135 من عند راديو شاك تشترى اف ام موديوليتر و تشغل الفلاشة او الايبود ( المدديولتر له فتحة دخل اوكسيلرى تركب عليها الايبود) على الراديو و الموديو ليتور بتاع راديو شاك معاه ريموت بيركب فى الدركسون شكلة شيك

شكرا يا باشا ,لآ مقالش انها حتغلى خالص زي ماهي ..

الفكرة ال fm modulators دول مهما غليوا صوتهم تعبان و انا عربيتي الحالية فيها الاتي :

- كاسيت بايونيير + سماعات 16" بايونيير امامي + سماعات 3 واي بايونيير بيضاوي خلفي 350وات + صب بايونيير وفر في الرف 800 وات + صب بايونيير في البوكس الاصلي بتاعه في الشنطة 1200 وات+ امبليفاير 350 وات

فطبعا حنسى الكلام ده كله في العربية الجديدة بس على الاقل عايز يبقى الصوت نقي :)

هههههههههههههههه اسوبك ظريف بجد
بص ياسيدي اتوكل علي الله وامشي مع ذوق المدام لانها بجد عربيه
محترمه جدا
وموضوع المالتي ده الحمد لله انا ناسي اخر مره علق فيها امته
وموصل ام بي 5 علي الكاسيت وشغال تمام جدا ومكلفنيش 9 جنيه
انا عربيتي عامله 43 الف كيلو والحمد لله لسه مغيرتش تيل
خبطه الدريكسيون دي بصراحه انا مش اخد بالي منها لخفتها ومش حاسس بيها انا عربيتي 2008 يعني اكيد الاحدث احلي
غير كده الجين 2 عربيه مميزه فعلا بس تحافظ عليها
وربنا يوفقك بيها عشان تعرف معني كلامنا ده وتحسه بنفسك

الف شكر يا باشا :) انهاردة حروح ابص على الكام عربية الي باقيين واحدد ان شاء الله .

[Ahmed.Ali]

بص يا كبير قلبي كان حاسس انك هتلف تلف و تجلنا هنا :)
اولا لو عاوز تست درايف كلمني و و عربيتي تحت امرك ثانيا بعد 45000 كيلو و سنتين مع جيجي المالتي فنكشن عملها مره واحده و الحمد لله و موضوع خبطه الدركسيون انا مكنتش مدايق منه بس عملته في التوكيل و تمام التمام حاليا

انا لو مكانك اشوف البرسونا الايليجانس عشان التابلوه و المرايات مش اكتر والكاسيت Bluebunket هو صحيح شكله مش شاعري بس موضوع الـ USB رائع

اخير بقي موضوع النيسان صني روح اتفرج عليها و انت هتلاقي نفسك بتحجز الجين2

[CryptonX]

بص يا كبير قلبي كان حاسس انك هتلف تلف و تجلنا هنا :)
اولا لو عاوز تست درايف كلمني و و عربيتي تحت امرك ثانيا بعد 45000 كيلو و سنتين مع جيجي المالتي فنكشن عملها مره واحده و الحمد لله و موضوع خبطه الدركسيون انا مكنتش مدايق منه بس عملته في التوكيل و تمام التمام حاليا

انا لو مكانك اشوف البرسونا الايليجانس عشان التابلوه و المرايات مش اكتر والكاسيت bluebunket هو صحيح شكله مش شاعري بس موضوع الـ usb رائع

اخير بقي موضوع النيسان صني روح اتفرج عليها و انت هتلاقي نفسك بتحجز الجين2

ربنا يخليك يا باشا :)

ماهو بس لو ينزلوا الجين 2 باحاجات البرسونا :(

البرسونا مش وحشة والله بس انا عامة ميال للهاتشباك اكتر و الكراسي بتاعت الجين 2 يمكن 40% من قرار اعجابي ليها مبني على الكراسي خصوصا بعد مافشتها مفروشة جلد زي ال cps.

الصني انا حروح اشوفها علشان اتلكك بس :p


ونفسي اسال الناس سؤال بقى الي معاها ال ELEGANCE ?
ال USB ده بيسبورت ال IPOD/IPHONE ولا لأ ..

انا حدول على موديل ال Blaupunkt ده واشوف .

[Ahmed.Ali]

ربنا يخليك يا باشا :)

ماهو بس لو ينزلوا الجين 2 باحاجات البرسونا :(

البرسونا مش وحشة والله بس انا عامة ميال للهاتشباك اكتر و الكراسي بتاعت الجين 2 يمكن 40% من قرار اعجابي ليها مبني على الكراسي خصوصا بعد مافشتها مفروشة جلد زي ال cps.

الصني انا حروح اشوفها علشان اتلكك بس :p


ونفسي اسال الناس سؤال بقى الي معاها ال elegance ?
ال usb ده بيسبورت ال ipod/iphone ولا لأ ..

انا حدول على موديل ال blaupunkt ده واشوف .

يبقي بعد ما تشوف الصني كلمني اوريك عربيتي بالفرش الي عاجبك و ازغلل عنيك
بالمناسبه كاسيت الجين2 بيركبله وصله aux و لو غاوي بقي في dvd بيركب للجين2 بنفس شكل الكاسيت في كل الي بتحلم بيه

[Old_Fox]

فى رأيي الشخصى توكلوا على الله فى البيرسونا الايليجانس الجديدة حقيقى تحفة وعائلية يامعلم
انما لو المدام صممت على رأيها يبقى الطيب أحسن والجين تو تكسب مليون مرة

[أبومعاذ]

الناس ما شاء الله مخلتش حاجة الواحد يقولها ...أنا رأيي جين2 و بفرق السعر ركب الفرش ال cps وألف مبروك مقدماً

[CryptonX]

فى رأيي الشخصى توكلوا على الله فى البيرسونا الايليجانس الجديدة حقيقى تحفة وعائلية يامعلم
انما لو المدام صممت على رأيها يبقى الطيب أحسن والجين تو تكسب مليون مرة

الف شكر يا باشا ربنا يسهل كدة :)

الناس ما شاء الله مخلتش حاجة الواحد يقولها ...أنا رأيي جين2 و بفرق السعر ركب الفرش ال cps وألف مبروك مقدماً

فعلا برده فرق الالفين دول ممكن اعمل بيهم الجلد و اجيب الوصلة ال aux و قدام شوية ابقى اشوف موضوع ال dvd ده .
ربنا يسهل يا رب ان شاء الله لما فيه الخير و الف شكر ليك يا ابو مريم :)


----------

سؤال يا اخوانة معلش استخملوا تفاهاتي شوية :)
.... اخوكم معاه عربية فيات باليو 1242 سي سي 16 صمام , 80 حصان , من صفر الى مائة في 12.4 ثانية .
انا شفت ان الجين 2 الاوتو ... بتعمل من صفر الى مائة في 13.2 ثانية ... عارف طبعا ان بعد حاجز المائة اكيد الجين 2 حتاكل عربيتي اكل ! بس السؤال هل التسارع جيد للفتيس الاوتو داخل المدينة ؟؟

يعني لو حبيت سرعة مفاجاة مرة واحدة ... ( علما باني عربيتي مانوال و مسفتش اوتوماتيك من قديم الازل ) هل ال kickdown حيرضي غروري ؟ :)

يعني انا بصراحة كنت حجيب بونتو ايفو ... و قلت يبقى زيتي في دقيقي بس انتم عارفين موضوع انها 77 حصان ... و دي قفلتني منها جدا خصوصا بعد ماجربتها بنفسي و ملقتش اي سحر او شعوذة غير عربية 77 حصان فعلا و بطيئة في التسارع نسبيا .. فهل الجين 2 حترضي هذا المرض ؟

سؤال اخير ,, تقييمات البرسونا الاليجانس بيقولوا انهم زودوا المواد المعالجة و العازلة لتقليل ال nvh ( اصوات الموتور و الرياح و خلافه ) و فعلا اصبحت افضل في العزل ... ياترى الجين2 بتشوف حاجة من التعديلات دي ؟؟؟ ولا ده للبرسونا فقط ؟

تعديل اخير :

على موقع بروتون الانجليزي كاتبين ان كاسيت الجين2 والبرسونا مجهزل لاضافة " بلوتوث " يعني ايه الكلام الكبيرة ده ؟؟