النصيحة يا خبراء بروتون

[mahmoud_n_z]

السلام عليكم ورحمه الله وبركاته

عايز مشورتكم يا اصحاب المشورة السديدة
بإختصار شديد للموضوع انا سافرت للسعودية من شهر و ركنت العربيه في الجاراج وكل اسبوع كان فيه حد بيدورها ومرة واحدة البطارية ماتت.
اللي عايز اعرفه من حضراتكم:
1- هل البطارية تبع الضمان (العربية عاملة 6000 كيلو) من شهر 2011\7 ؟
2- هل فيه مشكلة لو خلعت البطارية وشحنتها وركبتها تاني؟
وايه هيه النصيحة للواحد لو حب يركن العربية مده طويلة 3 او 4 شهور , اخلع كابل البطارية مثلا ؟

[koheya]

السلام عليكم ورحمه الله وبركاته

عايز مشورتكم يا اصحاب المشورة السديدة
بإختصار شديد للموضوع انا سافرت للسعودية من شهر و ركنت العربيه في الجاراج وكل اسبوع كان فيه حد بيدورها ومرة واحدة البطارية ماتت.
اللي عايز اعرفه من حضراتكم:
1- هل البطارية تبع الضمان (العربية عاملة 6000 كيلو) من شهر 2011\7 ؟
ايوة اكيد تبع الضمان بس معرفش ضمانها اد اية لانى غيرتها فى الضمان بس كان دة بعد حوالى شهر من شرا العربية.
2- هل فيه مشكلة لو خلعت البطارية وشحنتها وركبتها تاني؟
مفيش مشكلة ابدا من خلع البطارية وشحنها عند الكهربائى ثم اعادة تركيبها.بس لو العربية اتوماتيك الغيار حيبقى تقيل شوية وانت بتحرك الفتيس ودة حيستمر حوالى ساعتين و العربية ترجع تانى تمام.المعلومة دى انا عارف انها غريبة شوية بس موجودة فى كتالوج العربية وانا جربتها بنفسى.
وايه هيه النصيحة للواحد لو حب يركن العربية مده طويلة 3 او 4 شهور , اخلع كابل البطارية مثلا ؟
1-افضل حاجة انك حد يدورلك العربيةكل يومين او تلاتة و تشغل التكييف على الاقل مرة فى الاسبوع لمة 15 دقيقة لان دة بيحافظ على الكمبريسور.بس نصيحة اوعى حد تديلة المفتاح الا لو كان ثقةلان عمال الجراج لما تسيب العربية كل الشهور دى وترجع ما تضمنش ممكن يعملوا بيها اية.
2- لا تنسى ابدا ان زيت الموتور بيحصلة تحلل كيميائى ويفقد بعض خواصة بعد فترة زمنية تعتمد على طبيعة الزيت هل تخليقى او معدنى وعلشان كدة افضل جدا لحضرتك تغيير الزيت بالفترة الزمنية مش بالكيلومتر.

[sayed911]

لو انا مكان حضرتك !! ومش مغير اي حاجة في كهرباء العربية !! ها اطلع بالبطاية دي على التوكيل بتاع ايسي ديلكوا واطالب بفحص البطاية والكشف عليها وعمل الازم !! عادي جدا انتا من حقك مش معنا كده انها حاجة وحشة اوالبطارية معيبة ولكن البطارية الجديدة بـ 400 جنيه فأنا شايف انك مدام في الضمان تكشف عليها عندهم افضل حل ..

[mememsaid]

اطلع بيها علي التوكيل
ضمان البطاريه 20000 او سنه

[mahmoud_n_z]

شكرا علي الردود القيمة كلها وربنا مينيملكوا بطارية

المشكلة اني انا في السعوديه وراجع كمان اسبوع وهسافر تاني بعد اسبوع لمده 3 شهور
فعايز اعرف ايه الافضل اني اعمله لما ارجع اشحن البطاريه واجرب ولا اشتري بطارية جديدة ولا اخلع البطارية واوديها الضمان.
انا خايف اركب بطارية تانية واروح بيها الضمان يقولولي ان انا لعبت في كهربة العربية ويخرجهالي من الضمان.. مش عارف
ايه رأيكم, ولا اسيب العربية زي ما هيا و لما ارجع كمان 3 شهور واستقر اشوف الموضوع ده ؟؟؟

معلش عارف اني بسأل كتير اعزروني خايف علي ساجتي حبيبتي

[koheya]

شكرا علي الردود القيمة كلها وربنا مينيملكوا بطارية:_alshmokh22[1]:

المشكلة اني انا في السعوديه وراجع كمان اسبوع وهسافر تاني بعد اسبوع لمده 3 شهور
فعايز اعرف ايه الافضل اني اعمله لما ارجع اشحن البطاريه واجرب ولا اشتري بطارية جديدة ولا اخلع البطارية واوديها الضمان.
انا خايف اركب بطارية تانية واروح بيها الضمان يقولولي ان انا لعبت في كهربة العربية ويخرجهالي من الضمان.. مش عارف :u_thin1[1]:
ايه رأيكم, ولا اسيب العربية زي ما هيا و لما ارجع كمان 3 شهور واستقر اشوف الموضوع ده ؟؟؟

معلش عارف اني بسأل كتير اعزروني خايف علي ساجتي حبيبتي:_alshmokh11:

حضرتك ما تخلعش البطارية روح بالعربية والبطارية على عز العرب ومعلش حتناهد معاهم شوية لانة حيقيس الفولت ويقولك ما البطارية سليمة اهية وممكن نشغل بيها دبابة او طيارة اير باص.ففهمة حالتها بالضبط لان ببساطة البطارية الجديدة لو حضرتك ما دورتش العربية خالص لمدة اكتر من عشر ايام بتفضل زى الفل انا مش عايز اقولك انى مش بدور الجين احيانا بال12 يوم وبدورها بدور من اول مفتاح بفضل الله.وربنا يرجعك بالسلامة .وامانة عليك يا اخى اذا روحت عمرة وانت فى السعودية تدعى لمصر ان ربنا يصلح حالها ويصلح حالنا ويولى علينا ناس صالحين يتقوا ربنا لان مصر الطيبه بعافيه اوى اليومين دول ومحتاجة دعاءنا ومجهود مننا كلنا لانها طيبة اوى ومتستهلش مننا الا كل خير .