مشكلة مسببالى ازعاج جامد

[moamen_badboy]

انا عندى مشكلة يا جماعة عملالى ازعاج جامد قوى
ومش عارف من ايه بالظبط
كل ما اخد مطب جامد شوية او نقرة كده
يحصل صوت فى العجلة اليمين ورا ...زى ما يكون فى حاجة اتكسرت
سالت اللى انا مشترى منه العربية قاللى ان هيا كده من ساعة ما اشتراها
بس الصوت بدأ يزيد قوى فى الايام الاخيرة
لو حد يعرف ده صوت ايه بالظبط يا ريت يفيدنى
ولكم منا جزيل الشكر

[أبومعاذ]

خلي التوكيل او مركز عصام صفا يبصوا لحضرتك على العربية وباذن الله تتحل

[fouaa]

متابع

[prohossam]

بص يا باشا انت بتتكلم عن نفس مشكلتي ونفس معاناتي بالضبط
والمشكلة دي فعلا مسببالي ازعاج رهيب جدا خاصة لو حد راكب ورا الصوت بيزيد
فعلا مشكلة رخمة اوي وكل صيانة اروح اقول للتوكيل عليها
في المرة الاولى قالولي والله دا المشكلة في الكنبة فيها مش عارف مسمار ايه وعملناه والصوت زي ماهو

انا لسة راجع من صيانة العشرين حالا .. وقلت مش همشي غير لما المشكلة تتحل او اعرف منين المشكلة
المهم المهندس اللي هناك قالي المشكلة في في كاوتشة طعمية خلفي يمين

قلتلهم طيب نركب واحدة تانية ؟ قالولي مش موجودة دلوقتي


الله اعلم بقى بس بجد الصوت مخلي الواحد مضايق جدا وهو بيسوق

[moamen_badboy]

بص يا باشا انت بتتكلم عن نفس مشكلتي ونفس معاناتي بالضبط
والمشكلة دي فعلا مسببالي ازعاج رهيب جدا خاصة لو حد راكب ورا الصوت بيزيد
فعلا مشكلة رخمة اوي وكل صيانة اروح اقول للتوكيل عليها
في المرة الاولى قالولي والله دا المشكلة في الكنبة فيها مش عارف مسمار ايه وعملناه والصوت زي ماهو

انا لسة راجع من صيانة العشرين حالا .. وقلت مش همشي غير لما المشكلة تتحل او اعرف منين المشكلة
المهم المهندس اللي هناك قالي المشكلة في في كاوتشة طعمية خلفي يمين

قلتلهم طيب نركب واحدة تانية ؟ قالولي مش موجودة دلوقتي


الله اعلم بقى بس بجد الصوت مخلي الواحد مضايق جدا وهو بيسوق

ما هى دى المشكلة
ان انا مش اول واحد يشتكى من المشكلة دى
ومش فاهم الصراحة التوكيل مش عارف يعرف حل المشكلة ازاى
وانا عارف ان التوكيل مش عرفين ايه ده عشان كده ماروحتش
قولت ممكن حد من اخواتنا هنا فى المنتدى عارف ايه المشكلة الغريبة دى وحلها ايه

[ahmed_h_g]

روح لعفشجى شاطر هيجبلك الصوت جاى منين بالظبط

[moamen_badboy]

المشكله صعبة قوى كده

[moamen_badboy]

يا جدعان طب حد يقولى اى حاجة ممكن يشك فيها

[RedBull_30]

بالنسبة ليا كانت عندي مشكلة صوت كان بيظهر فعلا لو حد كان قاعد ورا بتظهر وانا نازل من على المطب صوت كان حاجة بطأطأ .. المهم بالصدفة كنت بزبط زوايا والحمد لله اختفت بعدها علطول.. ممكن تكون العجلة وضعها متفتح شوية

لو عندك مشكلة في الزوايا ابقى راجعها واحتمال تكون السبب او يا رب تكون حاجة اسهل من كده

[mememsaid]

ممكن يكون مساعد؟؟؟!!!

[moamen_badboy]

شكرا لكل اللى رد

[khaledmontero]

انا حصل معايا الصوت ده وقولتلهم عليه ورجع تانى .. بس بعدها روحت فى صيانه تانية وعملوه وبقت تمام والصوت راح والحمد لله

[moamen_badboy]

انا حصل معايا الصوت ده وقولتلهم عليه ورجع تانى .. بس بعدها روحت فى صيانه تانية وعملوه وبقت تمام والصوت راح والحمد لله

طب مسألتهمش المشكلة دى كانت ايه بالظبط ولا مشيت بالعربية على طول من غير ماتسأل