العلامه اتسرقت

[mememsaid]

امبارح وانا مروح نازل من الشغل لاقيت العلامه بتاعه الساجا اللي قدام بتعتي مسروقه
اعدت احسبن علي اللي سرقها لما قلت يابس
بس زعلان عليها اوي ومش عارف اعمل ايه
انا فاكر انها ب 70 جنيه
مافيش حل تاني غير اني اجيبها من التوكيل تكون ارخص شويه ولا بلاش احط علامه من اصله احسن تتسرق تتاني

[sayed911]

على فكرة بقى صدقني بلاش تشك في انها مسروقة !!
لأني لو حضرتك فاكر انا عامل موسوة في الإجتماي بعنوان
سقوط علامة بروتون الجزء .....
بأجزاءها كلها ..
هيا العلامة تثبيتها كان ضعيف في فالأول فتقديري للأمور انها وقعت فالحمد على كل شئ ..
جرب كده تشوفها طيب في شارع دمشق نصيختي بلاش تمشي من غيرها ها تسوء شكل العربية وكان كل اللي بيشوفها بيتعجب جدا من شكلها ..
انا فاكر لبيد كان عامل علامة تانية صب بس فين مش فاكر والموضوع اسمه تايه من دماغي خالص ..

[Ra2ouf]

الموضوع دة منتشر أوى من مدة و زاد أكتر بسبب الأنفلات الأمنى اللى أحنا عايشين فية
كل يوم لازم ألاقى حاجة مسروقة من عربيتى أو عربيات جيرانى ...... اللى بيتسرق منة بطارية , مرايات , كاسيت , جنوط ,........ وعايز أقولك أن مفيش عربية فى شارعنا عليها العلامة بتاعت ماركتها و نادرآ لما تلاقى حد بيشترى العلامة بعد ما بتتسرق عشان بتتسرق تانى
ممكن تشترى العلامة بس ظبط الأنذار بحيس ان العربية تصفر اول ما حد يلمسها .... أنا عارف أنة شىء مزعج جدآ بس ملهاش حل تانى لحد مانحس أن الأمان رجع تانى لشوارعنا ..... و للأسف دة هياخد وقت طويييييييييييل .

[mahmoud18]

ربنا يعوضك خير ان شاء الله
على فكره العلامه تثبيتها ضعيف فعلا
انا مره كان فى طوبه فا فرملت جامد ولاقيت حاجه وقعت!!!!
نزلت اشوف ايه ده
ببص لاقيت العلامه هى الى وقعت من الفرمله
قولت الحمد لله انى نزلت و بصيت
خت العلامه و اشتريت امير و لازقتها تانى!!
مش عارف ليه فكت؟

[mememsaid]

على فكرة بقى صدقني بلاش تشك في انها مسروقة !!
لأني لو حضرتك فاكر انا عامل موسوة في الإجتماي بعنوان
سقوط علامة بروتون الجزء .....
بأجزاءها كلها ..
هيا العلامة تثبيتها كان ضعيف في فالأول فتقديري للأمور انها وقعت فالحمد على كل شئ ..
جرب كده تشوفها طيب في شارع دمشق نصيختي بلاش تمشي من غيرها ها تسوء شكل العربية وكان كل اللي بيشوفها بيتعجب جدا من شكلها ..
انا فاكر لبيد كان عامل علامة تانية صب بس فين مش فاكر والموضوع اسمه تايه من دماغي خالص ..

طب ممكن نثبتها ازاي بالطريقه اللي بيها ماتقعش تاني ولو حد حاول يسرقها تتعبه عشان يطلعها؟؟؟

[mememsaid]

الموضوع دة منتشر أوى من مدة و زاد أكتر بسبب الأنفلات الأمنى اللى أحنا عايشين فية :i_angr1[1]:
كل يوم لازم ألاقى حاجة مسروقة من عربيتى أو عربيات جيرانى ...... اللى بيتسرق منة بطارية , مرايات , كاسيت , جنوط ,........ وعايز أقولك أن مفيش عربية فى شارعنا عليها العلامة بتاعت ماركتها و نادرآ لما تلاقى حد بيشترى العلامة بعد ما بتتسرق عشان بتتسرق تانى :copy of majd(4):
ممكن تشترى العلامة بس ظبط الأنذار بحيس ان العربية تصفر اول ما حد يلمسها .... أنا عارف أنة شىء مزعج جدآ بس ملهاش حل تانى لحد مانحس أن الأمان رجع تانى لشوارعنا ..... و للأسف دة هياخد وقت طويييييييييييل .

طب ازاي اعلي الحساسيه بتاعه الانذار في الساجا

[Ra2ouf]

طب ازاي اعلي الحساسيه بتاعه الانذار في الساجا

روح التوكيل أو كهربائى سيارات و لو حاسس أن الأنذار اللى متركب عندك مش أد كدة .....
أشترى جهاز جديد كفائتة أعلى

[sayed911]

بص انا من وجهة نظري فاكس جهاز انذار لأنه الإمبلويزر اللي في العربية ممتاز .. + جرب وبص حوالين العلامة لو لقيت اثار خربشة يبقى معمولة بفعل فاعل لو وقعت قضاء وقدر يبقى لله اللحمد من قبل ومن بعد ..
+ بص انا زي ما هيا فيها لزقة دبل فيس (بوشين ) ورحت لافحها ( حلوة لافحها دي ) شوية امير وحياتك ما ها تفك تاني ابدا عشان تطلع ها تطلع بالوش كلو :d

[Old_Fox]

سواء ضاعت أو اتسرقت ربنا يعوض عليك ياباشا
بس فعلا مشكلة السرقة اليومين دول بقت زايدة أوى وكارثة وحاجة تشل
ربنا يسترها مع الجميع

[amr1973]

اخى العزيز انا برضوا العلامة وقعت او اتسرقت مش عارف و لى صديق خد المقاس بتاعها و بيعملها لى و اول لما استلمهم منه هاصورها و هاعرضها و هاقولك على طريقة تثبيت جهنمية و لا عمرها هاتفك و كمان هاقول على السعر

[mememsaid]

بص انا من وجهة نظري فاكس جهاز انذار لأنه الإمبلويزر اللي في العربية ممتاز .. + جرب وبص حوالين العلامة لو لقيت اثار خربشة يبقى معمولة بفعل فاعل لو وقعت قضاء وقدر يبقى لله اللحمد من قبل ومن بعد ..
+ بص انا زي ما هيا فيها لزقة دبل فيس (بوشين ) ورحت لافحها ( حلوة لافحها دي ) شوية امير وحياتك ما ها تفك تاني ابدا عشان تطلع ها تطلع بالوش كلو :d

جبيبي ياسيد
بحب الافكار الجهنميه ديه
علي فكره: حلوه لافحها ديه

[mememsaid]

اخى العزيز انا برضوا العلامة وقعت او اتسرقت مش عارف و لى صديق خد المقاس بتاعها و بيعملها لى و اول لما استلمهم منه هاصورها و هاعرضها و هاقولك على طريقة تثبيت جهنمية و لا عمرها هاتفك و كمان هاقول على السعر

مستنيك تقولي ايه الاخبار
السبكه شكلها بقي وحش اوي من غير العلامه وشكلها زعلانه
والنبي ماتخليها تستني زعلانه كتير