عايزة مساعدة فى صوت انذار تجاوز السرعة فى الواجا 1.6

[Mera21]

أنا عايزة اعرف ازاى اخلى الصوت دة يسكت لانى اول مبعدى ال 110 بيشتغل وبيدايقنى
فبهدى شوية ورجع تانى فى نفس الوقت اعدى ال 110 يقوم يرجع تانى يشتغل انا بجد مدايقة منة
فى طريقة تخلية يسكت ؟!!!

[fiatmomo]

دة كان ردى على حضرتك فى الموضوع الاساسى فى المنتدى العام

الصوت دة .. انا كان اول مره اسمعة انهاردة ... هو مزعج ومنبه فى نفس الوقت .. لان سعات الواحد بينسى نفسة مع السرعة .

انا قريت فى الكتالوج ان الصوت دة بيظهر عن سرعة 120 ( وفعلا هو ظهر معايا عند 120 ) و لو حضرتِك ماقللتيش من سرعتك .. حيقف لوحدة بعد فترة ( خمس مرات ) .. الحقيقة لسة مجربتش اذا كان فعلا بيقف لوحدة ( حسب كلام الكتالوج ) ولا لا !

بس هو الصوت دة لو مضايقِك جدا ليه حل جذرى .. وان حضرتِك لما تروحى التوكيل تقوليلهم انهم يفصلو جرس انذار السرعة .

حزود حاجة بس قريتها بردة فى الكتالوج ... ان لو السرعة زادت عن 120 الصوت بيظهر .. لو استمريتى فترة الصوت((( حيروح )))... و لو قللتى سرعتك عن 120 الصوت حيروح .. لكن لو رجعتى تزودى السرعة الصوت حيظهر تانى .

يبقى تجربى الاول كلام الكتالوج .. لما يظهر الصوت ماتقلليش سرعتك واستمرى على نفس السرعة .. شوفى اية الى حيحصل ( المفروض ان ال صوت يقف )

بس نصيحة اخوية ... السرعة على الطرق المصرية ( خطر جدا )

:) لذا وجب التنبيه ...