تكييف الساجا بيشتغل و يفصل

[amazingahmed]

سؤال لو سمحتم. إمبارح شغلت التكييف (كان الجو حر شوية قلت أما أدلع نفسي) و بسم الله ما شاء الله التكييف سقع بسرعة لكن لاحظت أن الكمبريسور بيشتغل حوالي 20 ثانية و يفصل حوالي 30 ثانية و يفضل يعمل كده مع أن التكييف مكانش تلج يعني. ياترى ده عادي ولا أنا عندي مشكلة؟؟؟؟

[Tarek Gen 2]

عادى ده مش التكييف اللى بيفصل
دى مروحة التبريد هى اللى بتشتغل و بتفصل و ده طبيعى فى اى عربية

[amazingahmed]

متشكر على الرد يا أستاذ لكن عندي سؤال : هو مكان المروحة دي فين بالضبط؟؟؟ هل هي مروحة الريدياتير؟؟

[mememsaid]

انا متابع عشان معرفش حاجه عن المعلومه ديه؟؟

[sayed911]

لما تفتح الكبوت حضرتك ها تلاقي في ظهر الريدياتير مروحتين مش فاكن انهي واحدة ولكن غالبا هيا الشمال بتاعت التكيف غالبا يعني لأني متذكر هيا انهي واحدة بالضبط ..
ومتقلقش عادي جدا اللي حضرتك بتقول عليه ده

[Tarek Gen 2]

متشكر على الرد يا أستاذ لكن عندي سؤال : هو مكان المروحة دي فين بالضبط؟؟؟ هل هي مروحة الريدياتير؟؟

زى ما سيد قاللك كدة و هى الشمال لو انت مدى وشك للكبوت اعتقد
دى بتشتغل و تفصل لازم لما التكييف بيشتغل ده لازم عشان العربية متسخنش لان التكييف حمل على الماتور طبعا و ده مالوش دعوة بسقوعية التكييف

[mohamed1979]

ممكن حضرتك تروح التوكيل و خليهم يقيسوا مستوى شحن الفريون فى دوره التكييف
لأن الموضوع ده بيحصل لما يكون كميه الفريون فى دوره التكييف زياده شويه

لأن مع الحر الشديد الفريون بتمدد فى الدوره و ده بمنع الكمبرسور انه يشتعل بأنتظام


حل مؤقت ممكن تخلى مستوى درجه البروده اقل يعنى متخليش زرار درجه الحرارة على الأزرق للأخر ارفعه درجه او درجتين بأتجاه الأحمر

[mido_soliman]

ممكن حضرتك تروح التوكيل و خليهم يقيسوا مستوى شحن الفريون فى دوره التكييف
لأن الموضوع ده بيحصل لما يكون كميه الفريون فى دوره التكييف زياده شويه

لأن مع الحر الشديد الفريون بتمدد فى الدوره و ده بمنع الكمبرسور انه يشتعل بأنتظام


حل مؤقت ممكن تخلى مستوى درجه البروده اقل يعنى متخليش زرار درجه الحرارة على الأزرق للأخر ارفعه درجه او درجتين بأتجاه الأحمر

حضرتك الموضوع دة فى كل عربياتنا ودة طبيعى جدا وعلى فكرة دة مش فصل كمبريسور دة فصل مروحة ودة طبيعى جدا
الى صاحب الموضوع لا تقلق

[mohamed1979]

سؤال لو سمحتم. إمبارح شغلت التكييف (كان الجو حر شوية قلت أما أدلع نفسي) و بسم الله ما شاء الله التكييف سقع بسرعة لكن لاحظت أن الكمبريسور بيشتغل حوالي 20 ثانية و يفصل حوالي 30 ثانية و يفضل يعمل كده مع أن التكييف مكانش تلج يعني. ياترى ده عادي ولا أنا عندي مشكلة؟؟؟؟؟

طيب هو الطبيعى ان يشتغل اقل ما بيفصل مع ان التكييف موصلش لدرجه البروده المطلوبه

[أبومعاذ]

اللي أعرفه إن الكومبريسور بيفصل و يشتغل مش عارف المروحة هي كمان بتشتغل و تفصل ولا لأ
بالنسبة لصاحب الموضوع ياري تراجع التوكيل عشان يشوفلك كدا التكييف شغال صح ولا فيه مشكلة

[sayed911]

والله طبيعي وبكرة الصبح لما انزل ها ادور العربية وافتح التكييف وها اثبتلك انه المروحة بتفصل كل فترة صغيرة بوترجع تشتغل تاني كده انتا تطمن وها اصور الفيديو ان شاء الله الصبحية بدري عشان اخي العربية تفصل بدري بدري

[Raul_7]

عادي أنا كنت مستغرب برده عشان اللانوس مبتعملش كده, بس بعد فترة اتعودت, ده أحسن على فكرة عشان مابيقتلش أداء العربية وإنت مشغل التكييف.

[amazingahmed]

والله طبيعي وبكرة الصبح لما انزل ها ادور العربية وافتح التكييف وها اثبتلك انه المروحة بتفصل كل فترة صغيرة بوترجع تشتغل تاني كده انتا تطمن وها اصور الفيديو ان شاء الله الصبحية بدري عشان اخي العربية تفصل بدري بدري

ياريت من فضلك علشان أطمن.

[sayed911]

تم تصوير الفيديو اليوم صبااحا يا فندم وها ارفعه النهاردة بالليل

[sayed911]

YouTube - ‪VID 00000 20110520 0831‬‏

تحت امر حضرتك ادي الفيديو 25 ثانية المروحة فصلت واشتلغت والتبريد في الداخل ممتاز ولله الحمد