Tweet
السلام عليكم ورحمة الله وبركاته
يارب يكون كل البروتوناوية بخير
امبارح الحمد لله عملت صيانة العشرين لعربيتي الموقرة الجينا
الاستقبال :
سلمت عربيتي برة .. ودخلت سلمت على الاستاذ احمد عبد الفتاح .. والبشمهندس احمد طلعت واستاذ ربيع وكان استقبالهم محترم
وبلغتهم اني عاوز اعمل صيانة العشرين وكانت بتواجهني بعض المشاكل في العربية
المشاكل :
1- دراع الشنطة مكنش بيرفعها لفوق كنت بضطر انزل من العربية وبالمفتاح ارفع الشنطة .
2- الصوت المزعج جدا جدا اللي في العجلة اليمين الخلفية لما تمشي على طريق غير ممهد او نقرة .
3- المالتي كان بيغير وظائفه وكان في زرارين مش شغالين .
4- الازاز الامامي للعربية في الكرسيين الاماممين .. كان بيعملوا صوت لو انا فاتحهم وماشي بالعربية .
5- المساحة الخلفية كانت محتاجة تتربط .
6- اللمبة الخاصة بنور الفتيس .. كانت اتحرقت وجابولي لمبة تانية لونها اصفر غير اللون الطبيعي للتابلوه الاورانج .. ودا مسببلي ازعاج لسببين السبب الاول انها بتسخن قاعدة الفتيس فقلقان لاحسن تسيحوا .. ثاني جزء انها مبوظة المنظر يعني التابلوه كله لونه اورانج ودي لونها اصفر ؟ سالتهم ليه قالولي للاسف ان عز العرب مندوش غير اللمبة دي
الحاجات اللي تم تغييرها في الصيانة :
1- البوجيهات .
2- فلتر الهواء .
3- فلتر الزيت والبنزين .
4- تغيير الزيت .
المشاكل اللي لم يتم حلها :
كل المشاكل السابقة تم حلها الحمد لله .. الا مشكلتين
1 - الصوت المزعج جدا جدا اللي في العجلة اليمين الخلفية لما تمشي على طريق غير ممهد او نقرة .
البشمهندس قالي ان السبب في الصوت دا كاوتشة الطعمية اللي في العجلة من تحت محتاجة كاوتشة جديدة ؟
وبلغني انها مش موجودة حاليا وهيحاول يوفرها .. لكن صراحة مش مفتنع والله اعلم .. واتمنى المشكلة دي تتحل لانها مزجعة جدا بالنسبة لي
2- اللمبة .. لكن بلغوني ان دي الموجودة ودي اللي عز العرب بيوفرها
التكلفة :
715 جنيه بالزيت .
مش عارف حسيت ان الرقم كبير شوية
تقييمي للصيانة :
صراحة انا مشيت وانا مرتاح نفسيا الحمد لله لان المعاملة كانت محترمة
لكن الامر الوحيد اللي كان نفسي يتحل ومتحلش هو موضوع الصوت
الحمد لله على كل شيء
طولت عليكم شكرا ليكم
يارب يكون كل البروتوناوية بخير
امبارح الحمد لله عملت صيانة العشرين لعربيتي الموقرة الجينا
الاستقبال :
سلمت عربيتي برة .. ودخلت سلمت على الاستاذ احمد عبد الفتاح .. والبشمهندس احمد طلعت واستاذ ربيع وكان استقبالهم محترم
وبلغتهم اني عاوز اعمل صيانة العشرين وكانت بتواجهني بعض المشاكل في العربية
المشاكل :
1- دراع الشنطة مكنش بيرفعها لفوق كنت بضطر انزل من العربية وبالمفتاح ارفع الشنطة .
2- الصوت المزعج جدا جدا اللي في العجلة اليمين الخلفية لما تمشي على طريق غير ممهد او نقرة .
3- المالتي كان بيغير وظائفه وكان في زرارين مش شغالين .
4- الازاز الامامي للعربية في الكرسيين الاماممين .. كان بيعملوا صوت لو انا فاتحهم وماشي بالعربية .
5- المساحة الخلفية كانت محتاجة تتربط .
6- اللمبة الخاصة بنور الفتيس .. كانت اتحرقت وجابولي لمبة تانية لونها اصفر غير اللون الطبيعي للتابلوه الاورانج .. ودا مسببلي ازعاج لسببين السبب الاول انها بتسخن قاعدة الفتيس فقلقان لاحسن تسيحوا .. ثاني جزء انها مبوظة المنظر يعني التابلوه كله لونه اورانج ودي لونها اصفر ؟ سالتهم ليه قالولي للاسف ان عز العرب مندوش غير اللمبة دي
الحاجات اللي تم تغييرها في الصيانة :
1- البوجيهات .
2- فلتر الهواء .
3- فلتر الزيت والبنزين .
4- تغيير الزيت .
المشاكل اللي لم يتم حلها :
كل المشاكل السابقة تم حلها الحمد لله .. الا مشكلتين
1 - الصوت المزعج جدا جدا اللي في العجلة اليمين الخلفية لما تمشي على طريق غير ممهد او نقرة .
البشمهندس قالي ان السبب في الصوت دا كاوتشة الطعمية اللي في العجلة من تحت محتاجة كاوتشة جديدة ؟
وبلغني انها مش موجودة حاليا وهيحاول يوفرها .. لكن صراحة مش مفتنع والله اعلم .. واتمنى المشكلة دي تتحل لانها مزجعة جدا بالنسبة لي
2- اللمبة .. لكن بلغوني ان دي الموجودة ودي اللي عز العرب بيوفرها
التكلفة :
715 جنيه بالزيت .
مش عارف حسيت ان الرقم كبير شوية
تقييمي للصيانة :
صراحة انا مشيت وانا مرتاح نفسيا الحمد لله لان المعاملة كانت محترمة
لكن الامر الوحيد اللي كان نفسي يتحل ومتحلش هو موضوع الصوت
الحمد لله على كل شيء
طولت عليكم شكرا ليكم
Comment