مش الـ GEN2 أسرع من الـ Vectra ؟

[waeljimmy]

السلام عليكم

ازيكوا يا شباب ..

النهارده واحد حرقلي دمي عمال يحكيلنا عن مغامراته بالأوبل فيكترا بتاعته وإن هو حط على كل عربيات صحابه وغير صحابه كمان على طريق البحر في اسكندريه و عمالين يسألوه مش حاطط فيها تٍربو ؟ يقولهم لأ وعامل فيها عم النجم

أنا متكلمتش خالص لحد ما قال إن الفيكترا الأوتوماتك "قامت على عربيات مانيوال كتير" ومنها الجين 2 مانيوال وقتها قمت وقفت وقولتله: "قف مكانك" الكلام ده مش مظبوط

أنا مبحبش الشد ولا حركات العيال دي بس أنا دمي محروق من وقتها
أنا معايا برسونا مانيوال وطلعتها ما شاء الله أسرع من عربيات كتير جربتها قبل كده فأكيد الجين 2 أسرع

ولا أنا غلطان؟

[kondor]

سيبك منه
:)
كل واحد نفسة فى حاجة يقولها يقول d:

[damasry]

عشان يكون الكلام محدد

انهى فيكترا؟؟ A or B or C؟؟؟؟

وانهى موتور فى كل دول؟؟؟؟

[Raul_7]

أنا بصراحة الفيكترا اللي سقتها قبل كده كانت مانيوال وكانت الشكل الحالي وكان سحبها حلو قوي ما شاء الله, تقريبا زي الجين. الاوتوماتيك بتاعها بقى الله أعلم.

[bahernor]

طيب عادى انت مستغرب ليه ما هيا عربيته 2000 سى سى
تخيل بقى لو الجين 2 او البيرسونا 2000 سى سى كانت عملت ايه ؟
بس هيا كدة حلوة مرضية ليك لما تعوز تجرى وفى نفس الوقت مش حيوانه بنزين زى الفيكترا

[kar!m]

الكلام ده طبيعى و عادى جدا .. الفيكترا طلعتها بطيئة شوية و الجين تو برضه .. بس بعد كدا الفيكترا بتطير و سواء كانت 1600 أو 2000 سىسى .. الشكل الحالى أو اللى قبلة .. بتجيب 220 مستريح .. الجين تو مبتوصلش السرعة ده.

كمان الفيكترا معروف انها ملكة متوجة فى الثبات (مقتبس من تامر الجملة دى ) فبتخلى الواحد يشد براحتة

[waeljimmy]

إنت بتغيظنا يعني إن الأوبل ثابته؟؟

خد بالك الفيكترا عريضه جدا وبالمرايات كمان بتبقى عايز شارع لواحدك لكن البرسونا مثلا مش عريضه وثباتها بالنسبالي شايف إنه عالي جدا ، هو طبعا العمر مش بعزأه عشان أجرب الثبات بنفسي على 220 مثلا لكن أنا شايف إن بروتون عاملين شغل جامد الصراحه

[waeljimmy]

عشان يكون الكلام محدد

انهى فيكترا؟؟ a or b or c؟؟؟؟

وانهى موتور فى كل دول؟؟؟؟

فيكترا 2008 الكبيره دي
بس مش ممكن اوتوماتيك تسبق مانيوال .. إلا لو سواق المانيوال تعبان طبعا

[ahmed_h_g]

الرك على اللى سايق

[ahmedsamir5edr]

الأوبل أقل الألماني .. احمدسمير

[yaseenmohamed]

أنا عاشق لجينا ....بس نصيحه متحاولش تشد مع الالماني حتي لو كان عظم في قفه.....مش علشان السرعه بس وانما علشان الالماني طوبه علي الطريق

[mahmoud_magdy]

بص انت مش راكب عربيه من الاخر
لا انت راكب عربيه جودتها وادائها وكمالياتها مناسبه لسعرها
وكمان العربيه بتتميز بكام حاجه مش موجودين في عربيات تانيه
والعربيات التانيه مميزين بحاجات مش موجوده عندك
فكرة ان دمك يتحرق علشان هو قال انها اسرع ده عادي جدا امكانيات الموتور بتفرق كتير ومتنساش انها عربيه اغلى من اللي معاك بمبلغ وقدرتها اكيد اقوى من عربيتك

على فكره شديت مره مع دودج اللي هيا النص نقل دي (مش فاكر اسمها والله)
وكنت لازق فيه وساعات بعديه وبقفل عليه وهو كذلك وسرعتنا كانت 150 ومش قادرين نجيب اكتر من كدا بسبب الطريق
وكننا اما بنهدي كنت ببقى اسرع في التجميع , احكم انت بقى عالموقف ده

المهم انك لما تسوق بسرعات عاليه تعمل حساب الطريق والمفاجات وخطأ الغير
والسواقه مش مجرد سرعه السواقه قدره وقوة تحكم وذكاء وزي ما بيقولو الطريق ملوش كبير
وربنا يسترها معاك ومعانا ان شاء الله

[mahmoud_magdy]

بص انت مش راكب عربيه من الاخر
لا انت راكب عربيه جودتها وادائها وكمالياتها مناسبه لسعرها
وكمان العربيه بتتميز بكام حاجه مش موجودين في عربيات تانيه
والعربيات التانيه مميزين بحاجات مش موجوده عندك
فكرة ان دمك يتحرق علشان هو قال انها اسرع ده عادي جدا امكانيات الموتور بتفرق كتير ومتنساش انها عربيه اغلى من اللي معاك بمبلغ وقدرتها اكيد اقوى من عربيتك

على فكره شديت مره مع دودج اللي هيا النص نقل دي (مش فاكر اسمها والله)
وكنت لازق فيه وساعات بعديه وبقفل عليه وهو كذلك وسرعتنا كانت 150 ومش قادرين نجيب اكتر من كدا بسبب الطريق
وكننا اما بنهدي كنت ببقى اسرع في التجميع , احكم انت بقى عالموقف ده

المهم انك لما تسوق بسرعات عاليه تعمل حساب الطريق والمفاجات وخطأ الغير
والسواقه مش مجرد سرعه السواقه قدره وقوة تحكم وذكاء وزي ما بيقولو الطريق ملوش كبير
وربنا يسترها معاك ومعانا ان شاء الله

[KHALED AYMAN]

فيكترا 2008 الكبيره دي
بس مش ممكن اوتوماتيك تسبق مانيوال .. إلا لو سواق المانيوال تعبان طبعا

من غير زعل ..العربيه معايا ...وطلعت من الجين تو ..سحب ..مش ثبات ولا غرز ..واكتر من مره ..
توضيح بس ..
العربيه مش اوتوماتيك ..
العربيه ايزى ترونيك ...
جيربوكس مانيوال ..وراكب عليه كنترول بيدوس دبرياج للعربيه ..
بمعنى اصح
عربيه مانيوال بتنقل لنفسها ...ونقلتها اسرع من نقله الانسان
يعنى سحبها لو مش احسن من المانيوال..هيبقى زيه
والعربيه دى جرايه بجد
بس لو صاحبك قال انه طلع من الجين تو قبل 40 ..يبقى كلامه مش صح
بعد 40 صدقه لححححححححححححححححححححححد 215

[RedBull_30]

بصراحه انا من عشاق اي سيارة المانية.. بالرغم من عدم قبولي لشكل الفكترا الجديدة الا اني بحترمها وعارف ان القائمين عليها تعبو لغاية ما وصلوها للشكل ده وعارف ان محركات اقل اي عربية المانية هو محرك محترم .. على فكرا يا جماعه من الاخر كده ان الشركات الالمانية بتتعب وتطلع سيارات بعد سنين من الدراسة والتعب وتيجي الشركات اليابانية تاخد منهم و تطور .. فما بالك السيارات الكورية او الماليزية
انا معايا جين 2 راضي عنها والسبب هو اننا في مصر وهي دي ظروفنا وانتم عارفين جمارك وضريبة مرور .. لولا كده كان هيبقى تطلعي بعيد جدا عنها
من الاخر اتمنى لصاحب الموضوع بانه يكون مقتنع بانه معاه عربية ادائها مرضي لكن مش الاداء الوااو يعني .... متخليش التلميذ يتحدى الاستاذ