انا عملت أستخاره وحجزت النيو الواجا

[Sindibad]

السلام عليكم

أنا أحترت وانهيت حيرتى بأنى حجزت الواجا , كنت محتاج جديد أو مستعمل فى حدود 85 الف و بالصدفه شفت الواجا 2010 وعجبتنى لأنها فيها كل المواصفات اللى انا عاوزها - المشكله انى خايف من ادائها واعتماديتها - ياترى ممكن تفيدونى هاندم والا هارتاح؟

[eng.m7md.ali]

مبروك عليك مقدما
الاداء اللي اقدر اقولك عليه انها طبعا اقل من الجين2 من حيث الثبات لكنها نفس الموتور ونفس نظام التعليق
بس نصيحة فكر في الجين2 لو بتحب تجري

[Sindibad]

انا شوفت الجين 2

مبروك عليك مقدما
الاداء اللي اقدر اقولك عليه انها طبعا اقل من الجين2 من حيث الثبات لكنها نفس الموتور ونفس نظام التعليق
بس نصيحة فكر في الجين2 لو بتحب تجري

جين -2 حلوه لكن مش عائليه - لأنها ضيقه وانا معايا أولاد (3) ولذلك خرجت من الأختيار

[abokoko]

الواجا الجديده فيها تغييرات ولا نفس الشكل

[Sindibad]

داخليا نفس الشكل
خارجيا يوجد تعديلات بسيطه

[abokoko]

ان شاء الله تكون سعيدة على حضرتك

[msafa]

فكرت في البيرسونا اليجانس

[أبوعائش]

مقارنة بالجين 2 :
- أوسع داخليا - الصالون -
- الشنطة أوسع - الجين شبه هاتش باك -
- التابلوه مختلف عن الجين (الواجا كلاسيكي - الجين رياضي)
- لا تفتح الشنطة للواجا من المفتاح عكس الجين
- لا يوجد كمبيوتر رحلات (زي حساب الاستهلاك للوقود) وإن كنت أظنها أرقام لا يعتمد عليها
- قطع الغيار أقل توفرا من الجين...محتاجين تاجر ينزلنا حاجات الواجا من ماليزيا عشان قطع غيارها واكسسوارتها بالعبيط هناك
- الاتنين لا يوجد بهم مثبت سرعة
- الواجا موتورها ليس بتكنولوجيا iafm
- الكاسيت في الواجا كلاريون انما في الجين بلاوبونكت (مش عارف كده نطقها صح؟؟)
- الكراسي الأمامية في الواجا عادية عكس الجين كراسي سبور وأظن بتاعت الواجا أريح
- ثبات الجين أعلى من الواجا لإن الواجا عالية عن الأرض أكتر (ميزة عشان مطبات بلدنا) بس الثبات مرضي جدا بالنسبة لي
- الدريكسيون مختلف في الشكل وزراير التحكم في الكاسيت
- الشكل يرجع لإرتياحك - انا تعجبني أكتر الواجا مع تحفظي على شكل الفانوس الخلفي -

ده اللي انا فاكره لحد دلوقتي ... ربنا يباركلك في العربية أي كان إختيارك

[midosalah]

فكر فى الجين2 او البيرسونا

[تامر.محمد]

اظن احسن اختيار ليك هو البرسونا مش الواجا

[kouriem]

مبروك عليك يا باشا ان شاء الله انا معايا العربية من 2009 و ماشاء الله زي الفل بجد عربية محترمة جدا انا جايب الاهاي لاين منها خامات داخلية احسن كتير من وجهة نظري المحدوده من الجين 2 و المساحة الداخلية احسن كتير و عيوب التقفيل اقل كتير .
و ربنا يباركلك فيها مقدما

[ashouhdy]

الواجا افضل من الجين

[RedBull_30]

من كام شهر شوفت في عز العرب فرع اسكندرية واجا 2009 زيرو وكان عارضها ب 87الف وكان بيقول انه ممكن ينزل سعرها شوية كمان عشان طبعا هي 2009 , بصراحة العربية كانت جميلة جدا واكتر حاجة شدت انتباهي انها كانت جلد طبيعي بني فاتح واللون ده في الجلد تقريبا بيبقى موجود في اغلبية سيارات الفولكس فاجن زي الباسات او الجولف , عماما هي كانت فول اوبشن بس منوال و بصراحة عجبتني جدا

[أبوعائش]

الجين والواجا والبيرسونا قريبين جدا من بعض في الآداء
إحتياجاتك هتفرق في إختيارك
واجا : واسعة - كلاسيكية - وقورة - تقفيل أفضل من الجين
جين2 : رياضية - شكل ثوري - أظن الأيروديناميك أفضل من الواجا
إليجانس : جين 2 سيدان - مثبت سرعه
انا ركبت الواجا والجين ..بس لما ركبت الواجا ... بعت عربيتي القديمة وجيبتها والحمد لله مش ندمان خالص مالص
اللهم لك الحمد

[Sindibad]

أولا متشكر لكم جميعا على الردود

انا خلاص استلمتها أمس وسوقتها من المنصوره الى المحله الكبرى مكان سكنى و ملاحظاتى عليها كالاتى بحكم خبرتى من سواقات سيارات مثل الألنترا - الهوندا سيتى - الأوبل فيكترا - تويوتا كورولا - متسوبسشى لانسر - وغيرهم

1- العفشه ممتازه ومش خشنه ومش ناعمه نعومه الألنترا مثلا
2- الباور ثقيل وده بيعطى أحساس بثبات السياره لكن مش مناسب للسيدات مثلا
3- فيه حدفه يمين خفيفه مش عارف ممكن تكون ظبط زوايا واللا موضوع علبة الدركسيون
4- العزل الداخلى ممتاز وصوت الموتور مش مضايقني
5- الكاسيت صوته
6- الفرش كويس لكن الجلد أفضل - ان شاء الله هعمله
7- السياره اعطى لها 7.5 من 10 مجملا و بالنسبه للسعر طبعا ممتاز (86 الف ) لسياره أتوماتيك