رجه غريبه في العربيه

[mrwho87]

السلام عليكم

كان عندي سؤال بما اني جديد علي العربيات كلها مش بروتون بس . كل يوم لما انزل الصبح بدري و اسخن العربيه بتقعد تترج جامد لمده مثلا 30 ثانيه و ترجع طبيعيه بتحصل الحكايه دي مره او مرتين الصبح بس ياتري انا عندي مشكله و لا دا طبيعي؟.

[waeljimmy]

ممكن بتكون بارده ولا حاجه أنا غالبا الرج ده بيكون من البوجيهات
في كهربائي قال مره "عشان تعرف لو العربيه فيها مشكله في البوجيهات" وانت بتنقل في النقلات الصغيره لو حسيت برجه يبقى في حاجه في البوجيهات
أو ممكن الهوا عايز يتفتح شويه في العربيه عشان الحرق " تبع الكاربريتير"
دي الحاجات اللي أعرفها
وإن شاء الله أصحاب الخبره في المنتدى يطمنوك

[mrwho87]

ممكن بتكون بارده ولا حاجه أنا غالبا الرج ده بيكون من البوجيهات
في كهربائي قال مره "عشان تعرف لو العربيه فيها مشكله في البوجيهات" وانت بتنقل في النقلات الصغيره لو حسيت برجه يبقى في حاجه في البوجيهات
أو ممكن الهوا عايز يتفتح شويه في العربيه عشان الحرق " تبع الكاربريتير"
دي الحاجات اللي أعرفها
وإن شاء الله أصحاب الخبره في المنتدى يطمنوك

الف شكر يا باشا و ادعي اصحاب الخبره ترد عليا بس

[amado318]

هتلاقى سلك البوجيهات بايظ

[eng.m7md.ali]

البنزين

[Tarek Gen 2]

حاجة من اتنين لا ثالث لهما

بنزين وحش
بوجيه ضرب

البنزين اللى وحش هتعرف اما يخلص و تحط بنزين من حتة محترمة و تشوف هتعمل تانى ولا لا
البوجيه لو عملت كدة تانى روح التوكيل يتغير

و انا مريت بيها كتير و فى كل عربياتى تقريبا

[ahmad alshaaer]

بتحصل معايا لما اكون راكن العربيه اكتر من يومين مثلا ولحد ماتسخن بتختفي ده امر طبيعي اعتقد ولاتقلق نتيجة ان العربيه بتبقى راكنه مثلا مايله شويه والزيت لسه ماسخنش وماوصلش لكل اجزاء المحرك