على فكره انا عندى راى فى المنتدى

[FERFESH]

انا ملاحض ان كل المنتدى الى بيتكلم عن الجين 2 ولا واحد عندة العربيه عرفتم منين الى هيا كويسه معلش دى حاجه محيرانى رغم انى اقتنعنت من كلامكم وحاجزتها وهاستلمها ان شاء الله كمان 10 ايام

[ابو سيف]

مين اللى قال لحضرتك ان ولا واحد من المنتدى عنده الجين 2!!!!!!!!!!!!!!!!!!!!!!!!!!!!!

و بعدين بافتراض ان الكلام دة صح

في ريفيوهات و مواصفات فنيه ممكن تتقارن بعربيات تانيه

عموما انا مش هتكلم عشان انا مش من الملاك و ان شاء الله ملاك العربيه يردوا عن نفسهم

[tutankhamoun]

مين قال لحضرتك على معلومات عن الجين 2 و طلع مش من أصحاب العربية ؟
و بعدين هو أصحاب العربيات بس هما اللي المفروض يدوك معلومات عنها ؟؟
فيه معلومات فنية الكل عارفها
و فيه معلومات التجربة ........... و دي مينفعش حد غير أصحابها يديلك معلوماتها

و على فكرة
العبد لله الفقير إلى الله من أصحاب السيارة و من أكبر محبيها في العالم كله
و لو عايز أي معلومة ......... أنا تحت أمرك .

[FERFESH]

ايه يا جماعه انا مش قصدى انتم زعلتم ولا ايه بس انا لاحظت معظم المنتدى معندوش العربيه ورغم ذللك عندكم معلومات كتير ومن غير ارائكم مكنتش اقتنعت بالجين 2 ولا حاجزتها بس عنى سوال هى الجين 2 فيها ebd ولا لا وهذا مش سوال ولكن اختبار لاصحاب العربيات

[CryptonX]

يادي ال Ebd ......

[tutankhamoun]

ايه يا جماعه انا مش قصدى انتم زعلتم ولا ايه بس انا لاحظت معظم المنتدى معندوش العربيه ورغم ذللك عندكم معلومات كتير ومن غير ارائكم مكنتش اقتنعت بالجين 2 ولا حاجزتها بس عنى سوال هى الجين 2 فيها ebd ولا لا وهذا مش سوال ولكن اختبار لاصحاب العربيات

فيها EBD
هل نجحت في الأختبار ؟؟؟؟؟؟؟؟؟
و أيه جايزة النجاح ؟؟؟؟؟؟؟؟؟؟؟؟؟؟؟

يادي ال Ebd ......

أنا فاهم قصدك أيه ;) ;)

[mohamed_1991]

فيها EBD
هل نجحت في الأختبار ؟؟؟؟؟؟؟؟؟
و أيه جايزة النجاح ؟؟؟؟؟؟؟؟؟؟؟؟؟؟؟



أنا فاهم قصدك أيه ;) ;)

we ana kaman fahem asdak :D

[FERFESH]

انا مش فاهم قصدقم ايه

[aif]

بص يا باشا
طبعا ما حدش جاب سيرة الزعل
احنا في المنتدي غالبا مش بنزعل من اي رأي طالما في حدود النقاش المحترم ...


بالنسبة للسيارة
انا عن نفسي عمري ما ركبت الجين 2 ....
لكن من وصف الزملاء اللي يمتلكوها .. واضح مستوي السيارة
ومثال تاني :
لما واحد خبير مخضرم زي المهندس خالد ( سبعاوي ) يركب السيارة دي ويعمل بيها تست درايف ويقول اللي قاله عنها ..وعلي فكرة سبعاوي مش من السهل انه يمتدح سيارة ... لأنة بيفحص السيارة فحص انتقادي ... يعني مش بتعدي علية اي عيوب فيها ...
فلما ينزل من السيارة ويقول الكلام اللي قاله ..... يبقي لازم اجزم بان السيارة دي محترمة

.....
انا لولا انها غير مناسبة لسني وعملي ... كنت اشتريتها بدون تردد
وتصبحو علي خير

[FERFESH]

على فكره الجين 2 عمرها منزلت فيها ebd ودة مش كلامى دى كلام الوكيل الى فى المعرض وانا سالته لما كنت باحجز العربيه مش عارف كلامى صح ولا خطا ومعلش لانى معرفتى محدوده هو ايه ebd اصلالالالالالالالالالالالالالا

[CryptonX]

طلاما مش فارق معاك و مش عارفه بتسال عليه ليه اصلا ؟
و خايف اوي من عدم وجوده !

ال EBD هو اختصار :
Electronic brakeforce distribution

ترجمة حرفية : توزيع الكتروني لقوة الفرامل .
يعني في كومبيوتر صغير بيوزع قوة الفرامل علي كل عجلة علي جدة علي حسب حالة الفرملة و الاحتياج اليها .. علي العكس السيارات العادية الي بترمي القوة كلها بالتساوي تقريبا .

فبيخلي السيارة استجابتها احسن في حالة الفرملة .

و علي فكرة من معلوماتي البسيطة و مواقع الانترنت :
EBD is ُAlways coupled with anti-lock braking systems

يعني ال EBD دائما بيكون معاه ABS .

[CryptonX]

و علي فكرة التوكيل غبي
لان موقع بروتون الماليزي و الانجليزي بيقول ان فيها Ebd .

و عامة لو مفيهاش Ebd ابعد عنها تماما .. دي تبقى مش امنة خالص .. مالص .

[tutankhamoun]

على فكره الجين 2 عمرها منزلت فيها ebd ودة مش كلامى دى كلام الوكيل الى فى المعرض وانا سالته لما كنت باحجز العربيه مش عارف كلامى صح ولا خطا ومعلش لانى معرفتى محدوده هو ايه ebd اصلالالالالالالالالالالالالالا

لا يا باشا .......... الجين 2 بتنزل ب EBD , ABS
ABS نظام مانع الأنزلاق
EBD نظام توزيع قوة الفرامل على العجلات الأربع بالتساوي

بس أي معرض اللي قالك كدا ؟؟؟؟؟؟؟؟؟؟

[CryptonX]

و علي فكرة الاسبرانزا الa516 فيها Abs+ebd فوفر فلوسك و هات سيارة امنة احسن..

ياراجل بلا بروتون بلا بتاع .. احنا اهم حاجة السيارة الي فيها ال Ebd علشان مستقبل افضل .

[Powert]

انا ماجبتش حاجة من عندي انا قولت ان الناس اللي زعلت ان مافيهاش Ebd هما اصلاً مايعرفوش اية البتاع ده
:D:D:D:D