تكييف جينا

[mikology]

للاسف التيست درايف اختراع لسه ماوصلش اوماترا هههههههه
بس هاحاول اشوف حد معاه العربيه اجربها بس انا ميال اكتر للجين وده من زمان و حاليا بعد ما الايفو غليت فحت بدون زيادات فى الاوبشنز
الكفه بقت فى صالح الجين الى حد كبير

[mikology]

أنا زيك بالظبط ..... الأيفو دى كانت بالنسبة لى حبى الأول و الأخير لحد ماغليت فجأة و بقت ب 102000 جندى و يمكن دلوقتى تكون أغلى من كدة .... المهم بعد بحث و تدوير و لف ومشاوير لقيت أن الأختيار الأفضل بعد الأيفو هو طبعآ الجين 2 لأنها عربية بمواصفات أوروبية بس صناعة ماليزية ولقيت فيها مميزات مش موجودة فى الأيفو أهمها قطع الغيار الأرخص .... أنت عارف فانوس الأيفو بكام ؟ 1600 جنية و تركيبة 200 جنية فى التوكيل يعنى عشان تغير فانوس لازم تدفع 1800 جندى كمان الجين 2 موتورها أقوى من الأيفو بكتير لأنة 110 حصان ودة اللى بيخلى صوتة أعلى من الأيفو اللى موتورها 77 حصان دة غير شنطة الجينا الأكبر ودى حاجة مهمة جدآ لأى أسرة

اومال كشاف الجين بكام ؟
وعندى سؤال تانى
انت مش ممكن تجيب كشاف بتاع الجراند بونتو مكانه ؟؟ استيراد حتى ؟

[JUVENTUS]

للاسف التيست درايف اختراع لسه ماوصلش اوماترا هههههههه
بس هاحاول اشوف حد معاه العربيه اجربها بس انا ميال اكتر للجين وده من زمان و حاليا بعد ما الايفو غليت فحت بدون زيادات فى الاوبشنز
الكفه بقت فى صالح الجين الى حد كبير

انت هتقولي ههههههههههههههههه ما هو اوماترا دول اللي جايبين فيات ورا ربنا يصلح احوالهم
و انتظر برضو لما تشوف معرض اوتوماك ظروفه ايه عشان بيعملو تخفيضات و عروض
ربنا يوفقك في الاختيار و تجيب حاجة تكون مبسوط بيها باذن الله

[أبومعاذ]

عارف الاعلان طبعا هههههههههههههههههههههه
بص يا ميكو الايفو اشيك و اكتر رفاهية و فخامة من الجين 2 و معروف ان الاوروبي كاركوبة اريح و افخم من الاسيوي
بص انت هتدفع فلوس كتير مش قليلة ابدا عشان كده بقولك لازم تعمل test بنفسك للايفو و تشوف و اسأل برضو الناس اللي معاهم العربية في المنتدى عشان لاقدر الله متندمش بعد ما تشتري لو عجبتك الايفو هاتها لو لقيتها بطة خلاص خليك في جين 2

الاوروبي مش كله كاركوبة افضل من الاسيوي ...الفيات اقل في الراحة والركوبة من باقي الاوروبي و دا راجع لطابع عفشة فيات الناشفة في اغلب عربياتها
و الجين 2 تتفوق على الايفو في كل حاجة ماعدا التقفيل و جودة خامات الصالون مش في التكييف بس :)

اومال كشاف الجين بكام ؟

كشاف الجين 2 ديبو تايواني ب 250 بس من غير الموتور وفي التوكيل بـ850

[mikology]

الاوروبي مش كله كاركوبة افضل من الاسيوي ...الفيات اقل في الراحة والركوبة من باقي الاوروبي و دا راجع لطابع عفشة فيات الناشفة في اغلب عربياتها
و الجين 2 تتفوق على الايفو في كل حاجة ماعدا التقفيل و جودة خامات الصالون مش في التكييف بس :)

بص احقاقا للحق فقط
الجين تو افضل سعر مقابل قيمه (مش احسن من الايفو فى كل حاجة )
الايفو افضل من الجين فى الامان - 5نجوم
الايفو فيها حجات كتير قوى تعتبر من الرفاهيات ان تلاقيها فى مينى كار بصراحه - مدلعه اللى راكب جدا (للذكر و ليس للحصر ) غلق الاير باج الجانبى - فصل البنزين عند حدوث اى حادثه مع فتح جميع اللوك بتاع الابواب - لما تدوس فرامل جامد الانتظار بيشتغل لوحده بشكل سريع عشان ينبه اللى وراك سيتى باور .
- قعدتها بصراحه اريح من الجين ( وهو فى الاول و فى الاخر تعود مع الوقت) بس وضع الدركسيون فى الجين مش مريح زى الايفو و انا عارف انه عشان ده وضع سبور
- غير كده الجين ثبات اقوى موتور اقوى - مساحه تخزين ووسع اكبر - سبور جدا - غير انها منتشره عن الايفو وبالتالى قطع غيار اكتر و ارخص - روشه اكتر من الايفو فى نظرى - شكلها احلى بصراحه
و انا طول عمرى بنصح اى حد يجيب الجين و متابع جيد لها وان شاء الله ابقى زميلكو بس ادعولى

[mikology]

كشاف الجين 2 ديبو تايواني ب 250 بس من غير الموتور وفي التوكيل بـ850

معلش اعذرنى
يعنى الديبو اللى من غير موتور بيتباع فى التوكيل ب 850؟ ولا تقصد الاصلى ؟

ولو تقصد الاصلى
طيب الاصلى بيتباع بره بكام اللى زى اللى فى التوكيل بالظبط بموتوره ببابا غنوجه ؟

اصل انا الكشاف بتاع عربيتى الانشيا ديبو بردو بـ 250

[أبومعاذ]

الديبو دا بتاع برا التوكيل و تمنه 250 ومن غير موتور....تمام؟
بتاع التوكيل ب 850 و غالبا برضو من غير موتور :)

[mikology]

تمام يا باشا