محتار ما بين الساجا الاوتوماتيك والبيكانتو اوتوماتيك وال اي 10 اوتوماتيك

[amryounis2000]

السلام عليكم ورحمة الله وبركاته
هذه اول مشاركه لي في هذا المنتدى المحترم
انا ابو مهند وبفكر اشتري سياره لام مهند والمعلومات المتاحه
سياره اوتوماتيك ، المبلغ 75 الف ، لا تكون من انتاج الصين ، وطبعا زيرو
بعد طول بحث وجدت ان افضل اختيار يقع بين الساجا ، بيكانتو ، اي 10
كل سياره فيها ميزه لكني اميل كل الميل تجاه الساجا ولكني متخوف من التوكيل وقطع الغيار وعدم الانتشار الى الان مع ان السياره لا تعتبر حديثه
ارجو المساعده من المحترمين ملاك الساجا
ولكم جزيل الشكر

[mdm309]

Hyundai i10

[IMG]file:///C:/DOCUME%7E1/MOHAME%7E1/LOCALS%7E1/Temp/msohtml1/01/clip_image002.jpg[/IMG]- يتفق الخبراء علي جودتها وهي كذلك بالفعل

كما يلاحظ فيها الإتسااااااع مقارنة بسيارات المجموعة في حجمها "بيكانتو وسيليريو" وإن كان ليس العنصر المميز فيها كالجودة ، من أهم المميزات أيضا هي :

- سعر إعادة البيع الجيد جدا .

- توافر قطع الغيار .

- توكيل جيد .

- شكل أمامي جميل .

- انتشار معقول .

- عزل جيد .

- كماليات جيدة .

- مقود كهربائي .......خفيف قوي .

أما العيوب فهي :

- شكلها الخلفي يذكرني أحيانا ببعض السيارات الصينية وإن كان لولا إختلاف الأذواق لبارت السلع .

- عجلات صغيرة تشعر المرء أن السيارة ليست متينة .

في النهاية : جيدة جدا

Kia picanto

[IMG]file:///C:/DOCUME%7E1/MOHAME%7E1/LOCALS%7E1/Temp/msohtml1/01/clip_image004.jpg[/IMG]- جميللللة شكلا محبوبة لدي المصريين تلقب بالمشمشاية أقل من سابقتها في التقييم لدي الخبراء عيبها الخطير قلة الكماليات ، أما عن أهم مميزاتها :

- توكيل جيد جدا مقارنة بباقي التوكيلات في المقارنة .

- سعر إعادة البيع ممتاز .

- توافر قطع الغيار بصورة كبيرة جدا .

- الانتشار الواسع .

- الشكل الجميل جدا في رأيي .

- استهلاك وقود جيد جدا .

- عزل جيد وإن كان أقل من سابقتها .

- مقود كهربائي .......... خفيف أوي .

وأخيرا نأتي للعيوب :

- فقر الكماليات .

- خامات داخلية أقل من الهيونداي (صلبة بعض الشيء) .

- أقل اتساعا من سابقتها ولكن بشكل طفيف .

في النهاية : جيدة

Suziki celerio

[IMG]file:///C:/DOCUME%7E1/MOHAME%7E1/LOCALS%7E1/Temp/msohtml1/01/clip_image006.jpg[/IMG]- كماليات غزيرة جدا جدا ، إيه كل ده بالإضافة إلي استهلاك وقود ممتاز جدا ، شكل جميل ، يجمع الخبراء علي جودتها من حيث التقفيل وأجهزة التعليق للخدمة الشاقة وإن كانت ليست كالهيونداي في رأيي ورأي بعض الخبراء ما لاحظته هو ضيق المساحة الخلفية للكنبه ، نبدأ بالمميزات كالمعتاد :

- شكل خارجي جميل (البعض يعتبرها شكلا أجمل من الكيا والهيونداي)
- كماليات كثيرة جداااااااااااااا.

- استهلاك وقود ممتازززززززز .

- عدد أحصنة جيد .

- مقود كهربائي .

- ياباني تقفيل هندي .

وأخيرا العيوب :

- انتشار ضعيف وإن كانت في إزدياد .

- توكيل سمعته ضعيفة .

- سعر إعادة بيع غالبا ضعيف وهو أخطر عيب .

- قطع غيار في التوكيل غالبا فقط .

- موتور عزمه ضعيف لأنه ثلاثة إسطونات .

- صوت المحرك مرتفع نسبيا علي السرعات العالية .

في النهاية : جيدة

Proton saga

- في رأيي ينطبق عليها مقولة القيمة مقابل السعر

ممتازة في الاتساع والكماليات تشعركأنها فئة مختلفة أعلي وإن كانت علي مستوي التقفيل [IMG]file:///C:/DOCUME%7E1/MOHAME%7E1/LOCALS%7E1/Temp/msohtml1/01/clip_image008.jpg[/IMG]

والخامات تعتبر مقبولة بشكل كبير
أما المحرك فهو أقوي من سابقتها من حيث السعة أو الأحصنه وإن كانت الشكوي منه بخصوص الاستهلاك العالي في الوقود أما من ناحية الخبراء فهي ذات تصنيف عالي بماليزيا ولكنها غير منتشرة بأوروبا علي الرغم من وجود بروتون بأسوق هذه الدول وإن كانت الشكوي الأساسية من هذه الماركة فيها هي عيوب التقفيل البسيطة .
أولا : المميزات :
- ممتازة علي مستوي الاتساع وحقيبة الأمتعة .
- تسارع جيد جدا .
- عزل جيد .
- شكل مقبول جدا وإن كانت ليست بجمال البيكانتو .
- محرك قوي .
- كماليات ممتازة .
- تشعرك بقابليتها وعمليتها للسفر كعربية عائلية .
أما عن العيوب :
- توكيل مقبول وليس جيد .
- سعر إعادة بيع جيد وأتوقع إرتفاع له .
- انتشار غير مقبول ولكن في طريقها للزيادة .
- قد يوجد بها بعض مشاكل التقفيل الطفيفة كعلبة الدركسيون وجودة بعض الخامات الداخلية .
- مقود هيدروليك .
- استهلاك للوقود مرتفع نسبيا علما أنها 1300 سي سي أي أقوي من سابقاتها .
في النهاية : جيدة جدا .

Hyundai getz

- [IMG]file:///C:/DOCUME%7E1/MOHAME%7E1/LOCALS%7E1/Temp/msohtml1/01/clip_image010.jpg[/IMG]تجمع العديد من المميزات لسابقاتها وليست جميعها وتتفادي الكثير من عيوب سابقاتها ( تقع في منطقة وسطي بينهم) وإن كان سعرها مرتفع جدا مقارنة بحجمها فلا يصدق أي شخص أنها أقل بألف جنيه فقط عن الهيونداي أكسنت التي هي من فئة أعلي غير ذلك فهي صفقة جيدة جدا بعيدا عن السعر ، أما عن المميزات :
- شكل جميل جدا .
- محرك قوي 106 حصان أقوي محرك في المقارنة مع الوضع في الاعتبار خفة وزن السيارة علي محرك بهذه السعة .
- قطع غيار منتشرة جدا .
- توكيل جيد .
- سعر إعادة بيع جيد جدا علي ما أعتقد .
- كماليات جيدة جدا وإن كانت تفتقد للمقود الكهربائي والإير باجز وحساسات الركن .
- جودة جيدة جدا في الخامات الداخلية .
- سيارة متوسطة في الحجم فهي ليست بحجم الكيا وليست بكبر البروتون .
- سيارة تشعرك بالثقة في كافة مفرداتها .
أما العيوب فهي تنحصر في :
- سعر مرتفع للغاية .
- استهلاك وقود أكيد أعلي من الأولي في المجموعة والكيا الثانية وبالتأكيد السيليريو وفي مستوي البروتون أو أعلي قليلا .
في النهاية : جيدة جدا



التقييم بالنجوم من خمسة وفقا لرأي الخبراء :
الهيونداي i10 . 4 نجوم
سوزوكي سيليريو . 4نجوم
كيا بيكانتو . 3 نجوم
الهيونداي جيتز . نجوم3(مع ملاحظة أنها فئة أعلي قليلا من سابقاتها)
بروتون ساجا . (ليس لها تقييم عالمي لأنها موجودة بماليزيا حتي الآن ولم يتم تسويقها في بعض دول أوروبا بعد وإن كانت تتربع علي قمة المبيعات والتقييم في ماليزيا) .
- ملحوظة هامة جدا : تقييم الخبراء العالميين هو تقييم مجرد عن أحوال السوق المصري أي بعيدا عن مدي انتشار السيارة وتوافر قطع الغيار وكفاءة الوكيل والطرق المصرية وغرض المستخدم من السيارة وإنما تقييمهم متعلق بالجودة والاعتمادية واستهلاك الوقود ودقة التوجيه باختصار المعلومات التقنية فقط .

الترتيب النهائي وفقا لرأيي فقط :

حاجة تحير بجد بس بعد تفكير بالعقل :
1 – هيونداي i10 . (بعيدا عن كرهي لشكلها الخلفي والعجلات الصغيرة لكن علي نظام الأكبر منك بيوم يعرف عنك بسنة والنوكيا شكله وحش لكن أكفأ من أي موبيل تاني حتي ولو أجمل منه شكلا زي الإل جي)
2- كيا بيكانتو . (جميلة شكلا بس الأهم الاستخدام أحيانا والكماليات حد يلاقي الدلع وميدلعش)
3- بروتون ساجا (مفيش فايدة العربية ديه لزقه للواحد مش عارف يخلص منها بصراحة تستاهل كل خير)
4- سوزوكي سيليريو (كان نفسي تكون في مركز متقدم لأنها جميلة فعلا بس ظروف بلدنا)
5 – الهيونداي جيتز(بصراحة تأتي علي قمة المجموعة وإن كان سعرها ضيعها خالص منهم لله)

- مش دي النهاية نفكر برضه بالعقل بعيدا عن أي اعتبارات خاصة بأي خوف يعني كده وفقا للقلب الجامد والعقل :
1- بروتون ساجا .
2- كيا بيكانتو . (يووه تاني حاجة بقه مش ممكن)
3- هيونداي i10.
4- سوزوكي سيليريو .
هيونداي جيتز هوهو رأيي السابق .

[ahmed_h_g]

الساجا حاجه والبيكانتو والi10 حاجه تانيه الساجا تكسب طبعا"
لو الساجا مع الجيتس يبقى الجيتس تكسب (من رأيى)

[tamerosman]

خلى بالك العربيات الهيونداى الى مش منتشرة اوى يعنى العربيات الى غير الاكسنت و الفرنا و الالنترا قطع غيارها غالية و مش منتشرة اوى خارج التوكيل لان العربيات دى مش منتشرة زى الفرنا مثلا

لو عايز هيونداى علشان تلاقى قطع الغيار بسهولة و شكل رخيص يبقى بس اللاكسنت و الفرنا و الالنترا ( و احد صحبى معاه اتوس و بيصوت من اسعار قطع الغيار)


ال اى 10 و البيكانتو فئة تانية غير الساجا و لا يمكن تقارنهم مع الساحا من حيث الثبات و الوسع وخاصة ان الساجا عربية سيدان بشنطة اتساعها محترم جدا و اى 10 و البكانتو عربيات هاتش باك لا تتسع لشنطة سفر واحدة من الحجم المتوسط يعنى اى عربية هاتش باك فى الحجم ده يدوب تاخد شنطة هاند باج من الحجم الكبير ( زى بتاعة لعيبة الكورة) انما الساجا ممكن تسافر بيها مستريح جدا و تاخد شنط العيلة مستريحة

و حرام حد يدفع 75 الف فى عربية هاتش باك صغيرة و حرام تسيب عربية سيدان فول اوبشن و بجنوط و كماليات عالية جدا زى الساجا و تركب هاتش باك من الحجم الصغير بكماليات اقل و ثبات ضعيف

[ramy01011]

البيكانتو الجديدة الشكل الجديد تحفة بجد و احسن بكتير من الباقي ووسعها من الداخل جيد جدا و امكانيتها عالية جداااااااا

[MaZaGAngeE]

بص على لوجان كده

[أبومعاذ]

بص على لوجان كده

صاحب الموضوع بيقارن عربيات اوتوماتيك واللوجان مفيهاش اوتو

[mememsaid]

بص على لوجان كده

الراجل بيقول عايز اوتوماتيك
هي اللوجان فيها اوتوماتيك؟؟!!

[Mahmode]

أضم صوتي للبيكانتو

[mememsaid]

انا كنت في نفس الحيره بس ماكتش اقد افكر اني اركب عربيه اوتو بالسعر ده وتكون هاتشباك
ده بالاضافه ان الساجا الفتيس اللي فيها متسوبيشي وكلنا عارفين ياعني ايه فتيس اوتو ياباني
وان كنت قلقان من اسعار قطع الغيار ماتقلقش العربيات اللي انت بتقارنها ببعض اسعارها قريبه اوي وان كانت الساجا اغلي شويه بس مواصفاتها اعلي بكتيير كفايه الشنطه والثبات والمتور والاوبشن و و و
اعتقد ان المقارنه محسومه

[amryounis2000]

مشكروين على المساعده والاراء الصائبه وان اختلفت

بجد انا متشكر جدا على ارائكم القيمه
ان شاء الله انا رايح للراي بتاع الساجا لانها فعلا عربيه كبيره وواسعه مقارنتا بالبيكانتو والاي 10
هي زي ما قلت لكم العربيه لزوجتي فكان مهم جدا انها تكون اوتوماتيك وكمان الجزئية بتاعة اعادة البيع مش مهمه لان السياره سوف تستمر معاها مش اقل من 7 ولا 8 سنين ان شاء الله
انا النهارده ذهبت الى عز العرب بالطريق الصحراوي وقابلت مدير المبيعات هناك وحجزت ساجا
بس يا ريت اعرف منكم عن امكانية توافر قطع الغيار خارج التوكيل
وهل التوكيل بيوفر جميع قطع الغيار ولا بيبقى فيه شيئ ناقص
على فكره انا عندي عربيه كيا سيراتو 2010 وهي مريحاني جدا على عكس ما يشاع عنها
والف شكر على المساعده

[mememsaid]

الف مبروك علي الساجا
وخبي بقي السيراتو اليومين دول عشان بتتسرق

[Mustafa_Farouk]

السلام عليكم،

اللي عرفتو، إن فيه محل اسمو المدينة ومحل اسمو مكة ودول موجودين في شارع دمشق اللي في مصر الجديدة وبيبعو حاجات بروتون، ممكن تسأل فيهم.

[eymofouad]

السلام عليكم:
احب اولا ان اعرفكم بنفسى انا أيمن عنابى من السويس ، بصراحه انا اكتشفت وبعد بحث طويل بالمنتديات والمواقع ان العربية البروتون ساجا عربية محترمه جدا.
انا كان معايا عربية كيا برايد كورى اصلى تقفيل خليجى العربية جابت اخرها فبعتها بس كانت ممتازة جدا والله المهم بعد طووول بحث ودراسة متعمقه عشان اشترى عربية جديدة في حدود من 60 الف الى 75 الف قررت اشترى الساجا والحمد لله اشترتها ولونها ابيض ( اشد لون فيها مع انى مش بحب الابيض) بس اللون ده جامد في الساجا المهم عشان تنوى تشترى عربية لازم توضع نقاط مهمه جدا وهى:
اولا: السعر معاك كام
ثانياً: الجوده
ثالثا: قطع الغيار والصيانه
طبيعى السعر اللى معاك يحكمك فى شريحه معينه من السيارات فبالتالي نختار من الشريحه دى اللى يناسبك انت وظروفك يعنى الكيا البيكانتو متنفعش غير لبنت او مدام بس مع احترامى للشباب مالكى البيكانتو لانها عربية حريمى بناتى اكتر.
اما لو حضرتك شاب ومقبل على الزواج وتكوين اسره فمش هتنفعك البيكانتو خاااالص ( طبعا ضيقه وغير عائلية ) .... الساجا شبابيه عائليه جداا .....
نيجى بقي للفيرنا ( الفره) مع احترامى لماليكهاعربية كورى وحلوه الشكل لكن موتورها قوى اكتر من الازم عليها وهى مش ثابته خالص مع السرعات وصاج ضعيف ( اغلب الحوادث وده كلام حقيقي لازم يكون فيها فيرنا ) وصالونها ضيق جدا .... اجلس بصالون الساجا وانت تلاحظ الفرق والراحه .....
اما الاخت اللوجان فهى عربية كويسه وصاج متين جدا وعاليه عن الارض بس سحبها وقوة ماتورها ضعيف جدا بالنسبة للساجا الخطيره الاقوى سحب ومتانه موتور ده بخلاف انا اللوجان فرنسي لكن تقفيل مغربي .
دى بعض المقارنات والملاحيظ بين تلك الشريحه من السيارات بس احب اقولكم ان الساجا مميزاتها وعن تجربه وكلام اكيد من مواقع مختلفه وهى :
قوة سحب عاليه جدااا ، قوة موتور الخاص بشركة لوتس الانجليزية طبعا عرفين عربيات الفورميلا ، شكل جذاب جدااا ، شاسيه الساجا وده كلام اكيد شاسيه من الحديد الصلب ، ماكينة الفيتيس الاوتوماتيك ماركة متسوبيشى لانسر اليابانيه الاطول عمراً ، الجنوط الاسبور ، والعفشه الرياضيه ، طبعا بخلاف باقى الكماليات الجميله انتو عارفنها .
دى وجه نظرى وتحليلى من البحث الطويل جدا قبل شرائي لها .
من عيوبها اللى شفتها طبعا الدريكسيون مش خفيف زى باقى العربيات بس ده مش عيب لأنه هينفعك اوى لما تكون سايق على سرعات عاليه ( تحكم عالى جدا ).
مجال الريموت للمفتاح صغير 4 متر بس .
شفتوا طبعا مميزاتها وعيوبها اللى ناوى يشتريها يتوكل على الله وبجد مش هيندم ابداااااااا .

[falloutboy]

الساجا وعن تجربة عربية محترمة وفعلا Best value for money في المجموعة اللي في سعرها ... العربية موتورها اكتر من ممتاز بالنسبة لوزنها وصاجها قوي وبيستحمل والعربية بتاع سفر ومشاوير ومش بتقول لا وثابتة علي الطرق بعكس العربيات التانية الصغيرة ومناسبة اكتر جوا المدينة ... الساجا قدام عيني جابت 165 مرتاحة والعربية في منتهي الثبات ... طبعا سمعت انها جابت اكتر بس انا مش باحب اتكلم غير علي حاجة جربتها وشوفتها بنفسي عشان في ناس كتير بتقول بالسمع وده انا بعتبره غلط عشان احنا عارفين اننا شعب بيحب يزود شوية من عنده هههههه

بالنسبة انك لو مش هاتجري او مش هاتسافر بالعربية مثلا عشان حضرتك بتقول دي للمدام ... ده مايمنعش انها ميزه برضه عشان انتا ممكن تكون في ظروف مثلا عربيتك في الصيانة الدورية وتحتاج العربية التانية فيبقي معاك تحت ايدك عربية ممتازة عائلية بتشيل 5 افراد والشنط بتاعتهم ... موتور ممتاز وبتاع شغل ... العربية برضه الفرامل بتاعتها حلوة وياما طلعتنا من مواقف ومطبات من اللي بتظهر فجأة دي بس محتاجة شوية تعود وده بيحصل في الفترة بتاع التليين يعني مافيش قلق ... انا بصراحة بحب العربية لانها مع زميلي في السكن وسوقتها كتير ... العربية فوق الممتاز بالنسبة لسعرها لاني اول ماشوفتها معاه مكنتش مصدق سعرها ... بس برضه للامانة ... لازم تشوف زوجتك رأيها ايه عشان هي ممكن تكون محتاجة عربية صغيرة عشان ماتتعبهاش في الركن او الزحمة وتكون مثلا اغلب احتياجاتها جوه البلد مافيهاش سفر كتير ... انما غير كده توكل علي الله وربنا يباركلك فيها ...