إعـــــــلان

Collapse

.

,
See more
See less

جين 2 ان شاء الله

Collapse
X
 
  • Filter
  • الوقت
  • Show
Clear All
new posts

  • جين 2 ان شاء الله

    انا الجمعة قبل اللى فاتت روحت توكيل اللى فى العجوزة بس للاسف ماعرفتش ادخل لان المسئول ما كنش موجود كان قافل الباب زى مل يكون بيصلى مع انى كنت شايف كل حاجة من الازاز و النور جوا كنا منور و لما سألت زميله اللى فى سيتروين اللى جانبه قالى دا ماشى بادرى علشان عنده ظروف (بس بصراحة حاسس انه كان بيحور) على العموم مش مهم على الأقل شفت الجين 2 الأسود الميتاليك المعروضة من برة فعلا اللون ده حلو عليها و أعتقد كمان ان مش ده الاسود اللى كان بينزل قبل كده.

    المهم بعد كده رجعت على البيت انا ساكن جنب المصرية اللى فى مدينة نصر قولت ادخل ابص و سبحان الله اول مرة اشوفهم عارضين جين 2 و كمان نفس اللون بصراحة ركبتها و ما كنتش عايز انزل انا بقالى حوالى سنتين بقرا عن العربية هنا و بشوفها فى الشارع بس عمرى ماكنت ركبتها (ركبت مرة البيرسونا لكن مدة صغيرة جدا مع واحد معرفة) حاسيت ان الصالون حلو و محندق كده و كل حاجة ملمومة و قريبة منى و بصراحة الخامات اللى فى الطابلوه و بمعنى اصح البلاستيك انا شايفها عادية و مش لدرجة تعور ولا حاجة هى متوسطة لو اتقارنت بالزيها الأكسنت ولا الافيو او الأوبترا و يمكن تكون شوية زى الياريس غير كده كل حاجة فى مكانها و زى الفل الدريكسون فعلا واطى شوية بالرغم انه ممكن يتحرك هو و كرسى السواق و حاولت اعدلهم كده شوية بس برده فضل واطى بس دى مش حاجة وحشة قعدت ورا و الحمد الله واسعة و الميل اللى فالسقف مش مشكلة برده (انا طولى 180) و كله فدا الأيرودينامك بتاعت الجين برده و الشنطة ما شاء الله و اسعة متفرقش كتير اوى عن حاجة سيدان بالعكس انا بانسبالى دى ميزة انها تكون ليفت باك وواسعة و بشنطة زى دى و فى نفس الوقت عربية حلوة مش كبيرة اوى و ابعادها مش صعبة ماعدا حاجتين الرويا من ورا ضايعة علشان الليفت باك و السبليور (زى الياريس برده فى الحتة دى) بس محلولة لان فيه باركينج سينسور و تانى حاجة المرايات اللى فى الجانب كانوا المفروض يكونوا اكبر شوية

    اما بقى قلقى الأكبر من العربية و هو الفرامل طبعا مأ قدرش احكم عليه لانى اكيد ما سقتهاش و لا حتى دورتها بس و كان معايا ساعتها واحد صاحبى و اقعدت احكيلوا على كل حاجة انا قريتها هنا عن العربية و بالذات موضوع الفرامل ده قالى انت كده كده فى الاول مش هتجرى بيها و بعدين كله تعود بس لصراحة برده لسة مقلق

    اخر حاجة بقى سألت بكام الكاش و كنت فاكر ان المصرية بيبيع بس قسط بس قولت برده اسأل قالى 92.5 طبعا الاوتو انا بقى هنا عندى سؤال اشترى من انى احسن مع العلم ان فى التوكيل ب 93 بس المصرية داه فى العمارة اللى قدامى و كمان مش عارف ممكن و قت الدفع ينزلى كمان فيها انتوا ايه رأيكوا

    فى ميرزة كمان فى المصرية ان العربية عنده جاهزة يعنى مش زى التوكيل لسه هاحجز و كل شوية يماطلوا زى اى توكيل فى مصر و انا بصراحة عاوز اخلص

    اخر سؤال هو اللون الفيرانى بتاع الجين 2011 لانى بصراخة بشوف صور على النت لون فيرانى كانه رمادى غامق بس فيه برده لون تانى كده تحس انه بين السيلفر و الارزق الفاتح و ده بردة بتقال عليه فيرانى انا بصراحة كان نفسى اشف الفيرانى ده على الحقيقة بس مش بشوف غير اللون الغريب اللى انا و صفته دلوقتى و علشان كده انا هاختار ما بين الأسود و السيلفر

  • #2
    العربية متوفرة فى التوكيل و بتستلم خلال اسبوعين بالكتير على ما تطلع من الجمرك لانها متخزنة منطقة حرة الالوان الموجودة اسود ميتالك - ابيض - احمر - فضى

    و على 92000 الف بس بعد الفصال و ممكن اقل كمان حسب شطارتك فى الفصال لان السوق مريح اليومين دول بس حسس بتاع المبيعات انك كاشاتك جاهزة و لو مزبطتكش حتخلص مع الفرع التانى
    و من الاخر روح لاستاذ محسن صالح مدير المبيعات الى فى الصحراوى الراجل بيجيب من الاخر و بيخلص


    بالنسبة للفيرانى بتاع الجين هو فاتح مش فيرانى قوى يعتبر فضى غامق ( مش زى الفيرانى بتاع الفليونس )

    العربية فعلا متميزة جدا و سواقتها متعة حقيقية و الفرامل بس عايزة تكون رجلك تقيلة شوية ( مش باللمس ) و بتقف تمام

    Comment


    • #3
      مبروك مقدمآ ..... أنا كمان ناوى على جينا بس مستنى لحد ما الأوضاع فى البلد تستقر .
      أحيك لأنك قمت بالبحث من خلال النت قبل الشراء و دى حاجة مابيعملهاش معظم المصريين اللى بيشتروا يا أما بالسمع أو حسب كلام التجار أو بالشكل وبس ودة نتيجة لقلة الوعى و الثقافة
      يا سلام لو كل واحد عمل search على العربية اللى بيفكر فيها قبل مايشتريها .... مكنتش هتلاقى حد بيشترى لا الهيونداى ولا كيا ولا الشيفرولية لأن دى عربيات شكل عالفاضى و مابيتوافرش فيها لاعوامل الأمان ولا الصاج القوى وكل دة موجود فى الجين 2 اللى فعلآ بتعتبر عربية بمواصفات أوروبية لكن صناعة ماليزية
      بالنسبة للون .... أنا عجبنى أوى السيلفر بس دة مايمنعش أنى معجب جدآ بالأسود بس السيلفر عملى أكتر لأنة مابيمتصش حرارة الشمس ومش بيبان فية التراب زى الأسود ولا أنت أية رأيك ؟

      Comment


      • #4
        المشاركة الأصلية كتبت بواسطة ghosts مشاهدة المشاركة
        مبروك مقدمآ ..... أنا كمان ناوى على جينا بس مستنى لحد ما الأوضاع فى البلد تستقر .
        أحيك لأنك قمت بالبحث من خلال النت قبل الشراء و دى حاجة مابيعملهاش معظم المصريين اللى بيشتروا يا أما بالسمع أو حسب كلام التجار أو بالشكل وبس ودة نتيجة لقلة الوعى و الثقافة
        يا سلام لو كل واحد عمل search على العربية اللى بيفكر فيها قبل مايشتريها .... مكنتش هتلاقى حد بيشترى لا الهيونداى ولا كيا ولا الشيفرولية لأن دى عربيات شكل عالفاضى و مابيتوافرش فيها لاعوامل الأمان ولا الصاج القوى وكل دة موجود فى الجين 2 اللى فعلآ بتعتبر عربية بمواصفات أوروبية لكن صناعة ماليزية
        بالنسبة للون .... أنا عجبنى أوى السيلفر بس دة مايمنعش أنى معجب جدآ بالأسود بس السيلفر عملى أكتر لأنة مابيمتصش حرارة الشمس ومش بيبان فية التراب زى الأسود ولا أنت أية رأيك ؟

        شكرا اولا على الرد و احب اقولك انا مش بس عملت بحث قبل الشراء داه انا عملت بحث قبل الأكل و بعده كمان انا بقرا هنا و الله يمكن بقالى اكتر من سنة و نص انا كان معايا واحد صاحبى و انا بشوف العربية كنت بسمعله الكلام اللى قريته او بمعنى اصح حفظته عن العربية كان بيستغرب انى ازاى عارف كل ده عن العربية لسة ماركبتهاش و لما قولتله دا انا بقرا عليها كل المدة ديه قالى يبقى لازم تشتريها

        كلامك صح فى موضوع اللون اكيد الاسود بيلم تراب و بيسخن عن اى لون تانى بس بصراحة اللون دا حكاية عليها بالذات مع الفوانيس السموك (اللى و اخدة طبقة لون اسود من جوة) و بعدين بصراحة حاسس ان الاسود الميتاليك ده اول مرة ينزل لانى شوفت جين اسود قبل كده بس بحس االلون بيكون مطفى (مش عارف بصراحة اذا كان لون جديد و لا علشان العربية لسة جديدة فاللون بيلمع مش زى الاسود اللى بشوفه فى الشارع و دى الخبراء هنا ممكن يوضحوا) و بصراحة حاسس ان الاسود هيكون ماشى اكتر من الفرش و لون الطابلوه عن اى لون تانى

        اما بحضوض السيلفر اكيد برده التراب هيبان بس مش زى الاسود لانك فى النهاية فى مصر كل حاجة بيجيى عليها تراب حتى لو عربية شفافة و اكيد برده مش بتمتص الحرارة زى الاسود بس برده الجو حر قوى و كله بيسخن اما بقى لانك برده لسة فى مصر فالكيد العربية عاجلا ام اجلا هيحصل فبها خرابيش او حكات بسيطة و اللون ممكن يطلع و فى الحالة دى اعتقد الاسود هيكون افضل

        Comment


        • #5
          الف مبروك مقدما
          ولو المندوب في المصرية قالك هتستلم في ساعتها يببقى اتكل على الله ولو قالك هتستنى يبقى استنى احسن وهات من التوكيل
          وبما انك معجب بالايروداينامك بتاعت العربية يبقى انصحك بالمانوال لانها بتفرق كتير في الجري عن الاوتو
          eng f3lix سابقا

          Comment


          • #6
            الاسود بيبان ى الحك اكتر من السيلفر
            ياريت تشوف اللون الابيض - هايل!!

            Comment


            • #7
              علي فكره انا كمان ككان بقالي بتاع سنتين بقراء عن العربيه دي والحمد لله ربنا كرمني بيها وفعلا العربيه دي بكون عايز اخلص شغل بدري عشان اركبها كل يوم انا عربيتي نبيتي وبرضه التراب بيبان فيها فهات اي لون يعجبك كده كده هيبان
              وفعلا اللو الابيض تحفه عليها انا شفتها وكان مركب فوانيس ليدات شكل العربيه جامد جدا وربنا يوفقك
              [CENTER]سبحان الله وبحمده.. سبحان الله العظيم[/CENTER]
              [CENTER][img3]http://img43.imageshack.us/img43/1345/hyh.gif[/img3][/CENTER]
              [CENTER][img3]http://store2.up-00.com/Mar11/HOh11991.jpg[/img3][/CENTER]

              Comment


              • #8
                ده اللون الابيض

                Comment


                • #9
                  السلام عليكم،

                  الأبيض معظم اللي راكب جن بيقول عليه إن جامد أوي بس لما بشوف في الصور، مش بحس جامد أوي، مش عارف كمان أشوفو في الشارع خالص عشان الواحد يحكم عليها.
                  [Ihttp://www.eldoros.com/ads/banner.gif[/IMG]

                  Comment


                  • #10
                    المشاركة الأصلية كتبت بواسطة mustafa_farouk مشاهدة المشاركة
                    السلام عليكم،

                    الأبيض معظم اللي راكب جن بيقول عليه إن جامد أوي بس لما بشوف في الصور، مش بحس جامد أوي، مش عارف كمان أشوفو في الشارع خالص عشان الواحد يحكم عليها.
                    كابتن !!!! خليك فى عربيتك لو سمحت :)))))
                    [sor2]http://img534.imageshack.us/img534/7595/resize63.jpg[/sor2]

                    Comment


                    • #11
                      الابيض جميل اوي خصوصا لو جنوط اسود لانه نادر اوي في العربية دي
                      eng f3lix سابقا

                      Comment


                      • #12
                        المشاركة الأصلية كتبت بواسطة mido_soliman مشاهدة المشاركة
                        كابتن !!!! خليك فى عربيتك لو سمحت :)))))
                        قصدك على الجن يعني :P
                        [Ihttp://www.eldoros.com/ads/banner.gif[/IMG]

                        Comment


                        • #13
                          عشان محدش يضحك عليك مفيش جين 2 في مصر اتو الا فضي واسود وقطع قليلة كمان ومفيش ولا عربية جين 2 اوتو نازلة مصر قبل نص 7 ولا اول 8
                          الكلام ده اكيد وعلي مسئوليتي الشخصية من توكيل الصحراوي وتوكيل المنصورة
                          انا كنت ناوي وكنت هموت علي اللون الاحمر بس اضطريت احجز فضي وهستلم الاسبوع الجاي ان شاء الله

                          Comment


                          • #14
                            المشاركة الأصلية كتبت بواسطة manshe80 مشاهدة المشاركة
                            عشان محدش يضحك عليك مفيش جين 2 في مصر اتو الا فضي واسود وقطع قليلة كمان ومفيش ولا عربية جين 2 اوتو نازلة مصر قبل نص 7 ولا اول 8
                            الكلام ده اكيد وعلي مسئوليتي الشخصية من توكيل الصحراوي وتوكيل المنصورة
                            انا كنت ناوي وكنت هموت علي اللون الاحمر بس اضطريت احجز فضي وهستلم الاسبوع الجاي ان شاء الله
                            طب يا باشا ليه مش هتنزل تعرف ايه السبب يعنى مممكن الشمل فى حاجة هتغيير و لا حاجة علشان لو كده هستنى

                            Comment


                            • #15
                              المشاركة الأصلية كتبت بواسطة felix مشاهدة المشاركة
                              الف مبروك مقدما
                              ولو المندوب في المصرية قالك هتستلم في ساعتها يببقى اتكل على الله ولو قالك هتستنى يبقى استنى احسن وهات من التوكيل
                              وبما انك معجب بالايروداينامك بتاعت العربية يبقى انصحك بالمانوال لانها بتفرق كتير في الجري عن الاوتو

                              بس هو قالى انى لو حجزت معاه يجبهالى تانى يوم

                              اما بخصوص الأيردينامك انا اكيد معجب بس موضوع المانيوال ده بصراحة ماقدؤش استحميله لان مشوار شغلى كبير كل يوم تقدر تقول من اول اكتوبر كده من مدينة نصر لحد اخره عند نادى الصيد

                              انا عندى سؤال تانى هو لو انا خلصت مثلا مع المصرية اعرف ازاى ان العربية 2011 مش 2010 لان تقريبا الشكل الواحد و فى ناس صحابى مخوافنى من المصرية ده حتى قولتلهم هعرف من الورق قالوا ممكن يكون مزرور

                              Comment

                              Working...
                              X