محتااار جدا ( لملاك جين 2 )

[CryptonX]

الفرق الي هو 26 الف جنيه بين الايفو اعلى فئة و جين 2 اوتو في الاتي علشان انجزلك :

- فرق تصميم . دي عربية صممت سنة 2004 (الجين2) و دي عربية صممت في 2009 (الايفو)
- فرق خامات داخلية . الايفو خاماتها جيدة جدا من الداخل و ناعمة الملمس و تحسها تستحمل كدة . الجين 2 خاماتها اقل من متوسط .. لاهي صيني حتطلع في ايدك يعني ولا هي زي الاوروبي طبعا.
- فتيس احسن بمــــــراحل من فتيس الجين 2 و في نقل سرعات من خلف الدركسيون
- هدوء المحرك وانت جو العربية ... العزل الخارجي جيد جدا , عزل المحرك كويس بس السبب ان المحرك مبيعملش حاجة اوي يعني lol
- كماليات زيادة كويسة جدا ( بلوتوث - ستارت ستوب - شوية حاجات تكنولوجيا في الاضاءة و خلافه - )
- توكيل زبالة ( اوماطرة ) و على فكرة انا معايا لستة قطع غيار بروتون الاصلية و في معظم الحاجات هي ارخص بكتير من الايفو !
- تسارع غير مقبول و محرك غير مقبول نهائي لي شخصيا بس توفير بنزين اكتر بكتير من الجين 2
- تكييف ينفع يشتغل باليل بس :) ملوش اي لازمة في عز الشمس ! ( برده تجربة شخصية )
- الايفو اضيق من الجين 2 في الامام و في الخلف
- ثبات الايفو ممتاز لهذه الفئة بس الجين2 بصراحة احسن !
- محرك الجين 2 اكيد اقوى بكتير في التسارع و في السفر و في كل حاجة !
- سهولة العثور على قطع غيار للجين 2 خارج التوكيل .. صعب حاليا في الايفو ومش حتبقى بنفس الكمية

فلو مستعد تضحي بالحاجات دي و تاخد الكام نقطة السلبيبة معاهم دول .. هات الايفو .
مش فارق معاك النقط دي . هات الجين 2 .

[JUVENTUS]

تحياتى ليك يا استاذ juventus
لولا اختلاف الاذواق لبارت السلع
انا معاك ان اوبشن الايفو اعلى وخامات التقفيل الداخليه اعلى بس دة لا يعنى الاستغناء عن
قوة الماتور
وسع السيارة
شكل السيارة المتميز اللى ساعدها على الانتشار
وكيلها المحترم
فرق السعر اللى بين السيارتين
سعر اعادة البيع

بالضبط كده يا فندم هي مسألة ازواق او انت ايه الامكانات اللي تناسبك و انت عايزها
ممكن واحد بيحب الجري شوية هتعجبه الجين 2 اكتر و ممكن واحد مش هامه السحب و قوة الموتور اوي في سبيل الاوبشنز اللي في الايفو و هكذا و كل واحد بيحسبها على حسب احتياجاته

[bahernor]

اظن لصاحب الموضوع tttottti
احنا كدة فصصنالك العربيتين وعيوب ومميزات كل واحدة وانت عليك تختار انت محتاج ايه وانى فئة سعرية وتركب على
طوووووووووووووووووووووووووووووووول

[tttottti]

يا جماعة والله ماعارف اقولكم اية ده كده كتير والله وانا انشاء الله استقريت على جين 2 ادعولى بقى :)

[bahernor]

مبروووووك مقدما يا سيدى وربنا يحفظهالك