اللى يعيش ياما يشوف

[tttottti]

هههههههههه طبعا انتوا مستغربين من الكلام ده بس انا حقلكم اللى سمعتوا انا طبعا حاطط موضوع انى محتار بين الايفو والجين فلقيت الحاج طالع من صلاه العشاء بيقولى ايية ..... بيقولى على فكرة يا احمد يابنى قلتله اؤمرنى يا حاج ؟ قالى انا سألت واحد صاحبى بعد الصلاه وقلتلة اية رأيك فى الجين 2 ؟

تخيلوا كده الراجل قاله اية !!! قاله لالالالالالا بلاااااااااااش ف الحاج بيقوله لية يا عم الحاج بلاش لية قالة عشان دى اخر سنة حتنزل فيها الجين 2 ومش حتنزل تانى فبالتالى قطع غيارها مش حتكون موجودة يا سبحااااان الله انا سمعت الخبر ده من هنا موت عللى نفسى من الضحك اية رأيكم يمكن انا اللى مش فاهم ولا حاجة القرار ده صح ولا اية ؟؟؟ D:

[eng.m7md.ali]

هههههههههههههههه للاسف نفس الكلام اللي اتقلي قبل ماجيب عربيتي خلاني اصرف نظر عنها

[Raul_7]

هو شكلها هيتغير في 2012 بس ده بره, مصر مش قبل سنتين كمان في الغالب. وحتى لما الشكل الجديد ينزل أكيد انتشار العربية العالي في مصر مش هيسمح بأن قطع الغيار تقل أصلا.

[tttottti]

يعنى الكلام ده مش صح مش كدة ؟

[Nistelrooy]

هههههههههههه لا تعليق !!

[ahmed_h_g]

لا طبعا"
قطع الغيار هتفضل موجوده طول ما العربيه موجوده
هتختفى لما الأنسان هينقرض

[MOUSTAFA_SAAD]

لا طبعا"
قطع الغيار هتفضل موجوده طول ما العربيه موجوده
هتختفى لما الأنسان هينقرض

+11111111

[P_R_I_N_C_E]

لا طبعا"
قطع الغيار هتفضل موجوده طول ما العربيه موجوده
هتختفى لما الأنسان هينقرض

ههههههههههههههههههههههههههههه

[Esam Mosaad]

طب منا عربيتى اتوقفت صنعها من 2003 وقطع الغيار موجوده
ايه المشكله
المهم الشركه نفسها متسمعش فى يوم انها قفلت ولا فلست

[alaasaid]

السلام عليكم ,

مفيش علاقة بين توقف موديل العربية و تصنيع قطع الغيار , و فى عربيات من السبعينات و ليها قطع غيار لحد دلوقتى , و بالتوفيق ان شاء الله فى القرار .

[Ghosts]

هو صديق الحاج جاب المعلومة دى منين أصلآ ؟؟؟؟؟؟؟؟
هل الكلام دة أتكتب فى الجرايد أو على النت ؟؟؟؟؟؟؟
ياريت اللى يعرف يقولنا على مصدر معلوماتة ......

[tamerosman]

هو شكلها هيتغير في 2012 بس ده بره, مصر مش قبل سنتين كمان في الغالب. وحتى لما الشكل الجديد ينزل أكيد انتشار العربية العالي في مصر مش هيسمح بأن قطع الغيار تقل أصلا.

الشكل الحالى مش هيتغير فى 2012 و ممكن يتغير فى 2013 بدليل الاتى :

1- احنا فى شهر 6 و لو فى شكل جديد هينزل فى 2012 لا زم الدعاية بتاعته تبتدى بره من دلوقت علشان الناس تحجزه ( دى فى اى بلد فى العالم غير مصر طبعا)

2- انا دورت على النت و على جوجل و كتبت gen 2 model 2012& gen2 new shape و كل الى كان بيظهر كنتيجة للبحث الفيس ليفت بتاع 2009

3- ما فيش اى صور تجسسسية لاى شكل جديد على النت ( الالنترا 2012 كان عندى صور تجسسية ليها من على النت من شهر 12/2009 )

الاوكتافيا الشكل الجديد الى هي هينزل فى 2013 صورها التجسسية موجودة على النت من 6 شهور و كذلك الجولف الشكل الجديد الى هينزل فى 2013

يعنى لو كان فيه شكل جديد هينزل 2012 كان زمان صوره مليه النت علشان موديل السنة الجديدة فى كل دول العالم ما عدا مصر بيبتدى ينزل فى النصف التانى من السنة الى قبلها

انا كنت راكب مازدا 3 موديل 2005 فى دبى و كنت مستلمها فى شهر ابريل سنة 2004 و كانت معروضة من شهر 3/2004 و هى موديل 2005

[Ghosts]

الشكل الحالى مش هيتغير فى 2012 و ممكن يتغير فى 2013 بدليل الاتى :

1- احنا فى شهر 6 و لو فى شكل جديد هينزل فى 2012 لا زم الدعاية بتاعته تبتدى بره من دلوقت علشان الناس تحجزه ( دى فى اى بلد فى العالم غير مصر طبعا)

2- انا دورت على النت و على جوجل و كتبت gen 2 model 2012& gen2 new shape و كل الى كان بيظهر كنتيجة للبحث الفيس ليفت بتاع 2009

3- ما فيش اى صور تجسسسية لاى شكل جديد على النت ( الالنترا 2012 كان عندى صور تجسسية ليها من على النت من شهر 12/2009 )

الاوكتافيا الشكل الجديد الى هي هينزل فى 2013 صورها التجسسية موجودة على النت من 6 شهور و كذلك الجولف الشكل الجديد الى هينزل فى 2013

يعنى لو كان فيه شكل جديد هينزل 2012 كان زمان صوره مليه النت علشان موديل السنة الجديدة فى كل دول العالم ما عدا مصر بيبتدى ينزل فى النصف التانى من السنة الى قبلها

انا كنت راكب مازدا 3 موديل 2005 فى دبى و كنت مستلمها فى شهر ابريل سنة 2004 و كانت معروضة من شهر 3/2004 و هى موديل 2005

أحيك على هذة المشاركة الرائعة

[Ahmed.Ali]

فعلا الجين2 هتتغير في ماليزيا من اول 2012 بس هل اولها ولا اخرها معرفش و مصر بينزلها الدركسيون اليمين بعدها بسنه فمتقلقش خالص من موضوع تغير الشكل دا

[mememsaid]

زي مانت قلت
اللي يعيش ياما يشوف