صوت مع الفرمله فى الساجا

[dahy911]

السلام عليكم ورحمة الله وبركاته

الحمدلله العربيه ماشيه كويس بفضل الله بس فى صوت بيحصل ما افرمل واقف العربيه تبقى فى حالة ثبات

بحس بالطنابير الاماميه صوت خشين تششششششششك مش فاهم الصوت ده لو حد يفدينى عشان انا مش فاهم حاجه


جزاكم الله خيراُ

[mido_soliman]

العربية عاملة كام كيلو ومانوال ولا اوتو ؟؟؟

[dahy911]

6500
اتوماتيك

[أبومعاذ]

عيب سواق واضحة أوي

[mememsaid]

اشرحلي الصوت بتوضيح اكتير
وبما ان العريه لسه عامله 6500 فا هيبقي صعب انه يكون تيل خلص
ولو الصوت عندك بيحصلو وانت موقف العربيه وحتطها علي الd ويادوب هتمشي وطلعت العربيه كام سنتيمتر ووقفت تاني يبقي ده صوت عادي وفي كل الموديلات الاوتوماتيك

[dahy911]

بالظبط وبحس انى بسمعه انى لو على d ودايس على الفرامل وبلف الدريكسون بيسمع شويه برده تفتكر ده عادى
ربنا يكرمك يا معلم بس العربيه بعد اتغسلت بدأ احس بيه اكتر واسمعه اكتر شويه

[أبومعاذ]

على فكرة انت مقلتليش ان الصوت بيطلع وانت بتسيب فرامل و بتبدأ تتحرك؟! لو كدا فدا صوت عادي زي ما الأستاذ محمد سعيد قالك لكن لو الصوت بيظهر مع الفرملة ونت ماشي يبقى جرب الاول تعمل الطنابير بالهوا و شوف الصوت هيروح ولا لأ

[sayed911]

الصوت عادي جدا عند بدء الحركة يا فندم ..

[mixd99999]

الصوت عادي وفي كل الاوتوماتيك ليه بقى....... انتا واقف ورجلك على الفرامل بس مش ضاغط اوي عليها وجبت الدي كده عندك قوتين مع بعض السلانسيه بتاع الدي والعربية عايزة تمشي والفرامل اللي اتا دايس عليها ومش ضاغط اوي تبتدي تسمع حاجات غريبة هيا تتحس اكتر منها تتسمع على فكرة ماتقلقش خالص
عارف لو كنت مانيوال كنا ممكن نشك في منظومة الفرامل بس هوا الاوتو كده
انا شايف انها مش قصة ولا اي حاجة وخايف كام عضو يخش يقرا الموضوع يقولك الساجا الفرامل بتاعتها وحشة والكلام ده اللي بيطلع على العربية

[dahy911]

جزاكم الله خيرا لا الفرامل وانا على سرعه بفضل الله كويسه ومبحسش بحاجه انا بتكلم انى لو هوصل لحاله الثبات يعنى قبل ما طب وبدوس على الفرامل للاخير بسمع الصوت وهو كمان احساس فى الدريكسون من كتير قفشه الفرامل بسمع الصوت ( اللى هو شبه التزيقيه)
بس لكن انا ماشى وبهدى السرعه مفيش مشاكل والفرامل الحمدلله كويسه

[Shehab1337]

جزاكم الله خيرا لا الفرامل وانا على سرعه بفضل الله كويسه ومبحسش بحاجه انا بتكلم انى لو هوصل لحاله الثبات يعنى قبل ما طب وبدوس على الفرامل للاخير بسمع الصوت وهو كمان احساس فى الدريكسون من كتير قفشه الفرامل بسمع الصوت ( اللى هو شبه التزيقيه)
بس لكن انا ماشى وبهدى السرعه مفيش مشاكل والفرامل الحمدلله كويسه

انا معرفش عربيتك فيها اي بي اس ولا لا

بس انا معايا جين 2 و لو دوست علي الفرامل مرة واحدة طبعا الابس بيشتغل او لو في رملا علي الارض او اي حاجة تزحلئ العربية عاشان هوا مانع انزلاق.

ال abs لما يشتغل بيعمل رعشة بسيطة اوي اوي في الدركسيون و رعشة في دواسة الفرامل و بيطلع صوت طررررررررررررررررررررر.

فراملك مفيهاش حاجة.