هى دى سلبية منى وللا اية ؟

[SEABOY]

السلام عليكم

يوم الخميس اللى فات العربية اتخبطت والحمد لله على كل شىء طبعا بس انا اتدايئت شوية أوى مش عارف لية مع انى مقتنع ان الخبطات دى خيير حاجة بدل حاجة
المهم جية ضابط وعمل محضر بالواقعة ومضيت علية بعد طبعا ما قريت المحضر كلة ودة حقك
المهم قلنا نروح القسم نخلص المحضر هناك بس من جوايا مكونتش عاوز محضر ولا حاجة خصوصا عربيت الراجل اللى خبطنى تاكسى من الابيض واتبهدلت على الاخر
المهم قولتلة مش عاوز محضر ولا حاجة ويالا امشى اتوكل على الله
الراجل دعالى بصراحة بس مش عارف اللى عملتة دة صح وللا اية عشان كل محكى لحد يقوللى سيبتة لية المفرووض كنت تييييييييت والحاجات دى

ودى صورة عربيتى بعد الخبطة طبعا

[alaasaid]

أولا : قدر الله و ما شاء فعل و الحمد الله انك بخير بدون اصابات و من شيم الكرام العفو عند المقدرة , بس لو حضرتك مأمن على العربية و الخبطة كبيرة و هتتكلف أعتقد لازم محضر و الله أعلم

ربنا يعوض عليك خير و يكفيك شر الطريق .

[tamer_m_selim]

اطمن يا اخي حصلت معايا الخبطه ديه قبل كده وهتكلفك من 300 الى 500 ج
بالدهان بكل حاجه وهترجع زي الاول بالظبط ولا هتعرف تفرق الدهان خالص والحمد لله

[SEABOY]

أولا : قدر الله و ما شاء فعل و الحمد الله انك بخير بدون اصابات و من شيم الكرام العفو عند المقدرة , بس لو حضرتك مأمن على العربية و الخبطة كبيرة و هتتكلف أعتقد لازم محضر و الله أعلم

ربنا يعوض عليك خير و يكفيك شر الطريق .

فعلا الحمد لله على كل شىء وشكرا لك اخى على ردك وبصراحة انا مش مقتنع بحكاية التأمين دى اساسا فا مش مأمن عليها ولا حاجة

اطمن يا اخي حصلت معايا الخبطه ديه قبل كده وهتكلفك من 300 الى 500 ج
بالدهان بكل حاجه وهترجع زي الاول بالظبط ولا هتعرف تفرق الدهان خالص والحمد لله

الله يطمنك اخى وانا رحت عملتا على البارد من غير حرق قلت مش عاوز الرش وكدة وحستنا لمل الاقى رفرف بتاع واحدة تانية اركبة احسن

[Nistelrooy]

قدر الله وما شاء فعل يا باشا ..

بس انتا عارف لو العكس بتوع التوكسة دولت !! ( بس مش كلهم طبعاً )

يعني انا شايف راجل كبير حك في تكسي حكة بسيطة خربشلة الرفرف وخرج من مكانة حاجة بسيطة .. يانهار ابيض ع الي عاملو بتاع التاكسي ووقف الطريق وجاب الظابط .. وكانت ليلة ..

[koheya]

اكيد الى انت عملتة صح وربنا يجعلة فى ميزان حسناتك.

[sosofree]

صح طبعا

اللى انتا عملته صح جدا بس انا كنت عاوز اعرف لو الخبطه كانت اكبر من كده او سواق التاكسى نزل قل ادبه ومش عاجبه المفروض الصح اعمل ايه علشان احفظ حقى
احرك العربيه على جنب لحد ما يجى الضابط ولا لازم اسيبها فى مكانها وبعدين المحضر ده اخره هاخد تعويض ولا هيحصل فيه ايه

[kimotop]

السلام عليكم

بص يا جميل هي وجهة نظر شخصية
لو السواق مكنش قصده و اعتذر وحسيت انه فعلا محترم وانت سامحته وقادر تجيب حقك فان شاء الله اجرك كبير عند ربنا
لو السواق مكنش قصده بس عمل فيها صايع و قعد يحاول يركبك انت الغلط فخلاص نعمل محضر ونشوف الغلط عند مين
لو السواق طلع قليل الادب ونفض ومعرفتش تجيبه او تلحقه فهي جملة واحدة بس تجيبلك حقك " حسبي الله ونعم الوكيل "

في النهاية العفو عند المقدرة شيم الكرماء وان شاء الله ربنا يعوض عليك بس انت حاول متزعلش نفسك على خير عملته ولا تسمع كلام الناس الي بتقولك كنت عملت فيه كذا وكذا لان المسلم مش كدا المسلم بياخد حقه لكن لو عفى عنه واستعوض ربنا فاكيد هيتعوض

وجزاك الله خيرا

[أبومعاذ]

معلش ربنا يجيرك في مصيبتك و يخلف عليك خيرا منها و اللي انت عملته دا خير وربنا يجازيك عليه

[SEABOY]

قدر الله وما شاء فعل يا باشا ..

بس انتا عارف لو العكس بتوع التوكسة دولت !! ( بس مش كلهم طبعاً )

يعني انا شايف راجل كبير حك في تكسي حكة بسيطة خربشلة الرفرف وخرج من مكانة حاجة بسيطة .. يانهار ابيض ع الي عاملو بتاع التاكسي ووقف الطريق وجاب الظابط .. وكانت ليلة ..

بصراحة الراجل كان مؤدب وعشان كدة كنت مستريح فى الموضوع دة
والحمد لله على كل شىء

اكيد الى انت عملتة صح وربنا يجعلة فى ميزان حسناتك.

طيب الحمد لله ومسمعتش كلام حد

اللى انتا عملته صح جدا بس انا كنت عاوز اعرف لو الخبطه كانت اكبر من كده او سواق التاكسى نزل قل ادبه ومش عاجبه المفروض الصح اعمل ايه علشان احفظ حقى
احرك العربيه على جنب لحد ما يجى الضابط ولا لازم اسيبها فى مكانها وبعدين المحضر ده اخره هاخد تعويض ولا هيحصل فيه ايه

الصح انك تسيب العربية مكانها لحد الضابط ما ييجى ويعمل رسم للحادثة وبرضة انت تصور الحادثة ومتحركش العربية
بالنسبة للمحضر مش عارف حتاخد حقك وللا لآ بس هو لو راجل رخم يبقى انت حتظبطة بالقضية لو هو غلطان

السلام عليكم

بص يا جميل هي وجهة نظر شخصية
لو السواق مكنش قصده و اعتذر وحسيت انه فعلا محترم وانت سامحته وقادر تجيب حقك فان شاء الله اجرك كبير عند ربنا
لو السواق مكنش قصده بس عمل فيها صايع و قعد يحاول يركبك انت الغلط فخلاص نعمل محضر ونشوف الغلط عند مين
لو السواق طلع قليل الادب ونفض ومعرفتش تجيبه او تلحقه فهي جملة واحدة بس تجيبلك حقك " حسبي الله ونعم الوكيل "

في النهاية العفو عند المقدرة شيم الكرماء وان شاء الله ربنا يعوض عليك بس انت حاول متزعلش نفسك على خير عملته ولا تسمع كلام الناس الي بتقولك كنت عملت فيه كذا وكذا لان المسلم مش كدا المسلم بياخد حقه لكن لو عفى عنه واستعوض ربنا فاكيد هيتعوض

وجزاك الله خيرا

هو كان اول اختيار حضرتك ذكرتة والحمد لله على كل شىء وبصراحة ربنا سهلى تظبيط العربية تانى أوى الحمد لله

معلش ربنا يجيرك في مصيبتك و يخلف عليك خيرا منها و اللي انت عملته دا خير وربنا يجازيك عليه

أمين يا رب وشكرا ليك اخى

[SEABOY]

انا عملت العربية وبصراحة انا مردتش اجيب الرفرف من التوكيل لسبب انهم قالو الرفرف حيترش وانا مش عاوز ارش حاجة فى العربية دلوقتى وعاوز رفرف بتاع عربية او لو لقيت واحد استيراد ونفس اللون دى الحالة اللى عاوز اعير فيها الرفرف

بس عملت العربية وقولولى رأيكم اية
الصور دى ورا بعد يعنى صورة العربية بعد الحادثة وبعديها صورة العربية بعد التظبيط على البارد وبعديها قلت اجرب الموضوع بتاع الورق دة كان نفسى اعمل العربية كلها من النوع دة ولو لقيتة رش حروشة كلها

[spiderloking]

حلو جدا بس لو تعرف تعرف العربيه كلها هيكون احسن و شكلها اشيك كتير حتي الاسود الماط طالع موضه

[أبومعاذ]

ألف مبروك التصليح و هي جميلة ما شاء الله بس اللصق دا أعتقد هيأثر على دهان العربية لو جيت تشيله