ياجماعة محتاج رأيكم بسرعة

[battot_2010]

انا كنت حاجز جين 2 2011 من معرض ودفعت نص التمن ورحت امبترح عشان ادفع الباقى واخد العربية لقيت فيها شوية خرابيش مع انى ماشفتهاش قبل كدة المهم قعدت اتكلم مع الراجل قاللى كل اللى هاقدر اعمله انى انزل 350 جنيه وانا كنت واخدها ب 92000
مش عارف اعمل ايه الفكرة انى كمان عملت التامين معاهم وكدة لو لغيت هيلبسونى فى الوثيقة ديه ولا ايه
ولو اخدتها كدة ممكن تتكلف كام او عملتها فى التوكيل
بجد محتاج رأيكم اوى والصور انا رافعها عشان تحكموا
شكرا














تم إظهار الصور بواسطتي

مشرف 1ب

[Nistelrooy]

ماتخدهاش انت لسة جايب عربية زيرو علشان تروح التوكيل تاني يوم او اي مكان علشان تعمل الخرابيش ..

الخرابيش مش واضحة في الصورة كويس علشان انعكاس الضوء بس شكلها في حتت مختلفة في العربية ..

ماتخدش العربية وقولهم هاخد عربية تاني او استني دفعة تانية او اشتكي بقي وده حلك الاخير واعتقد فية ورقة بنستلمها وتمضي عليها انك استلمت العربية فيها كل حاجة الكوريك كتيب الضمان .. الخ وخالية من الخرابيش او من عيوب ..


---------
وسؤال هو العرض كدا طبيعي في الصورة التالتة بين الرفرف والكبوت ..

[battot_2010]

انا بصراحة مش عارف الفرق بين الكبوت والرفرف ده عادى ولا ده كدة غريب
ولو كدة هيرجعولى فلوس الوثيقة كاملة والمقدم ولا هيعدوا يقرفونى بقى وكدة عشان اخد الفلوس
وانا مامضيتش على ورق لسة ولا اى حاجة مفيش غير الوصولات اللى دفعت بيها معايا

[Nistelrooy]

استني رائي الخبراء في موضوع المعارض ده لاني الصراحة ماعرفش ..

[ahmed_h_g]

المفروض لو بتشترى عربيه زيرو تستلمها زيرو يعنى مفيهاش خدش

[Ghosts]

ماتخدهاش انت لسة جايب عربية زيرو علشان تروح التوكيل تاني يوم او اي مكان علشان تعمل الخرابيش ..

الخرابيش مش واضحة في الصورة كويس علشان انعكاس الضوء بس شكلها في حتت مختلفة في العربية ..

ماتخدش العربية وقولهم هاخد عربية تاني او استني دفعة تانية او اشتكي بقي وده حلك الاخير واعتقد فية ورقة بنستلمها وتمضي عليها انك استلمت العربية فيها كل حاجة الكوريك كتيب الضمان .. الخ وخالية من الخرابيش او من عيوب ..


---------
وسؤال هو العرض كدا طبيعي في الصورة التالتة بين الرفرف والكبوت ..

الراجل دة بيتكلم صح

[prohossam]

متاخدهاش طبعا واستنى

[sayed911]

اتصل بشركة التأمين واسئل هل ممكن تحول الوثيقة برقم ماتور وشاسيت تاني ؟ لو اه يبقى انتظر بقى عربية تانية فعلا .. لكن لو لأ انا من رأيي مفيش عربية مش بتتخرش في مصر فشوف حلولك معاهم ايه ..

[battot_2010]

طب هو الفرق بين الكبوت والرفرف ده طبيعى؟؟؟
انا خايف لحسن يكون فيها حاجة وعلى فكرة هى ماشية 84 كم بالضبظ

[sayed911]

هوة يمكن عشان انتا عامل زووم ومقرب الصورة قوي باين الفرق ده ولكن انتا ليك انك تفتح الكبوت لو مقلق وشوف شكل البوية طبيعي ولأ لأنه اكيد الواحد مش ها يروح يستلم العربية ومعاه سمكري وهي كمان زيرو !! ولو مقلق منهم كمان خليهم يدولك ورقة انه العربية خارجة من عندهم زيرو متعملش فيها اي نوع من انوع شغل السمكرة بتاتا !!

[drmsadek1979]

لو انا مكانك عمري ما استلمها بالمنظر ده

[mido_soliman]

سؤالين بس
انت لية استلمت عربية من معرض ما اخدتهاش من الوكيل لية اضمن والله يا اخى المعارض دى انا بترعب منها ومستحيل افكر اشترى عربية زيرو الا من وكيلها على طول
هوة المعرض دة فين ؟؟؟؟
عموما انا شايف انك متستلمهاش لان الخربشة اللى فى الوش النيكل دى غبية اوى وواضح انة واحد حيوان كان بيرسم بمفاتيحة عليها
وزى ما قال سامح انا شاكك فى الفرق بتاع الكبوت دة كمان لان بيتهيالى عندى مش كدة الا لو الصورة دى والكبوت مفتوح وبردة يمكن من الزوم الله اعلم
خليك فى الامان ومتستلمهاش خد فلوسك واطلع على الوكيل اريحلك مليون مرة

[epzomata]

لا فعلا الفرق اللى بين الكبوت و الرفرف ده مش طبيعى خالص....
ياريت ماتستلمهاش.....

[midosalah]

رأى الشخصى حضرتك دافع حوالة 90 الف جنية وده مبلغ مش قليل علشان تشترى راحة بالك وتركب زيرو
بالتالى كون ان حضرتك تعمل الموضوع ده وتبقى فى الحيرة دى وانت لسه مستلمتش يبقى بلاش منها أحسن
يا تستلم عربية تانية يا تجيب من التوكيل والتأمين أظن انك لو كلمتهم وقولتلهم انك مش هتستلم العربية ممكن يغيرو الوثيقة

[battot_2010]

سؤالين بس
انت لية استلمت عربية من معرض ما اخدتهاش من الوكيل لية اضمن والله يا اخى المعارض دى انا بترعب منها ومستحيل افكر اشترى عربية زيرو الا من وكيلها على طول
هوة المعرض دة فين ؟؟؟؟
عموما انا شايف انك متستلمهاش لان الخربشة اللى فى الوش النيكل دى غبية اوى وواضح انة واحد حيوان كان بيرسم بمفاتيحة عليها
وزى ما قال سامح انا شاكك فى الفرق بتاع الكبوت دة كمان لان بيتهيالى عندى مش كدة الا لو الصورة دى والكبوت مفتوح وبردة يمكن من الزوم الله اعلم
خليك فى الامان ومتستلمهاش خد فلوسك واطلع على الوكيل اريحلك مليون مرة

انا متشكر جدا على الرد المعرض ده اباظة اوتو ومتهيألى ده موزع بروتون
انا بس كنت مستعجل انى اخدها عشان مشوار شغلى وكدة بس مادام الموضوع ممكن يكون فيه لعب والعربية فيها حاجة يبقى ب ناقص
ده انا رايح اجيب زيرو مفروض اخد سمكرى معايا ولا ايه بجد مفيش امان فعلا ولا ضمير