رجرجة و رعشة جامدة فى الدركسيون بعد سرعة 120 ( جين 2 )

[tamerosman]

النهاردة كانت اول مرة اسافر بالجين 2 ( ماشية 700 كيلو بس )

اول ما اعدى 120 باحس برجرجة جامدة جدا فى الدركسيون و يفضل يتهز ز يرتعش جامد ( حاجة سخيفة العربية لسا ما كملتش 1000 كيلو)

ممكن يكون مشكلة ترصيص ؟ و لا ايه انا بصيت على الاربع جنوط لقيت الترصيص بتعها شاكله تمام هو مش بدرى على الموضوع ده و لا ايه ؟

هى العربيات الزيرو بتحتاج ترصيص من اولها كده ؟

انا بصراحة خايف اروح ارصص و الاقى نفس المشكلة لسه موجوده

ساعتها ممكن تكون المشكلة من ايه ؟

لو حد حصل معاه نفس الكلام يريت يقولنا من فضلكم

[أبومعاذ]

هل الرعشة بتختفي لما بتعدي 130 مثلا و لا مستمرة على طول على اي سرعة اعلى من 120؟

[tamerosman]

هل الرعشة بتختفي لما بتعدي 130 مثلا و لا مستمرة على طول على اي سرعة اعلى من 120؟

هى بتقل بعد 120 شوية بسيطة بس بتفضل مستمرة

[m_kamal]

لازم ترصص تانى و عادى ان العربية الجديدة تحتاج ترصيص عشان الكوتش لسة جديد ...ماتقلقش دى مش مشكلة خالص

انا عن نفسى لما بركب كوتش جديد غالبا بروح بعد اسبوع ولا اتنين ارصص تانى

أما لو رصصت تانى و المكلة فضلت موجود يبقى التوكيل اللى يفيدك فى حلها ان شاء الله

[MEGAREKAB]

تسعين فى الميه مشكله ترصيص وعشره فى الميه تربيط عفشه

عادى جدا اما تكون جديده وفيها ترصيص ماهواش عيب يشغل بالك اصلا وحتى تربيط العفشه دا شىء اساسى لابد منه وكده كده بيتم فى الصيانات الدورية.

روح الاول لبتاع ترصيص يكشفلك على الجنوط وهيبان

لو طلع الجنوط مافيهاش حاجة ودا انا متوقعه يبقى عليك وعلى بتاع زوايا او مركز عصام وصفا يكون افضل كأنك هتظبط زوايا وتقوله عاوز اربط عفشه

اوعى تروح لصنايعى يفك ويربط ويقولك فتح ونصب

ولو ماعندكش ثقة فى حد سواء ترصيص او زوايا يبقى تروح التوكيل وماتقلقش خااااااالص واستمتع بعربيتك الجديدة اللى المفروض تكون مصدر سعادة ليك وتفرح بيها مش تخليها تلعب فى دماغك بالطريقة دى

ياريت تطمنا عملت ايه

[أبومعاذ]

هي غالبا ترصيص بس ياريت تعملها في مكان كويس عشان يظبطها صح

[RedBull_30]

النهاردة كانت اول مرة اسافر بالجين 2 ( ماشية 700 كيلو بس )

اول ما اعدى 120 باحس برجرجة جامدة جدا فى الدركسيون و يفضل يتهز ز يرتعش جامد ( حاجة سخيفة العربية لسا ما كملتش 1000 كيلو)

ممكن يكون مشكلة ترصيص ؟ و لا ايه انا بصيت على الاربع جنوط لقيت الترصيص بتعها شاكله تمام هو مش بدرى على الموضوع ده و لا ايه ؟

هى العربيات الزيرو بتحتاج ترصيص من اولها كده ؟

انا بصراحة خايف اروح ارصص و الاقى نفس المشكلة لسه موجوده

ساعتها ممكن تكون المشكلة من ايه ؟

لو حد حصل معاه نفس الكلام يريت يقولنا من فضلكم

جرب تروح التوكيل و شوف النتائج .. ولو فضلت المشكلة اطلع على بريدجستون اللي على البحر واكيد انت عارف مكانه لانك من اسكندرية .. بصراحة شغلهم نضيف, بس خد بالك فهمهم انك عاوز ترصيص لزق مش تدبيس في شفة الجنط وأنا بقولك المشكلة عندك 100% ترصيص

[spiderloking]

بريدج ستون وش و لو فضلت زي ما هي علي التوكيل علي طول

[eng.m7md.ali]

قبل ماتكمل ال 1000 ياريت متمشيش على سرعة عالية علشان التليين

[Sindibad]

المشكله دى كانت عندى فى السياره وكانت لسه لم تكمل ال1000 كيلو ايضا وانا معايا واجا والهزه كانت بتضايقنى جدا ومش مستمتع بالسياره
وروحت ارصص العجل الأمامى ولسه برضه موجوده وبعدين رصصت تانى ولسه موجوده و بعدين رصصت تالت ولسه موجوده روحت عامل ايه؟
بدلت الأطارات الأماميه للخلف وجبت الخلفيه امامى ورصصت الرعشه راحت فى الدركسيون وظهرت فى الخلف - عيالى حسيتها - عرفت ان فيه مشكله اما فى الكاوتش او الجنط وجارى الكشف عليهم وانا استنتجت ان الكاوتش لأن السياره موديل 2010 وممكن تكون كانت مركونه فتره طويله فى الجمرك والكاوتش باظ من الركنه أو اتخبطت من اللى ساقها وجابها المعرض لأنهم (السواقين) بشوفهم بيجروا على الطريق بهبل - فمتقلقشى انت عندك مشكله فى الكاوتش اما ترصيص او فرده كاوتش عاوزه تتغير

[eng.m7md.ali]

المشكله دى كانت عندى فى السياره وكانت لسه لم تكمل ال1000 كيلو ايضا وانا معايا واجا والهزه كانت بتضايقنى جدا ومش مستمتع بالسياره
وروحت ارصص العجل الأمامى ولسه برضه موجوده وبعدين رصصت تانى ولسه موجوده و بعدين رصصت تالت ولسه موجوده روحت عامل ايه؟
بدلت الأطارات الأماميه للخلف وجبت الخلفيه امامى ورصصت الرعشه راحت فى الدركسيون وظهرت فى الخلف - عيالى حسيتها - عرفت ان فيه مشكله اما فى الكاوتش او الجنط وجارى الكشف عليهم وانا استنتجت ان الكاوتش لأن السياره موديل 2010 وممكن تكون كانت مركونه فتره طويله فى الجمرك والكاوتش باظ من الركنه أو اتخبطت من اللى ساقها وجابها المعرض لأنهم (السواقين) بشوفهم بيجروا على الطريق بهبل - فمتقلقشى انت عندك مشكله فى الكاوتش اما ترصيص او فرده كاوتش عاوزه تتغير

طب ليه ياباشا مرجعتش للتوكيل تقولهم المشكلة دي مدام العربية جديدة زيرو؟؟؟

[tornado_5m]

يا استاذي الفاضل سيبك من الفي ده اب كثيره من ضمنها العفشه والكوتش والدسك والاسطوانه والبخخلت
ولكن لان عربيتك جديده يبقى مفيش غير الترصيص ولما يبقى الرجه قبل 100 يبقى من الكوتش الامامي ولما يبقى من الخلفي يبقى الرجه بعد ال120 وما فوق انت حضرتك تروح لاي واحد بتاع ترصيص وخليه يرصص الاربع فرد وهتشوف بس اهم حاجه الي ورى ولو مارحتش انا على اتم استعداد لتعويض عليك باي شيء انت تريده وشكراا