مشورة من أصحاب الويرا

[mahmoodallam]

ممكن حد يقولي ازاي افك طبلوه الويرا علشان أطلع العدادات
أنا فكيت التلات مسامير اللي فوق بس هو في حاجة ماسكاه من تحت فتحات التكييف اللي في النص
فكيت ريش التكييف بس مش لاقس حاجة !
وبصراحة خايف اروح عند حد يتغاشم عليه يكسر كلبس ولا يكسره نفسه !

[estemalek]

فى مسامير فوق الكاسيت و الولاعةو هوايات التكييف و لازم تنزل الطارة
خد بالك من الهوايات
ربنا يوفقك

[mahmoodallam]

شكرا يا فندم

أاتمنى ان تغلق الادارة الموضوع

[ahmed_h_g]

معلش يا أستاذ محمود مقصر معاك
عملت ايه فكيته ولا لسه ؟

[mahmoodallam]

فكيته وما عرفتش أصلح عداد الكيلوات واقف ما بيعدش
والحرحة لازم اخبطه خبطة صغيرة كدا علشان يشتغل

[ahmed_h_g]

الحراره أمره سهل وينفع يتظبط
لكن عداد الكيلو لازم يتغير
لو فكينه وأتنضف وأشتغل مش هيكمل شهر وهيقف تانى
على فكره العداد مقسم ل 3 أجزاء
كل جزء بيتغير وبيتباع لواحده

[egxlover]

الكلام ده على عربيتى تقريبا :) ؟؟؟
الحرارة فعلا بيركن رطوبة يا باشا بس خبطة خفيفة كل فين و فين بيشتغل و مظبوط و عادى خالص
الكيلوات ساعات كان بيحتاج انه يتصفر بس مرتين تلاتة و بيشتغل لكن مركنش معايا ... هو راكن خالص ولا ايه ؟؟
فى واحد اسمه الليثى فى وكالة البلح يا محمود كنت عملت عنده لانسر قبل كده بيصلح العدادات دى ومتخصص فيها وممكن يغيرها بس حاول تصلح عدادا الكيلو احسن لانه بتاع القبريكة و الحرارة بصراحة الجو عندنا فى السويس جاف فمكانش بيركن كتير و مش مسببلى مشاكل يعنى

[mahmoodallam]

الكلام ده على عربيتى تقريبا :) ؟؟؟
الحرارة فعلا بيركن رطوبة يا باشا بس خبطة خفيفة كل فين و فين بيشتغل و مظبوط و عادى خالص
الكيلوات ساعات كان بيحتاج انه يتصفر بس مرتين تلاتة و بيشتغل لكن مركنش معايا ... هو راكن خالص ولا ايه ؟؟
فى واحد اسمه الليثى فى وكالة البلح يا محمود كنت عملت عنده لانسر قبل كده بيصلح العدادات دى ومتخصص فيها وممكن يغيرها بس حاول تصلح عدادا الكيلو احسن لانه بتاع القبريكة و الحرارة بصراحة الجو عندنا فى السويس جاف فمكانش بيركن كتير و مش مسببلى مشاكل يعنى

ازيك يا سمير
الكلام فعلا على عربيتك
عداد الكيلو متر ما بيعدش
وأنا لما فكيته كان واضح انه ما اتفكش قبل كدا فعلا
حاولت أشوف أي حاجة تخليه ما يعدش ما لقيتش حاجة ، كان في ترس صغير في شرخ جايز يكون هو السبب
انهرده ان شاء الله هلزءه بسوبر جلو
الحرارة مش مشكلة أوي بس الكيلوات هو المهم علشان تغيير الزيت وحساب المسافة
المهم أنا سعيد ان حضرتك رديت على الموضوع ، ليك من شكر واحترام وتقدير
وليا عندك طلب رخم ؛ ياريت تسأل على شهادة المخالفات
وشكرا يا باشمهندس

[mahmoodallam]

الحراره أمره سهل وينفع يتظبط
ازاي ؟
لكن عداد الكيلو لازم يتغير
لو فكينه وأتنضف وأشتغل مش هيكمل شهر وهيقف تانى
في ترس صغير لونه أخضر راكب للعداد اللي ما بيتصفرش ، لقيت فيه شرخ صغير ممكن يكون ده السبب ؟
على فكره العداد مقسم ل 3 أجزاء
كل جزء بيتغير وبيتباع لواحده
أنا مش عارف استنا العدادات اللي انت هتجيبها ولا أشتري ؟
عموما أنا هجرب كدا الزء الترس الاخضر ده وبعد كدا نشوف
لكن لو انت ضامن انه هيجيلك في خلال اسبوع او اسبوعين هاخدهم منك ، ويا سلام لو فيهم rpm

[ahmed_h_g]

عداد الحراره هتلاقى المؤشر مضغوط جامد للداخل
أسحبه ورش رشه بسيطه أسبراى أكاى جاف على فتحته فقط وياريت ميكونش سخن ساعتها علشان ميتحرقش

فى أمبير الكيلو هتلاقى ترس محجر فى مكانه مش مكسور
أصغر ترس

[mahmoodallam]

عداد الحراره هتلاقى المؤشر مضغوط جامد للداخل
أسحبه ورش رشه بسيطه أسبراى أكاى جاف على فتحته فقط وياريت ميكونش سخن ساعتها علشان ميتحرقش

فى أمبير الكيلو هتلاقى ترس محجر فى مكانه مش مكسور
أصغر ترس

شكرا يا أ.احمد
وشكرا لكل اللي ردوا على الموضوع
انهردة وديت العدادات لوحد تخصصه عدادات بس وضبط الكيلو الحمد لله وقفلت الطبلوه
وقالي ان الحرارة ما لوش حل
وللأسف أنا لسه شايف رد حضرتك دلوقتي بعد ما أنا قفلت الطبلوه
شكرا جزيلا واالحرارة أمره سهل ان شاء الله