تكله الأير باج كام ؟

[m_marmoush]

هي تكلفه تغيير الأير باج و التابلوه و الدركسيون فى حاله الحوادث كام؟؟

عشان أنا عرفت أن شركات التأمين مش بتتحمل كل التكلفه فى حاله التغيير

ياريت اللى عنده معلومة بخصوص الموضوع ده يفدنا و كام نسبه تحمل شركات التأمين لتكلفة الأيرباج و التابلوه فى حاله الحوادث لاقدر الله :(

[ahmedsiyam]

السلام عليكم
انا برضه عندى استفسار فى الموضوع ده
هل من الممكن ايقاف عمل الايرباج و لا لأ ؟

[HESHAM AMIN]

لو عايز توقف الاير باج جايبها لية اصلا

[ahmedsiyam]

الاخ هشام
اولا انا جايبها لاسباب تانية كتير غير الايرباج
ثانيا انا عايز افصلها لان الدنيا هنا موش محتاجة ايرباج خالص و تبقى تشتغل وقت السفر لان الواحد هنا ممكن ياخد بلاعة او حد يكون متهور يروح داخل فيا الاقى الايرباج اتفتح فى وشى عدل و بدون داعى
ثالثا انا شوفت فى الشيروكى و الميجان ان الايرباج بتتفصل و تشتغل من زرار جوه العربية و اكيد الناس دى فاهمة ان احيانا بتحتاج تفصل الايرباج و بالذات داخل المدينة نظرا لان الدنيا زحمة و موش مستاهلة تضيع التابلوه

[fahd_628]

لا يا باشا الأيرباج عمرة ما يفتح و لو وقعت فى بلاعة مهما كانت كبيرة و لا حتى لو خبط بالراحة يعنى على سرعة 5 - 10 - 20 الكلام دة كلة مش حيفتح الأيرباج

لازم الحادثة لا قدر الله تكون جامدة علشان الأيرباج يفتح

و العربية بيتم عمل لها 3 اختبارات بالنسبة للأيرباج علشان يتأكدو انها متفتحش

1-بيخلو العربية تمشى و تنط من حتة علشان تقع جامد علشان يشوفو الأيرباج حيفتح ولا لأ

2- بيخلوها تخبط عائق يشبة البنى ادم كدة و هية ماشية بسرعة علشان مش اى حاجة الأيرباج يفتح

3- بيعدوها على كمية ظلت و العربية تبقى ماشية بسرعة علشان يشوفو مع الأهتزاز حتفتح ولا لأ


و الكلام دة انا شفتة فى حلقة من حلقات Fifth Gear

[m_marmoush]

وانا مشكلتى أن محدش بيركب جنبى (معظم الوقت لوحدى)
فخايف يفتح فى حادثه و يبوز التابلوه بس مش برده هى دى المشكله

أنا سؤالى يتكلف الموضوع ده كام لأن مافيش طريقه نوقف بيها التشغيل فى حاله الحوادث لاقدر الله

[eng_mkhalaf]

بس انا سمعت أن الأيرباج لو أتفتح يبقى أنسى يا باشا أنك ترجعة لأنة بيرجع بأسعار فلكية 7000-10000 وأحسن حاجة تلغية وتروح لواحد سروجة محترم يقفلك مكانة صح

[ows212]

لا يا باشا الأيرباج عمرة ما يفتح و لو وقعت فى بلاعة مهما كانت كبيرة و لا حتى لو خبط بالراحة يعنى على سرعة 5 - 10 - 20 الكلام دة كلة مش حيفتح الأيرباج

لازم الحادثة لا قدر الله تكون جامدة علشان الأيرباج يفتح

و العربية بيتم عمل لها 3 اختبارات بالنسبة للأيرباج علشان يتأكدو انها متفتحش

1-بيخلو العربية تمشى و تنط من حتة علشان تقع جامد علشان يشوفو الأيرباج حيفتح ولا لأ

2- بيخلوها تخبط عائق يشبة البنى ادم كدة و هية ماشية بسرعة علشان مش اى حاجة الأيرباج يفتح

3- بيعدوها على كمية ظلت و العربية تبقى ماشية بسرعة علشان يشوفو مع الأهتزاز حتفتح ولا لأ


و الكلام دة انا شفتة فى حلقة من حلقات Fifth Gear

شكرا فهد للمعلومات القيمة

[ows212]

يا جماعة فغلا عايزين حد يقولنا لو الأير باج اتفتحت تكلفة اصلاحها هايكون كام

[Hussein_Ramdan]

هل صحيح انا سمعت ان لو الاير باج فتحت لازم يتغير التابلوة كلو
هل الكلام دة صحيح

[mohamed el hussien]

مش عارف التكلفة والله

بس لازم تغير تابلوة
وبعدين يا باشا انت بتفكر في البلي قبل وقوعة لية
انا شاء الله مفيش حاجة

شكرا يا فهد علي المغلومات دي

بس انا معلوماتي
ان الairbags
بيفتحوا اول ما ال Sensors بتوعها يتخبطوا

ودي علي حسب كل شركة حاطها فين
بس الاغلبية حاطينها قبل الموتور بشوية
بس ممكن تلبس حاجة من تحت بس تكون قوية اووي
الايرباج يقتح
بس مش بلاعة بعني
حاجة تجيب مقص او مساعد كدة يعني

لان انا واحد صاحبي كان بيخمس
طلع فوق الرصيف الايرباج اتفتحت
هية عربيتة اكسارا

وجابت كمان مقص وقتها
انا فاكر

[m_marmoush]

لو الجانبيه يبقى لازم تغير التابلوة ولو بتاعة السواق يبقى لازم تغير الدركسيون و أنا متأكد من الكلام ده

[eng_mkhalaf]

يا جماعة فغلا عايزين حد يقولنا لو الأير باج اتفتحت تكلفة اصلاحها هايكون كام

طب ما تقرا ردى الأول وهتعرف كل حاجة :o