توكلت علي الله ...

[alaa7sh]

الحمد لله ربنا كرمني وبعد ماكنت هجيب الساجا . قدرت أجمع فلوس الـ جين 2 وممكن البيرسونا أليجانس. لاني بعد عناء البحث استنتجت ان ماركة البروتون محترررررمة بكل ما تحمله الكلمة من معني
كلمت مستر مروان في التوكيل وقالي انها بالحجز والدفعة الجاية هتيجي في أخر 7 أو أول 8 باذن الله. وانا بعد بكرة باذنك يارب هروح أحجزها.

الجين 2 عاجباني في كل حاجة وناوليها باذن الله. بس الحاجة الوحيدة اللي مضايقاني فيها انها بلاعة بنزين في طرق القاهرة المزدحمة.
اللي عايز أسأله من مستخدميها : هل استهلاكها بيعادل استهلاك عربية 1600 cc تقريبا وطبيعي.
والا هيا عربية سفاحة بمعني الكلمة في البنزين؟ لدرجة تخليني أبعد عنها لانها مش هتناسبني لاني دائم الخروج في طرق وسط البلد الزحمة أووي.

ورأيكوا في البيرسونا كمان بالمقارنة مع الجين 2؟ لو هستخدمها عائلي وفي وسط البلد وفي السفر والاعتمادية. اية الأنسب؟

[mido_soliman]

استهلاك طبيعى جدا

[midosalah]

شوف الموضوع ده
http://www.nilemotors.net/Nile/20056-2.html#post214466

[alaa7sh]

في فرق بين استهلاك الـ 2007 والـ 2011 والا الاتنين واحد ؟

[alaasaid]

ؤبنا يباركلك فيها و يهديك الى حسن الاختيار

[mememsaid]

الف مبروك
ربنا يباركلك فيها

[kojyad]

عملت ايه ياباشا في موضوع اللون ؟؟

عشان انا برده متابع مع مستر مروان في فرع ابو رواش

ولسة مش متأكدلي من الالوان الى نازلة . ياريت تقولي انت عملت ايه واخترت انهي لون ؟
وهل التوكيل افضل من المعارض ؟

[mmffor]

احب اوضح بعض التفاصيل الخاصة ببروتون قبل ما تنوي على الشراء
اولا بروتون سيارة صناعة ماليزي بدئت في اوائل الثمانينات بتجميع سيارات ميتسوبيشي في ماليزيا بمسمى بروتون
و كلنا عارفين ان البروتون واجا هي متسوبيسشي لانسر القديم
من بداية الالفينات بدأت بروتون مشروع لتطوير محرك خاص بموديلاتها يعمل بخاصية الصمامات المتغيرة الفتح و الاغلاق لتوليد قوة مناسبة و اداء منافس
نجحت بروتون في تصنيع محركها ال كام برو و هو محرك ذو اداء رياضي و لكن يعيبه استهلاك الوقود غير المتوقع مما يجعلها سيارة غير مرغوب بها اطلاقا في الاسواق الاوروبية نظرا لارتفاع اسعار الوقود هناك ( لتر البنزين يصل الى 9 جنيهات ) مما اضطر مهندسي بروتون الى اعادة تصميم المحرك لتوفير الوقود و توصلوا الى تغيير شامل لنظام التحكم و الرشاشات فيما اطلقوا عليه proton gen 2 cps
و تقنية ال سي بي اس اعطت قوة حصانية اعلى مع استهلاك وقود اقل - للاسف في مصر التوكيل بيستورد السيارة من غير نظام السي بي اس لتوفير التكلفة و النفقات و في المقابل السيارة في مصر غير اي حتة تانية

[Tarek Gen 2]

استهلاكها عالى فى الزحمة بس مش سفاحة يعنى بس اعلى من الطبيعى فى الزحمة مع التكييف العالى

[Mustafa_Farouk]

السلام عليكم،

يعني لو فولت، بيكون تفويلة كام لتر وبتمشيك في حدود كام لتر، شامله باءة الحرق والعادي زحمة أو مش زحمة؟

[kojyad]

سؤال وجيه
طب ياريت حد يقدر يقيس الاستهلاك بجد , واسلم طريقة للقياس
اولا : تروح البنزينة وتقول للراجل فول التانك حتى اول تكة في مسدس البنزين
ثانيا : تمشي حوالي 100 كيلو بالضبط او 200 مثلا ....
ثالثا : هتكون في البنزينة عند ال100 او ال200 كيلو الى انت عملتهم وتقوله برده فول التانك حتى اول تكة في المسدس
رابعا : لازم تقرأ العداد طبعا وتعرف انت استهلكت كام لتر في ال100 كيلو او ال200 كيلو الى عملتهم.

ياريت حد يا جماعة يعمل الفكرة ده من اصحاب السيارة عشان نقدر نحدد الاستهلاك بالضبط لكل 100 كيلو متر

[Tarek Gen 2]

دى عملناها 100 مرة و متوسط الاستهلاك على الطريق لسريع من 6 - 7 و فى وسط زحمة قوية من 8 - 10
و ده عندى و عند اغلب الناس

[alaa7sh]

دى عملناها 100 مرة و متوسط الاستهلاك على الطريق لسريع من 6 - 7 و فى وسط زحمة قوية من 8 - 10
و ده عندى و عند اغلب الناس

حضرتك تقصد من 6 لـ 7 لتر ... لكل 100 كيلو ؟؟؟

[alaa7sh]

رحت حجزتها النهاردة :))

[Tarek Gen 2]

اها وانا عملتها بتكييف كمان