استفسارات عن صيانة ال20 الف

[أبوعائش]

السلام عليكم ورحمة الله وبركاته
ازيكم يا رجالة...انا رايح ان شاء الله عصام صفا بكره أعمل صيانة الـ20 ألف
وعندي شوية استفسارات
1- انا كنت حاطط زيت فيسكو 5000 في صيانة الـ10000 وأعرف انه بيقعد فوق الـ20 الف...أنزله ولا مش لازم؟
2-ناوي أشتري بوجيهات ايريديوم...هل لازم السلوك تتغير عشان أحس بفرق؟؟ ولا هو الفرق الوحيد اصلا هو العمر الإفتراضي؟
3- هل رقم البوجيه للواجا الكامبرو هو نفس رقمه للجين 2؟؟ ثم انا سألت في شركة التوفيق هنا في المعادي على الـ tr6ix قالي مفيش اللي موجود bkr6ix وقاللي يركب على الجين 2...هل ده صحيح؟؟؟ ثمنه على فكره 250 لحلوح
4- هل تيل فرامل الواجا زي بتاع الجين؟؟؟يعني أبو 1000 جنيه؟؟؟؟
5- موضوع السفنجة اللي تحت فلتر الهوا اللي مش موجود في الفلاتر الجديدة ده ايه العمل معاه؟؟؟

يعني ده اللي انا فاكره وياريت لو حد رايح بكره يقول ... دمتم بعافيه

[eng.m7md.ali]

الف مبروك مقدما ياباشا على الصيانة
انصحك تغير الزيت احسن وتجيب كاسترول او شل هيلكس بدل الفيسكو
بالنسبة للبوجيهات تقريبا نفس الرقم لان موتور الجين 2 هو موتور الواجا
للاسف تيل الفرامل في الواجا ملوش بديل زي الجين2 وانصحك تجيب البوش لان انا مجرب 6 انواع وكلهم زي الزفت
بالنسبة للسفنجة دي موجودة في الفلاتر اللي عند مركز عصام الصفا ب 140 جنيه الفلتر بالسفنجة بتعته وانصحك بيه ومتجيبش من برة علشان كله من غير سفنجة ومش اصلي

[أبوعائش]

شكرا يا فيليكس باشا
طيب هو تيل الواجا البوش بكام؟؟؟؟؟

[eng.m7md.ali]

والله مااعرف ياباشا ممكن تتصل بالتوكيل او المركز وهو يقولك
بس نصيحة متجبش الماليزي اللي في التوكيل علشان زي الزفت معلش تعالى على نفسك شوية علشان خاطر الواجا