هى الساجا عفشتها ناشفة ؟؟؟؟

[vsaga]

ازيكوا يا شباب يارب يكون كلوا بخير وسلام

انا كنت عايز اعرف هى عافشة الساجا ناشفة طبيعى ولا دى حاجة عندى انا بذات لان انا بحس انى لما بكون ماشي فى طريق مكسر حفر ومطبات وطوب بحس ان بتهبد وخصوصا لما انزل فى حفرة اكنى نازل على جنط العربية والهبدة تسمع فى دهر الواحد فده عند كل الناس ولا عندى انا بس ؟

[amazingahmed]

كانت ناشفة في الأول لكن مع الاستعمال بقت أحسن كتير و مش للدرجة اللي بتحكي عليها دي. هي الطبيعي تكون ناشفة شوية علشان رياضية لكن متوجعش الضهر خالص.
عربيتي عاملة 2200 كيلو

[spiderloking]

بالنسبه للعفشه الرياضيه لازم بتبقي ناشفه شويه بس هي فعلا زي ما قال الاخ amazingahmed في الاول بتبقي ناشفه شويه و بعد كدا مبتحسش بنشوفيه خااااااالص انا دلوقتي عامل 16500 و كويسه جدااااااااااااا و مفيش اي تخبيط ولا رزع ولا الكلام ده خالص

[MEGAREKAB]

وأنا مع أحمد وسبايدر فى اللى قالوه كلامهم مظبوط مليون فى المائه

[sayed911]

حضرتك نافخ الكاوتش بتاعك على كام ؟

[alaasaid]

السلام عليكم

ممكن تجربوا النيتروجين بيمتص الهبد شوية و تحس بيها جدا لو عديت على عين القط

[vsaga]

الف شكر على الرد السريع يا شباب واسف على التأخير لظروف الشغل
بس انا بقى حاسس العكس ان العربية كانت الاول انعم فى الحفر وبتاخد وتدى اكن فيه سوست
انا دلوقتى عامل 30 الف كيلو ورايح اعمل صيانة ال 30 يوم السبت بقيت حاسس ان زى مايكون السوست مبقتش موجودة او مش عارف فيه ايه بس بقيت بكره امشى فى شوارع فى حفر لان بحس بهبد جامد بس انى ياما العجل اللى نزلت الحفرة مهوية لاخر اكنى نزلت بالجنط الحديد نفسه او اكن مفيش سوست تاخد وتدى فى الحفرة
الكاوتش ظبطه هوا عادى زى ما مكتوب على على العربية
تفتكروا فى حاجة فى العربية عندى ؟ سوست فيها حاجة او العفشة فيها حاجة ؟ وجربت اختبار العفشة دوست على طرف العربية ولاقيت العربية بترد عادى
ياريت لو حد يعرف حاجة يقولى عليها عشان اقولهم عليها فى صيانة ال 30 الف

[mememsaid]

لاحظ ان كان فيه هبوط في سوسط العربيه ولا لا

[vsaga]

احكم ازاى على ان السوست فيها هبوط او فيها مشكلة ؟؟

[spiderloking]

بص للعربيه من برا و قارنها بساجا تانيه و شوف الارتفاع بس خلي بالك يارت يكون العربيه فاضيه و مفيش حد قاعد فيها لو لقيت عربيتك وطيت شويه يبقي و انت في الصيانه قولهم علي الموضوع ده و خليهم يكشفوا علي المساعدين و السوست

[vsaga]

امممم هو انا فعلا حاسس ان العربية وطيت شوية وخصوصا من وراه بس مش متأكد اذا كان فعلا وطيت ولا انا موسوس
عالعموم انا رايح يوم السبت مركز عصام عشان صيانة ال 30 وهاقولهم زى ماقولتلى كده على السوست والمساعدين واقولكوا ايه الكلام الف شكر يا ريس

[kmorsy]

هو أنا شايف إن عفشتها ناشفة شوية عشان كده أنا بافكر أغير المساعدين بتوعها بالمساعدين بتوع عربية أنعم شوية.
بس بصراحة مش عارف الكلام ده ينفع وللا لأ؟