زجاج امامي للبيرسونا

[mo_hamed100]

السلام عليكم

كنت عايز اعرف اجيب زجاج امامي للبيرسونا منين غير التوكيل و كام سعره في التوكيل و بره و هل زجاج الجين تو الامامي يركب علي البيرسونا ؟؟

و شكرأ

[mangere90]

السلام عليكم ورحمة الله وبركاته

في مصنع الدكتور جريش في العاشر بحوالي 500 جنيه ولو ازاز الجين 2 بيركب علي ازاز البيرسونا
يبقي الحرفيين عند الفادي ولو ملقتش يبقي مافيش غير التوكيل يامعلم واستني اراء الأعضاء

:b4_611:

[pedro732000]

بص انا كنت سألت عليه من باب العلم بالشئ قبل الثورة فى الحرفيين بعد ماتنزل من الدائري مصر السويس وتعدى الصينية وبعد كدة تحت الكوبرى تمشي مسافة 200-300 م بتلاقى واحد بتاع زجاج "مافيش غيرة" سألته علي الامامى كان بحاولى 420ج
هاتلاقيه على يمينك
يارب اكون افدتك

[Mohamed.Kader]

السلام عليكم

أتعرضت للموقف دا من حوالي 15 شهر ولقيتوا في كذا مكان في واحد مشهور جدا في شارع شهاب في المهندسين عندوا الزاز خلفي وأمامي وابواب كمان بس النوع اللي عتندوا حلو وفي شماسة مش ذي الفابريكة
لكن للأسف أنا غلطت وروحت جيبتوا وركبتوا في جريش العاشر ولو رجعت مداخلاتي القديمة هتلاقي الموضوع
تقريبا بتاع جريش كان بــــ 370 جنية ذي الفابريكة لكن الصنايعية هناك مش نضاف بيبهدلوا الدنية الفيبرات والفرش والتابلوة مع أخذ الأعتبار مشوار العاشر بايخ

وبتاع الأخ اللي في المهندسين كان بــــ 420 جنية الأسعار بالتركيب

طبعا في اسعار فلكية في التوكيل وعند الناس اللي بيشتغلوا في قطع الغيار وبيشتغلوا الناس كمان تسمع 700/800/900 جنيه وكل واحد وهواه

[alaasaid]

السلام عليكم

حضرتك شوف مصنع دكتور جريش فى العشر من رمضان

[mo_hamed100]

هو المحل اللي في المهندسين ده كام رقمه و فين بالتحديد في شارع شهاب

[waleedfesal]

هو انا كنت غيرت قبل كده بزجاج دكتور جريش
وكان بحوالى 420 جنيه بالتركيب عندى فى دمياط
وكان زجاج الجين 2 الامامى نفع انه يركب مكان البرسونا
بس الامامى فقط

[ramyar]

الله ينور يا عم وليد الله ينور يا بشمهندس محمد