أغيثوني. الساجا بتاعتي اتخبطت جامد

[mahmoud18]

يا باشا معلش قدر الله و ماشاء فعل
انا بردو عندى خبطه زى دى بالظبط و بردو اتخبتط و العربيه راكنه!!
يالا الحمد لله

spiderloking
فين السمكرى ده انا بردو من الهرم علشان انا عايز اعملها علشان شكلها بيديقنى قوى
و هتاخد اد ايه وقت و فلوس بردو؟
و شكرا ليك جدا

[spiderloking]

يا باشا معلش قدر الله و ماشاء فعل
انا بردو عندى خبطه زى دى بالظبط و بردو اتخبتط و العربيه راكنه!!
يالا الحمد لله

spiderloking
فين السمكرى ده انا بردو من الهرم علشان انا عايز اعملها علشان شكلها بيديقنى قوى
و هتاخد اد ايه وقت و فلوس بردو؟
و شكرا ليك جدا

هوه السمكري بعيد شويه عن الهرم في عزبة شلبي ربع ساعه من الدائري نكون عندوا معرفش كام الصراحه فلوس بس مش كتير يعني لأن الخبطه مش جامده اوووي هنقعد عندوا نشرب الشاي و هوه هيخلصها و تاخدها نرشها في اي مكان بنفس رقم الدوكو بتاع العربيه هتطلع كأنها جديده نوفي و اتحدا اي حد لو عرف انها اترشت

[mememsaid]

هو الواحد لما بيرش العربيه بنفس رقم اللون مش بيبقي فيه فرق ما بين الجديد والقديم؟؟

[ahmed_h_g]

هو الواحد لما بيرش العربيه بنفس رقم اللون مش بيبقي فيه فرق ما بين الجديد والقديم؟؟

هى دي اللى بتفرق بين البوهيجى الشاطر والبوهيجى المضروب
البوهيجى الشاطر بيعرف يروح لمحل بويات محترم يخلط عنده اللون وهو يعدل عليه بخبرته
البوهيجى الأى كلام مبيعرفش ان اللون مختلف غير لما يرش ويدبس صاحب العربيه فيه

[yaseenmohamed]

قدر الله ما شاء فعل
من رأيي انك تسمكرها احسن
ده حتي لو علي الساخن لانك كده كده حترش لو اشتريت رفرف جديد
أنا خدت خبطه بس في الرفرف اليمين واتسمكرت علي البارد والحمد لله مش باينه الا لو دققت فيها

[ger]

رد على البارد ورش

[walids]

قدر الله و ما شاء فعل ، بص يا باشا انا من اول ما جبت الساجا بتاعتي و انا كنت بحافظ عليها بقدر الامكان و اني مخبطش ولا اعمل حوادث

لكن انت في مصر ، يعني صباح الفل :d كده او كده لازم العربية يجرالها حاجه ، المهم انك تطلع منها سليم ، متقلقش خبطتك مشابهه لحبطه عندي ، عملتها ع الساخن و رشيت بنفس لون العربيه و كأن شيئاً لم يحدث ، انا كنت زعلان جداً في الأول ان العربيه كده هتطلع من الفابريكه ، لكن ده قدر و غصب عنك ، و اكيد هبقي زعلان اكتر لو ركبت العربيه و هي مخبوطه كده
فتوكل علي الله و ربنا يعوضك عنها

[amazingahmed]

أشكركم كلكم على اهتمامكم الشديد. أنا استخرت ربنا و استقريت على سمكرة و دوكو. العربية زي ما أنتم شايفين الحمد لله رجعت زي الأول و مفيش فرق خالص بينها و بين بقيت العربية.
أنا وديتها لحمايا (هو عنده ورشة مكيانيكا و كهربا سيارات في مدينة نصر) و هو ربنا يباركله تولى مسألة متابعة السمكري و بتاع الدوكو و ودى العربية و جابها تاني يوم و محسيتش بأي تعب ولا حتى أعرف مكان السمكري.
الرفرف سمكرة ب200 جنيه و دوكو ب250 جنيه يعني كله 450 جنيه.
الكرتيرة اللي تحت الرفرف فيها حتة صغيرة مكسورة لكن شغالة تمام و تعدي.
لما سألت في مركز عصام و صفا قالولي التكلفة كالآتي:
1- رفرف أسود مط ب425 جنيه
2- كرتيرة بحوالي 100 جنيه
3- دوكو ب250 جنيه
4- 10% ضريبة

يبقى الحساب 850 جنيه
الفرق طلع 400 جنيه

[Mahmode]

طبعا حاجة تضايق بس احمد ربنا إنها جات على قد كدة. هي الخبطة تعتبر بسيطة. أي سمكري حيظبطهالك بسهولة.

[MOUSTAFA_SAAD]

مبروك على التصليح

[spiderloking]

الف مبروك يا باشا و الحمد لله انها رجعت زي ما كانت واضح انهم ناس كويسيين

[alaasaid]

بسم الله ما شاء الله , الحمد الله العربية رجعت زى الاول , ربنا يكفينا شر الحوادث و الطريق