جين 2 نعم ام لا

[maxayma]

مكتوب فى كتالوج الجين ان لمبة الاحتياطى بتنور لما رصيد التنك يوصل 8 لتر و انا لما اللمبة بتنور عندى بمون بنزين 92 بحوالى 70 الى 75 جنيه يبقى سعة التنك من غير الاحتياطى حوالى 38 لتر و بالاحتياطى حوالى 45 لتر و ده ميعتبرش تنك صغير


بالنسبة للمقارنة بين التيدا و الجين 2 :

التيدا الاتومامتيك فول اوبشر معدية 120 الف جنيه يعنى اغلى من الجين 2 بحوالى 30 الف جنيه اى بنسبة 30% زيادة فى السعر عن الجين 2

يبقى مفيش وجه للمقارنة و لو هاشترى عربية فوق 120 الف هيكون فى اختيارات كتيرة جدا و الى عايز يقارن عربية بالجين 2 اتوماتيك يبقى يبص على الصنى - سكالا - اوبترا مانيوال - النترا شكل 2011 مانيوال اقل فئة

لو حضرتك هاتدفع 30 الف زيادة فى التيدا علشان توفر بنزين يبقى احسبها كده :تجيب جين 2 ب 90 الف بس و 30 الف جنيه يتعملو شهادة فى البنك 10 سنين ب 10% ييعماو 250 جنيه فى الشهر و يبقى تجيب الجين 2 و تحط بنزين ببلاش و ترجع لك فلوسك بعد 10 سنين

وجهة نظر تحترم طبعا بس انا بالرغم ان موضوع البنزين دا اكتر حاجة مقلاقنى الا ان برده فى اسباب تانية تخلينى ابعد عنها مع انى فعلا معجب بيها بس بحاول افكر بموصوعية شوية زى ما قولت مثلا يعنى موضوع مشاكل التقفيل و الاصوات اللى التوكيل فى الغالب مش بيعرف يحلها من مرة واحدة دى بالنسبالى عيب خطير برده على الاقل من وجهة نظرى لانى بصراحة بحب اشترى دماغى (فى حياتى عموما) يعنى اكيد لو جبت الجين بس لا قدر الله المشاكل ابديت و الاصوات اياها بداءت العزف و التوكيل معرفش يحلها او يعمل حلها ساعتها ممكن اكره العربية و اكره نفسى (بس مش هاكره المنتدى و لا رجالة قسم برتون مهما حصل) بس بحد هكون متكدر

و زى ما قولت و كررت هنا ان ممكن الناس غيرى زى ما بقرأ هنا ممكن تشوف ان العيوب دى تهون فى مقابل عربية بتجرى و بثبات زى الجين بمعنى اصح دى قصاد دى لاكن انا بصراحة مش هبصليها كده لانى مش بتاع جرى و لا ناوى

على فكرة انا لو هاشترى تيدا هجيب ال 115 (فل اوبشنز) الف مش اللى 128 الف (بيسموها فل اوبشنز بلس)

[إبراهيم المصرى]

من الاخر لو حضرتك بتنظر للموضوع من الناحية الاقتصادية فقط و مايهمكش متعة القيادة و الاحساس الممتع بتاع سواقة الجين 2 يبقى خليك فى النسيان صنى لانها افضل اختيار بنفس السعر و فى كما رينو سكالا نازلة ب 95 الف بكماليات اكتر من الجين 2

فعلا خليك فى النيسان صنى

[AutoTycoon]

استحاااااااااااااالة االالنترا والفيرنا بالذات تعدي 280 اصلا في الصفيحة

استحالة؟
متأكد؟
طب لو قلتلك ان انا شخصياً بجيب ال350 في الصفيحة عادي جدا بالفيرنا واصحابي معاهم النترا اوتو 320 كم في الصفيحة و تيدا اوتو زيها زي النترا

يبقى منين استحالة
و منين حضرتك مش متحيز لما في آخر الكلام بتقول انها بتفرق من سواق للتاني و في اول الكلام بتقول اسحالة

انا آسف اني ضيعت وقتك و وقتي

[tutankhamoun]

الجين 2 ........... اللي الناس كلها بتقول أستهلاكها عالي (علشان فاهمين العربية غلط - أغلبهم مش كلهم )
بتعمل أرقام حلوة لو أنت عاوز تعمل أرقام حلوة .

قلت قبل كدا الأستهلاك له عوامل بتأثر عليه
و قلت قبل كدا أزاي تقدر توصل للأستهلاك الكويس .........
350 كم لكل 20 لتر سهلة الوصول لو أنت سواقتك هادية ...... و خلي بالك من كلمة هادي .....

يعني تطلع بالعربية واحدة واحد واحدة ......... سايق في طريق طوالي ........... مش كل شوية بتقف ....... و مهتم بعربيتك و صيانتها ...........

أنا مجرب عربيتين ..... مش عربية عربية واحدة
2007 مانوال ............. 2010 أوتوماتيك ........... يعني كلامي عن تجربة طويلة
أنا سواقتي هادية جدا ........... و العربية بتعمل معايا أرقام حلوة في الأستهلاك .

و أي عربية 1600 ممكن تعمل أستهلاك كويس جدا مع السواقة الهادية مش الجين 2 بس .

كان فيه تجربة عملها جيرمي كلاركسون في توب جير
كان بيجرب عربية تويوتا 1300 سي سي ........... و عربية تانية بي أم بموتور كبير بس مش فاكر هو كان 3000 و لا 2000 سي سي
و فضلوا ماشيين على التراك بسرعة ثابتة و هي على ما أعتقد 80 كم - س لغاية ما تانك البنزين خلص في الأثنين

البي أم عملت تقريبا أقل بقليل أستهلاك من التويوتا

فالسرعة بتفرق جامد و الطرق الطوالي بتفرق جامد .

مفيش حاجة مستحيلة

إنما سواقتنا هنا في مصر ........ هي اللي زبالة ......... تسارع بدون داعي ......... نسابق بعض على الطريق ........ نبقى شايفين الأشارة حمرا أو الاشارة واقفة .......... و برضه نعمل تسارع ملوش أي لزمة و بعدين تقف برضه في الأخر .
نهتم كمان بضغط الكاوتش و نوعية البنزين ........

بأختصار
سواقة هادية - أهتمام بالصيانة = أستهلاك ممتاز

[maxayma]

الجين 2 ........... اللي الناس كلها بتقول أستهلاكها عالي (علشان فاهمين العربية غلط - أغلبهم مش كلهم )
بتعمل أرقام حلوة لو أنت عاوز تعمل أرقام حلوة .

قلت قبل كدا الأستهلاك له عوامل بتأثر عليه
و قلت قبل كدا أزاي تقدر توصل للأستهلاك الكويس .........
350 كم لكل 20 لتر سهلة الوصول لو أنت سواقتك هادية ...... و خلي بالك من كلمة هادي .....

يعني تطلع بالعربية واحدة واحد واحدة ......... سايق في طريق طوالي ........... مش كل شوية بتقف ....... و مهتم بعربيتك و صيانتها ...........

أنا مجرب عربيتين ..... مش عربية عربية واحدة
2007 مانوال ............. 2010 أوتوماتيك ........... يعني كلامي عن تجربة طويلة
أنا سواقتي هادية جدا ........... و العربية بتعمل معايا أرقام حلوة في الأستهلاك .

و أي عربية 1600 ممكن تعمل أستهلاك كويس جدا مع السواقة الهادية مش الجين 2 بس .

كان فيه تجربة عملها جيرمي كلاركسون في توب جير
كان بيجرب عربية تويوتا 1300 سي سي ........... و عربية تانية بي أم بموتور كبير بس مش فاكر هو كان 3000 و لا 2000 سي سي
و فضلوا ماشيين على التراك بسرعة ثابتة و هي على ما أعتقد 80 كم - س لغاية ما تانك البنزين خلص في الأثنين

البي أم عملت تقريبا أقل بقليل أستهلاك من التويوتا

فالسرعة بتفرق جامد و الطرق الطوالي بتفرق جامد .

مفيش حاجة مستحيلة

إنما سواقتنا هنا في مصر ........ هي اللي زبالة ......... تسارع بدون داعي ......... نسابق بعض على الطريق ........ نبقى شايفين الأشارة حمرا أو الاشارة واقفة .......... و برضه نعمل تسارع ملوش أي لزمة و بعدين تقف برضه في الأخر .
نهتم كمان بضغط الكاوتش و نوعية البنزين ........

بأختصار
سواقة هادية - أهتمام بالصيانة = أستهلاك ممتاز

استاذ توت شكرا تانى لحضرتك و الكلام طبعا سليم هى الفكرة اكيد بردوا طريقة سواقة و فعلا للاسف الناس دلوقتى و اخدة السواقة عافية زى ما كان مرة زميل هنا فى المنتدى بيقول "كل واحد بيهموا يكسب ارض حتى لو كام سم قبل العربية التانية"

انا على فكرة قريت كل مواضيع حضرتك بخصوص الاستهلاك و فعلا اكيد مع السواقة الهادية بيكون قليل حضرتك يعنى مجرب و مش فى عربية و احدة زى ما بتقول

انا شايف انك مادام سواقتك هادية زى ما بتقول يبقى زى ما انا ناوى اعمل بس فى الحالة دى اى تبقى ميزة الجين مادام مافيش جرى و تسارع و ثبات على سرعات عالية مادام كله هادى و ياترى ايه خلاصة خبراتك مع التوكيل و المشاكل اللى قابلتك و ياريت برده تشرحلى موضوع الفرامل لانها مقلاقانى انا مش بقول انها وحشة بس اسمع انها نظامها مختلف شوية

لانى بصراحة ابديت اقتنع و اتمسك بالجين 2 دا انا بقالى اكتر من سنة بقرى عليها هنا بس للاسف عمرى ما حربت اسوقها على حظى لغوا التيست طريف و ما عرفش حد جايبها يدينى لفة بس و الله انا كنت مبسوط قوى لما ركبتها و كانت و قفة فى المصرية

[SonaSteel]

استحالة؟
متأكد؟
طب لو قلتلك ان انا شخصياً بجيب ال350 في الصفيحة عادي جدا بالفيرنا واصحابي معاهم النترا اوتو 320 كم في الصفيحة و تيدا اوتو زيها زي النترا

يبقى منين استحالة
و منين حضرتك مش متحيز لما في آخر الكلام بتقول انها بتفرق من سواق للتاني و في اول الكلام بتقول اسحالة

انا آسف اني ضيعت وقتك و وقتي

لا حقك عليا انا .. اني ضيعت وقت حضرتك الثمين
وسامحني ... مش مصدقك :)) ... وكلامي علي الفيرنا بالذات
او يمكن الفيرنا بتفرق من واحد للتاني ..... يمكن
وبتفرق من سواق للتاني ... ايون
وانا بتكلم علي سواقة عادية مش هادية .... يعني ال320 بتوع التيدا مش ماشي علي 90 وقافل التكييف وماشي علي مهله
لا 120 ومشغل التكييف وظروف مرور مصر.
الراجل اللي هايشتري مش هايجيب العربية ويفضل ماشي علي الحارة اليمين علي 90 وقافل الازاز مش مشغل التكييف علشان يعمل بالعربية 350 علي الصفيحة.

[Ahmed.Ali]

عندي انا موضوع الاستهلاك دا مش هنخسر بعض علي شويه بنزين
بس موضوع البوجيهات مش بيفرق بجد في الاستهلاك يا Sonasteel البوجيهات البلاتنيوم و الاريديوم معموله اساسا لتحسين جوده الحريق و كمان لان معدن السن قوي يقدر يعيش فتره اطول منغير ما السن يوبظ المهم انا مجرب الـ NGK ليزر بلاتنم و فعلا مش في فرق رهيب ولا حاجه ممكن في الاول لاكن بعد 20 الف كيلو لا يوجد اي فرق و طلعتهم عشان اشوف حالتهم طلعت زي الزفت
ثم الموضوع مش بوجيهات بس لازم سلوك محترمه بس احنا في الجين2 البوجيهات بتركب علي البوبينه مباشره فدا كمان بيدي نتيجه احسن

[tutankhamoun]

استاذ توت شكرا تانى لحضرتك و الكلام طبعا سليم هى الفكرة اكيد بردوا طريقة سواقة و فعلا للاسف الناس دلوقتى و اخدة السواقة عافية زى ما كان مرة زميل هنا فى المنتدى بيقول "كل واحد بيهموا يكسب ارض حتى لو كام سم قبل العربية التانية"

أولا العفو ... و بالنسبة للسواقة في مصر ....... مهزلة زيها زي الوقوف في الطوابير ... الناس مش بتحب تكون منظمة و تنتظر غيرها في دروها

انا على فكرة قريت كل مواضيع حضرتك بخصوص الاستهلاك و فعلا اكيد مع السواقة الهادية بيكون قليل حضرتك يعنى مجرب و مش فى عربية و احدة زى ما بتقول

انا شايف انك مادام سواقتك هادية زى ما بتقول يبقى زى ما انا ناوى اعمل بس فى الحالة دى اى تبقى ميزة الجين مادام مافيش جرى و تسارع و ثبات على سرعات عالية مادام كله هادى

ما هو أنت في الآخر برضه مش بتشتري فيراري ...
عربية 1600 .... و مهما تكون ثابتة ....... مش هاتطير بها يعني
لازم تأخد أحتياطات الأمان
أنا أقصد أن الثبات و الأتزان مهمين ........ بس برضه أحنا مش شاريين العربية علشان نسابق بها
أهم حاجة العربية توديني الشغل و تقضي المشاوير و تكون مريحة ليك نفسيا الأول و بعدين مريحا ماديا و عمليا

و ياترى ايه خلاصة خبراتك مع التوكيل و المشاكل اللى قابلتك و ياريت برده تشرحلى موضوع الفرامل لانها مقلاقانى انا مش بقول انها وحشة بس اسمع انها نظامها مختلف شوية

و الله الحمد لله على نعمته
أنا أشتريت عربيتين جين 2
و الحمد لله رب العالمين مش بعاني من أي شئ
واضح أن طريقة معاملة الشئ بتفرق و أنا من الناس اللي بتحافظ على حاجاتها
أنا عمري ما رحت للتوكيل لتغيير حاجة في الضمات
و تقييمي له (كمعاملة بيني و بينه ) ممتاز
و لكن كتقييم عام ........... جيد

لانى بصراحة ابديت اقتنع و اتمسك بالجين 2 دا انا بقالى اكتر من سنة بقرى عليها هنا بس للاسف عمرى ما حربت اسوقها على حظى لغوا التيست طريف و ما عرفش حد جايبها يدينى لفة بس و الله انا كنت مبسوط قوى لما ركبتها و كانت و قفة فى المصرية

بالنسبة للفرامل
بص اللي متعود على فرامل عادية ( بتقفش من أقل لمسة ) و يغير للجين 2
بيلاقي الوضع مختلف لأن فرامل الجين 2 مش بتقفش من اللمس
بتقفش لما تضغط عليها للآخر

هي بتهدي واحدة واحدة لو أنت دايس واحدة واحدة ......... لو عايزها تقف ...... أكبس على الأخر و بتقف
الله أعلم ليه كدا يمكن علشان أنظمة الا بي أس و الاي بي دي ......... الله أعلم
و لكن الفرامل ممتازة و مفيهاش أي قصور .

بالنسبة للتيل و الديسكات
واضح برضه أنها حسب طريقة السواقة
العربية الأولى التيل أتغير على 45 ألف كم
و التانية لسة ما أتغيرش عامل بيها دلوقتي 14 ألف كم .

[mohamed_sabry]

السلام عليكم و رحمة الله

وانا بتكلم علي سواقة عادية مش هادية .... يعني ال320 بتوع التيدا مش ماشي علي 90 وقافل التكييف وماشي علي مهله
لا 120 ومشغل التكييف وظروف مرور مصر.
الراجل اللي هايشتري مش هايجيب العربية ويفضل ماشي علي الحارة اليمين علي 90 وقافل الازاز مش مشغل التكييف علشان يعمل بالعربية 350 علي الصفيحة.

و الله يا سيدى الفاضل انت مضايق نفسك زيادة عن اللزوم , الموضوع مش مستاهل يعنى , يمكن علشان بتحب النيسان بتاعتك قوى .
هو عموما انا مش بحب شكل التيدا دى خالص و هى عموما اذواق بس انا بس هاتكلم على الاستهلاك للبنزين , انا عربيتى جين 2 - 2008 مانيوال سافرت بيها راس سدر و مكثت هناك 3 ايام رايح جاى ما بين حمامات فرعون و مزار عيون موسى و المدينة نفسها للمشتروات و كده يعنى , فولت العربية و انا رايح بس من القاهرة و راجع باكتر من ربع التانك مليان باستهلاك على كمبيوتر العربية 5.8 لتر / 100 كم , يعنى اكتر من 340 كم فى الصفيحة , مع العلم ان العربية كانت محملة 3 افراد + شنط , تكييف باستمرار , متوسط السرعة 110 كم او اكتر قليلا .
يبقى باختصار كده موضوع الاستهلاك ده حسب سواقتك و الظروف المحيطة , مش قافل الازاز و قافل التكييف , مش للدرجة دى يعنى , شوية شوية هتقول و قافل الموتور و جايب عربية تانية تشدها .

للاستاذ صاحب الموضوع استخير ربنا افضل .

و السلام عليكم و رحمة الله .

[tutankhamoun]

وانا بتكلم علي سواقة عادية مش هادية .... يعني ال320 بتوع التيدا مش ماشي علي 90 وقافل التكييف وماشي علي مهله
لا 120 ومشغل التكييف وظروف مرور مصر.
الراجل اللي هايشتري مش هايجيب العربية ويفضل ماشي علي الحارة اليمين علي 90 وقافل الازاز مش مشغل التكييف علشان يعمل بالعربية 350 علي الصفيحة.

يعني حضرتك عايز تقنعني أنك بتحرق ........ بتسوق عادي جدا ......... و بتحقق أرقام الكتالوج ؟؟؟؟؟؟

حرضتك عارف أرقام الكتالوج دي مُقاسة على أي أساس ؟؟؟

الأستخدام القياسي ...... على سرعة 90 ......... رياح محايدة ....... طريق ممهد بدون توقف ...........



----------

بالنسبة لللي أنا شرحته فوق .......... كان بأستخدام التكييف و قافلين الزجاج .

و قلنا أن العربية أستهلاكها على الطوالي غير الأستهلاك جوه البلد بالاضافة لطريقة السواقة .
و رد حضرتك محسسني أن أحنا بنحاول نقنع صاحب الموضوع بشراء الجين 2

أنا من الأول قايل للراجل لو كل مشاويرك جوه البلد ...... العربية 1600 و لا ليها لزمة و لا أشتريها بنكلة (ده بالنسبة لي ) هاحتاج أيه من قوة الموتور لو أنا على طول بسوق في زحمة و العربية بتمشي متر كل دقيقتين ....

و عموما مفيش عربية 1600 بتعمل أكتر من 240 كم للصفيحة جوه البلد خصوصا في زحام القاهرة ....
لأن أنت بتستهلك بنزين و أنت واقف و مش بتتحرك و محسوب أستهلاك في الآخر .
علشان كدا العربيات الأصغير حجما بتكون الأفضل على الأطلاق داخل المدن

[mohamed_sabry]

و رد حضرتك محسسني أن أحنا بنحاول نقنع صاحب الموضوع بشراء الجين 2

رغم ان دى مش تهمة يعنى يا صاحبى .
و بعدين الفروق بين العربيات فى الفئة الواحدة مش كبيرة , و برضه النيو اكسنت و الالنترا بتعمل نفس معدلات الاستهلاك اللى انت قلت عليها , يعنى النيسان مش فلتة يعنى , كله فى النهاية متقارب .

[mostafa basha]

يا رجالة الموضوع مش موضوع بنزين بس والله
انا عاوز اجب عربة خلال الايام الجاية وفكرت فى الجين2 وهى عربية ممتازة من حيث السعر والامان والثبات وكل حاجة
بس المشكلة انى سمعت من كذا واحد ان تقفيلها زبالة بمعنى ان الواحد عاوز يحس انة راكب زيرو مش يجيب عربية يسمع فيها اصوات بعد ما يجيبها بشهر
فى ناس بتقول ان الموضوع اعجاب واقتناع بس انة مش شايف ان دة صح يعنى الواحد يجيب عربية زيرو علشان بيحبها وبعدين تبهدلة ( يعنى الواحد يتجوز واحدة صايعة مثلا علشان بيحيها لامواخذة يعنى ) انا بس حبيت اوصلكم فكرتى
وعلى فكرة انا رحت امبارح سمير ريان وسالت واحد هناك اعرفة كويس وسالتة اشترى اية وكمان سالتة على الجين 2 واول ماجبت سيرتها قالى ابعد ابعد
قولتلة اية البديل قالى الاكسنت ار بى وانا الصراحة مش مستظرفها والكيا ريو قالى بلاشها 1400 وخليجى
والنيسان قالى الشكل الجديد نازل كمان شهرين
قالى الصايع هوا اللى يجيب النترا الجديدة علشان الشكل بتاعها دة حيفضل 4 5 سنين وبصراحة انا مش قد تمنها

انا خلاص دماغى انفجرت من موضوع العربيات بقالى شهر ونص مش عارف اشترى لما خلاص شكلى كدة حروح ادور على مستعمل زى فولكس بورا او جولف ولا اى حاجة
اما بالنسبة لوضوع الجين 2 بعد ما فكرت فيها بصراحة مرعب من اللى سمعتة عنها وبكرر على الرغم من حبى ليها الا انى مشتريهاش واوجع دماغى بمشاكلها
واسف لو كنت طولت عليكما

[tutankhamoun]

يا رجالة الموضوع مش موضوع بنزين بس والله
انا عاوز اجب عربة خلال الايام الجاية وفكرت فى الجين2 وهى عربية ممتازة من حيث السعر والامان والثبات وكل حاجة
بس المشكلة انى سمعت من كذا واحد ان تقفيلها زبالة بمعنى ان الواحد عاوز يحس انة راكب زيرو مش يجيب عربية يسمع فيها اصوات بعد ما يجيبها بشهر


كلام مُبالغ فيه جدا جدا جدا جدا

فى ناس بتقول ان الموضوع اعجاب واقتناع بس انة مش شايف ان دة صح يعنى الواحد يجيب عربية زيرو علشان بيحبها وبعدين تبهدلة ( يعنى الواحد يتجوز واحدة صايعة مثلا علشان بيحيها لامواخذة يعنى ) انا بس حبيت اوصلكم فكرتى
وعلى فكرة انا رحت امبارح سمير ريان وسالت واحد هناك اعرفة كويس وسالتة اشترى اية وكمان سالتة على الجين 2 واول ماجبت سيرتها قالى ابعد ابعد
قولتلة اية البديل قالى الاكسنت ار بى وانا الصراحة مش مستظرفها والكيا ريو قالى بلاشها 1400 وخليجى
والنيسان قالى الشكل الجديد نازل كمان شهرين
قالى الصايع هوا اللى يجيب النترا الجديدة علشان الشكل بتاعها دة حيفضل 4 5 سنين وبصراحة انا مش قد تمنها

انا خلاص دماغى انفجرت من موضوع العربيات بقالى شهر ونص مش عارف اشترى لما خلاص شكلى كدة حروح ادور على مستعمل زى فولكس بورا او جولف ولا اى حاجة
اما بالنسبة لوضوع الجين 2 بعد ما فكرت فيها بصراحة مرعب من اللى سمعتة عنها وبكرر على الرغم من حبى ليها الا انى مشتريهاش واوجع دماغى بمشاكلها
واسف لو كنت طولت عليكما

كلام البياعين في العربيات مكانه سلة المهملات

اللي عايز يجيب عربية يسأل أصحابها

و اللي ما يشتريش عربية مقتنع بها و لو كانت مرسيدس ....... هاتطلع فيها القطط الفاطسة بعد كدا .

العربية تقفيلها مش زبالة خالص و اللي يقول كدا يبقى يا أما ما أشترهاش و ركبها ...... أو واحد بيطلع القطط الفاطسة في أي حاجة

أنا واحد من الناس أشتريت عربيتين جين 2 مش عربية واحدة

و في 2007 برضه قبل ما أشتري سمعت نفس الكلام عن التقفيل و ان العربية وحشة و ما تستهلش الواحد يفكر فيها

و لما سألت اللي معاهم فعلا العربية لقت الكلام أختلف ......... و لما أمتلكت فعلا
لقيت ان الاشاعات الله ينور بتنتشر زي الصاروخ و واحد يقول سمعت و التاني يقول سمعت و الثالث يقول سمعت
وهما و لا واحد فيهم جرب العربية !!

[tutankhamoun]

رغم ان دى مش تهمة يعنى يا صاحبى .
و بعدين الفروق بين العربيات فى الفئة الواحدة مش كبيرة , و برضه النيو اكسنت و الالنترا بتعمل نفس معدلات الاستهلاك اللى انت قلت عليها , يعنى النيسان مش فلتة يعنى , كله فى النهاية متقارب .

فعلا يا باشا العربيات ال 1600 قريبة جدا من بعضها في الأستهلاك

و تحياتي لك