جين 2 نعم ام لا

[maxayma]

طبعا انا حبيت اخلى الموضوع فى شكل استفتاء ماهى البلد بقيت كلها استفتاءات :ma

انا من واقع متابعتى للمنتدى هنا هدخل فى الموضوع على طول و هقول اللى عايزه من العربية الأول:
طبعا اتوماتيك علشان شوراع المحروسة
الميزانية اخرى 100 الف
انا مش بتاع شد و جرى و الكلام ده ( الشوارع اصلا مش مشجعة على اى حاجة)
الامان و ان تكون برده العربية فيها شوية اوبشنز يعنى مش فاضية
العربية تكون اعتمادية و عمرها الافتراضى طويل لانى مش من هواه التغيير (انا اصلا مش عارف اجيب اول واحدة اصلا)
البنزين يكون معقول مش لازم موفرة جدا (اتوماتيك و زحمة و 1600 يعنى طبيعى انه يكون عالى شوية) بس مش سفاحة
قطع الغيار الاهم تكون موجودة و لو غالية سنة مقارنة بالعربيات التانية مش فارقة مادام لما احتاجها هلاقيها
التوكيل يكون كويس مش لازم يكون محترم بس على الاقل بيعرف يحل مشاكل العربية لما تظهر من غير عطلة

انا كتير اوى فكرت فى الجين 2 و حتى عملت موضعييين هنا سألت كده عن كام حاجة بس لما روحت احجز كانت مش موجودة (على اخر شهر 5 اول ما اختفت تقريبا من الاسواق) فقلت فرصة انى افكر تانى و انى اشوف مساعدة اهل الخبرة لانى بصراحة متردد

انا هحاول اكتب مزايا و عيوب الجين 2 و هعلق فى ضوء احتجاياتى من العربية اللى كتبتها فوق (معلش استحملونى شوية انا كده هطول عليكوا)

مزايا:
1) الشكل و الحجم (ازواق بس انا فعلا عاجبنى و كمان بحس انها عربية ملمومة مش كبيرة اوى من بره و من جوة مش ضيقة و طبعا كراسى الطيارة اللى الناس بتحسدكوا عليها حاجة جامدة طبعا)
2) التسارع و الثبات (انا عارف ان دى اهم ميزة فى الجين وان ناس كتير من ملاكها بيقبولوا عيوب كتيرة فى مقابل الجرى و الثبات بس انا بالنسبة لى مش بتاع جرى يعنى يمكن دى اهم ميزة فى العربية بس انا بالنسبالى الشد و الجرى مش حاجة ضرورية)
3) الاوبشنز و السعر (مافيش كلام العربية ما شاء الله كاملة من مجاميعه و السعر برده يعتبر ميزة)

عيوب:
1) الخامات و التقفيل ( انا لما ركبتها برده ماحستش ان الخامات بلاستيك او رخيصة اوى زى ما ساعات بض الناس بتصورها انا شايف انها مناسبة فى حدود الفئة السعرية بس المشكلة فى عيوب التقفيل و الاصوات الغريبة اللى ناس كتير من الركبين العربية بيشتكوا منه و اللى التوكيل ساعات كتير مش بيحلها او بيحلها بس على مرات كتيرة)
2) استهلاك البنزين (العربية سفاحة و يمكن علشان هى بتاعة جرى و انا زى ما قولت هتبقى سوافتى هادية بس موضوع الاستهلاك دى هيبقى عيب قاتل بالنسية لان كل مشوارى هتكون جوا البلد او بمعنى اصح كوبرى اكتوبر علشان مشوار الشغل)
3) الفرامل و التيل (ده برده ممكن يكون عيب قاتل مع ان المفروض يكون العكس يعنى ميزة قاتلة كفاية انها ABS & EBD بس الكلام فى الموضوع ده طويل جدا و بصراحة انا مجربتش اسوق العربية قبل كده علشان احكم ناس بتقول زى الفل و ناس بتقول زى التيييييت دا غير موضوع التيل و الاصوات و الطنابير و كل ده فى عربيات مش مكلمة 15 الف كيلو كلها نقاط مش فى صالح العربية طبعا)
4) اسعار قطع الغيار و الصيانة (غالية بس بالمقارنة مع باقى العربيات اعتقد كله غالى بس الفكرة ما يبقاش الفرق كبير بصراحة انا ما عنديش معلومات قوى فى الحتة دى ياريت تفيدونى)

فى الاخر كلمتين انا عاوز اقولهم

مادام انا مش عاوز شد و جرى يبقى خلاص بلاش جين علشان حرق البنزين

السعر بتاعها يعتبر كويس مقارنة بالعربيات التانية بس لو حسبنا مصاريف التشغيل (قطع غيار و صيانات و بنزين) هتبقى عربية غالية لان الموضوع مش موضوع سعر شراء فقط لان العربية يعنى مصاريف

انا فعلا بفكر بالطريقة دى يبقى القرار بعد استشارتكم

جين 2 نعم لا

[SonaSteel]

حاول تبعت تقرير مشاركة بنقل الموضوع لقسم المقارنات ... علشان يبقي في كذا رأي ممكن تتعتمد عليه بعد استخارة الله عز وجل طبعا :))

[tamerosman]

من الاخر لو حضرتك بتنظر للموضوع من الناحية الاقتصادية فقط و مايهمكش متعة القيادة و الاحساس الممتع بتاع سواقة الجين 2 يبقى خليك فى النسيان صنى لانها افضل اختيار بنفس السعر و فى كما رينو سكالا نازلة ب 95 الف بكماليات اكتر من الجين 2

[mmffor]

انا قريت كلامك بدقة و حذر و شوفت طلباتك

قدامك حل من اثنين

نيسان صني سوبر صالون + ازاز فاميه ب 103 الف و بعدين ركبلها كراسي طيارة ( الاتنين ب 5 باكو اصلي و 2500 تقليد)

او هيونداي اكسنت ار بي اوتو الجديدة و دي مش حتحتاج كراسي طيارة ليها

الاكسنت استهلاك بنزين ممتاز و اداء رياضي جدا و شكل طبعا جديد و رائع - قطع الغيار لم تتضح الصورة لسه لكن متوقع انها تكون غالية في البداية بس العربية زيرو فمفيش مشكله

الصني شكل جميل بس قديم شوية - اداء متميز - ثبات عالي جدا - قطع غيار متوفرة جدا و رخيصة - بس استهلاك بنزين عالي شوية ( اقل من الجين 2 عن تجربة )

[mmffor]

الرينو سكالا هي نفسها نيسان صني لكن بموتور مشترك بين رينو و نيسان اداء اقل شوية من نيسان لكن اعتقد موفر شوية في الوقود ( للعلم الصني حاليا عدلوا في الموتور و ركبوا حساس مشترك خفض استهلاك الوقود جدا جدا )

ممكن تحط سكالا في خياراتك و الشكل اللي يعجبك هو اللي يحكم - العربيتين واحد

[maxayma]

حاول تبعت تقرير مشاركة بنقل الموضوع لقسم المقارنات ... علشان يبقي في كذا رأي ممكن تتعتمد عليه بعد استخارة الله عز وجل طبعا :))

معارفش بصراحة ازاى بس انقل الموضوع انا عملته هنا اكتر لانى مش بقارن بين كذا عربية انا عاوز اعرف اشرتى جين و لا فى ضوء معلوماتى عن عيوبها و مميزتها و الحاجات اللى عايزها من العربية

لكن طبعا انا فكرت فى عربيات تانية زى الاكسنت ار بى و التيدا كمان

[maxayma]

من الاخر لو حضرتك بتنظر للموضوع من الناحية الاقتصادية فقط و مايهمكش متعة القيادة و الاحساس الممتع بتاع سواقة الجين 2 يبقى خليك فى النسيان صنى لانها افضل اختيار بنفس السعر و فى كما رينو سكالا نازلة ب 95 الف بكماليات اكتر من الجين 2

انا زى ما قولت اكيد فعلا احساس سواقة الجين مختلف بس فعلا مش من اولوياتى انا بالنسبة اهم ميزة فى الجين هى مواصفات الامان و ان كان ليا تحفظ شوية على الفرامل زى ما قولت فوق

اما الصنى بغض النظر حلوة او وحشة ان مش بحب شكلها الكلاسيكى علشان كده عمرى ما فكرت فيها و الاسكالا هى هى مع احتلاف فى الشكل شوية لصالح الاسكالا طبعا بس رينو دا غير انى مش عاوز عربية ابعادها جديدة علشان الزحمة و الركن و كده و انا كمان مشتجد فى السواقة

[maxayma]

انا قريت كلامك بدقة و حذر و شوفت طلباتك

قدامك حل من اثنين

نيسان صني سوبر صالون + ازاز فاميه ب 103 الف و بعدين ركبلها كراسي طيارة ( الاتنين ب 5 باكو اصلي و 2500 تقليد)

او هيونداي اكسنت ار بي اوتو الجديدة و دي مش حتحتاج كراسي طيارة ليها

الاكسنت استهلاك بنزين ممتاز و اداء رياضي جدا و شكل طبعا جديد و رائع - قطع الغيار لم تتضح الصورة لسه لكن متوقع انها تكون غالية في البداية بس العربية زيرو فمفيش مشكله

الصني شكل جميل بس قديم شوية - اداء متميز - ثبات عالي جدا - قطع غيار متوفرة جدا و رخيصة - بس استهلاك بنزين عالي شوية ( اقل من الجين 2 عن تجربة )

الصنى بصراحة مافكرتش فيها و انا رديت فوق عليها

هيونداي اكسنت ار بي اوتو الجديدة دى فعلا فكرت فيها بس المشكلة فى مواصفات الامان انا سألت و لقيت مافيش مهنا ب abs & ebd و لا اير باجز و لا جنط و انا بصراحة او اتنين دول مهمين عندى كامان طبعا

الموجود البيز اللى مافيهاش حاجة اللى 101 الف (الا لو اعتربنا ان الكراسى و الدركسيون و لاريال و السقف و البواب دول اوبشنز زى عموا غبور لما يبيع عربية فاضية و يعقد يكتيب اوبشنز فى البرشور)

و سالت فى المصرية قالى ان فى فئة مش موجودة بس كانت بتزل اعلى من البيز شوية قعد يقوالى مالتى فانكشن و بلوتوث (
مش فاهم ازاى دول اهم من عوامل الامان اللى كاتبتها فوق بالنسبة لغبور او بمعنى اصح بالنسبة للمصريين و هل اصلا قى فئة فيها الحاجات و هتكون بكام لانى سألت فى التوكيل بالتيلفون و قالى مافيش غير البيز بس بصراحة العربية كشكل حلوة)

[Mustafa_Farouk]

السلام عليكم،

لو حضرتك بتحب بروتون، يبقى حتجيب أي عربية منها، ساجا، بيرسونا أو جن 2, لازم تكون بتحبها عشان تعرف تتعامل معها، لكن لو حتجبها عشان سعرها مناسب وكماليات، يبقى لو أي حاجة حصلت فيها، حتفضل قافل منها وتقول يا ريت اللي جرى ما كان. دي وجهة نظري. لازم تحس إن مفيش حاجة تانية زيها، لا في الشكل ولا في الامكانيات ولا ولا ولا ولا ..... عشان تفضل ماليا عنيك طول الوقت مهما حصل فيها من أصوات أو أو أو .... ، فاهم وجهة نظري ؟

[tamerosman]

السلام عليكم،

لو حضرتك بتحب بروتون، يبقى حتجيب أي عربية منها، ساجا، بيرسونا أو جن 2, لازم تكون بتحبها عشان تعرف تتعامل معها، لكن لو حتجبها عشان سعرها مناسب وكماليات، يبقى لو أي حاجة حصلت فيها، حتفضل قافل منها وتقول يا ريت اللي جرى ما كان. دي وجهة نظري. لازم تحس إن مفيش حاجة تانية زيها، لا في الشكل ولا في الامكانيات ولا ولا ولا ولا ..... عشان تفضل ماليا عنيك طول الوقت مهما حصل فيها من أصوات أو أو أو .... ، فاهم وجهة نظري ؟

هو ده الكلام

الجين 2 عربية سعرها رخيص بالنسبة لامكانيتها بس هى مش عربية اقتصادية اطلاقا و لا فى البنزين و لا فى قطع الغيار و تقيلة فى اعادة البيع

الى يركبها لازم يكون بيحبها و غاويها و مستمتع بيها من ناحية الشكل و قوة المتور و الثبات و ده اللى هيصبره على اى عيوب تانية

[maxayma]

السلام عليكم،

لو حضرتك بتحب بروتون، يبقى حتجيب أي عربية منها، ساجا، بيرسونا أو جن 2, لازم تكون بتحبها عشان تعرف تتعامل معها، لكن لو حتجبها عشان سعرها مناسب وكماليات، يبقى لو أي حاجة حصلت فيها، حتفضل قافل منها وتقول يا ريت اللي جرى ما كان. دي وجهة نظري. لازم تحس إن مفيش حاجة تانية زيها، لا في الشكل ولا في الامكانيات ولا ولا ولا ولا ..... عشان تفضل ماليا عنيك طول الوقت مهما حصل فيها من أصوات أو أو أو .... ، فاهم وجهة نظري ؟

بصراحة الرد عليك هيكون صعب انا فاخم م جهة نظرك 100% علشان كده الرد هيكون صعب

انا فعلا بحب برتون و بحب الجين 2 بس بصراحة خايف من النقط اللى كاتبتها فوق لان زى ما انت عارف برده فى اوقات كتير الحب لوحده مش كفاية و يمكن كمان زى ما انا وضحت فوق اهم ميزة فيها للى هى الجرى و الثبات مش من اولوياتى انا اكتر حاجة محببانى فى العربية مواصفات الامان ثم الشكل

[alaa7sh]

أنا هشتري الجين 2 برضه وحجزتها وهجيبها كلام نهائي باذن الله لأني بعشق البروتون عموما والجين 2 خصوصا

بس عايز اسأل سؤال غبي شوية للناس اللي عندها جين 2 بعد فترة التليين:
تفتكروا كدة لو انا كل يوم بمشي في وسط البلد يوميا مسافة حوالي 10 محطات مترو يوميا ذهاب وعودة. شاملة احتمالية زحام الطريق ووقفة المرور + مرتين في الشهر سفر من القاهرة لأليكس.

تفتكروا كدة ده هيكلفني استهلاك بنزين بحد أقصي مبلغ كام شهريا ... تقريبا يعني ؟

السؤال غبي شوية بس عايز أهيا نفسي علي ميزانية بحد أقصي للشهر مخصصة لاستهلاك البنزين فقط.
علشان لما أجيبها ماتصدمش + أتكيف علي كدة وماكرهش العربية بسبب استهلاك البنزين.

مستني الرد ...

[prohossam]

الجين تو :
استهلاك بنزين : جيد
سعر اعادة البيع : ارتفع مبقاش زي الاول لان العربية اثبتت كفاءتها وانتشرت
قطع الغيار : التوكيل بدأ يقلل من اسعار قطع الغيار وتقدر تتابع الاسعار الجديدة من على جروب الفيس بوك

[maxayma]

أنا هشتري الجين 2 برضه وحجزتها وهجيبها كلام نهائي باذن الله لأني بعشق البروتون عموما والجين 2 خصوصا

بس عايز اسأل سؤال غبي شوية للناس اللي عندها جين 2 بعد فترة التليين:
تفتكروا كدة لو انا كل يوم بمشي في وسط البلد يوميا مسافة حوالي 10 محطات مترو يوميا ذهاب وعودة. شاملة احتمالية زحام الطريق ووقفة المرور + مرتين في الشهر سفر من القاهرة لأليكس.

تفتكروا كدة ده هيكلفني استهلاك بنزين بحد أقصي مبلغ كام شهريا ... تقريبا يعني ؟

السؤال غبي شوية بس عايز أهيا نفسي علي ميزانية بحد أقصي للشهر مخصصة لاستهلاك البنزين فقط.
علشان لما أجيبها ماتصدمش + أتكيف علي كدة وماكرهش العربية بسبب استهلاك البنزين.

مستني الرد ...

مبروك على الحجز و ان شاء الله عقبالى حجزت منين و ايه الالوان الموجودة و الاستلام امتى

ياريت فعلا حد يرد على موضوع الميزانية دى لانى زيك و بصراحة مش بفهم موضوع استهلاك البنزين بتاع الصفيحة و اللتر بيعمل كم انا كمان مشوارى الاساسى اليومى بتاع الشغل يعتبر من اول كوبرى اكتوبر من عند المنصة لحد اخره فى الدقى عند نادى الصيد رايح جاى و هيكون دا الاساسى ساعتها البنزين هيكلف كام شهريا برده يمكن الواحد لما يقسها كده يلاقى الواحد يقدر على مصاريف البنزين

[maxayma]

الجين تو :
استهلاك بنزين : جيد
سعر اعادة البيع : ارتفع مبقاش زي الاول لان العربية اثبتت كفاءتها وانتشرت
قطع الغيار : التوكيل بدأ يقلل من اسعار قطع الغيار وتقدر تتابع الاسعار الجديدة من على جروب الفيس بوك

انا مش فارق معايا اعادة البيع مادام العربية اعتمادية ة هتعيش و متابع هنا المواضيع بخصوص ارتفاع سعر اعادة البيع و فعلا العربية فى انتشار و دى حاجة كويسة طبعا ربنا يبارك لصحابها

قطع الغيار انا شوفت فعلا القائمة الجديدة و متهايلى ناس كتير شايفة ان فى حاجات كويسة و حاجات مبالغ فيها بس الاكيد ان انتشار العربية فى ازدياد و ده اكيد حاجة بتخدم العربية انا يهمنى ان قطع الغيار تبقى موجودة حتى لو غالية سيكة مع مراعاه انها عربية تحت 100 الف يبقى قطع غيارها تكون زى اللى فى نفس الفئة او اغلى شوية بحكم الانتشار و ان التوكيل ربنا يهديه و الحاجة تتغير او تصلح مرة واحدة و مش لازم اعمل هناك ابونيه