موعد تسليم الدفعة الجديدة من الجين 2

[M_HaFeZ]

يبقى تصبر وتاخد كل الفرق ده ( موتور حديث ميقولكش لأ على اي سرعة بقوة 125 حصان ، فرش جلد ، جنوط جديدة تحفه ، صالون اجمل بكتير جدا ، اكصدام روعة ، فوانيس سوداء ، نظام زجاج كهربائي جديد ، تقفيل خالي من العيوب زي ما اللي نزلت عندهم قالو ، طابلوه اشيك ، خامات الصالون افضل كثيراً ) ...

فوانيس سوداء .؟؟؟ ودى اللى لما تنورها الدنيا تبقى كحل :D

[Eng.Sameh]

فوانيس سوداء .؟؟؟ ودى اللى لما تنورها الدنيا تبقى كحل :D

لأ ، بس بتنورها بالنهار ، وتجيب عربية غيرها تمشي بيها بالليل

[Eng.Sameh]

ِوادي الصور عشان الناس اللي مكسله تدوس على اللينك

[mazagnge]

justs .... الغالي

أولا ً : انا لما كنت بقول اللنك مفيهوش صور ... دي كانت نكتة :D لكن غرضي شريف :)

ثانيا ً : النقطة اللي حابب أكلمك فيها هي .... كل الكلام اللي أنت بتقولة دة جميل و أنا معجب بمعلوماتك عن العربية و دفاعك عنها و هي فعلا ً تستحق ..... :o
لكن .... أنت نسيت أهم حاجة : أحنا هنا في مصـــر و كل المقايس مختلفة عن الخارج .
فممكن حاجات كثير من اللي أنت متوقعها ما تجيش عشان الوكيل يقتصد في السعر و يكسب ميزة تنافسية في السعر .
يعني أنا مثلا ً : متوقع أن العربية ما تجيش بفرش جلد .... لأن دة ها يرفع الشريحة الجمركية بتاعتها دة أعتقاد شخصي :p

المهم : ما أطولش عليك .... أغلبية الشلة بتاعه بروتن اللي أشترت الان او اللي لسة زى حالتي مستنية الفرج كانت منتظرة الموديل اللي أنت بتتكلم علية و كل الموقع الاجنبية كانت بتقول ان دة هينزل أول 2008 و هو الموديل اللي أتعرض في كل معارض السيارت العالمية كـــ 2008 لكن الحقيقة الواقعه أن اللي أتعرض في مصر هو 2007 معدل و من غير الموتور الكامبارو حتي ، و لما فوجئنا بالوضع كلنا صدمنا و طلع صاروخ من نافوخنا و في ناس قالت كلام يعاقب علية القانون :D

---- فأنا و أنت و باقي الزملاء على الله في أنتظار الفرج و انتظار التوكيل ها يعمل اية و صدقني كل اللي بيقول معلومات دلوقت دة بيثبت زبون سواء مستر حبيب أو مستر محسن صالح أو حتي مستر أكس ..... و في النهاية هايقولك دة اللي عندي تاخدة و لا لأ :( ----

و أتمني أنك ما تزعلش مني في البوقين اللي فوق و أعتبرني أخوك الصغير و بدردش معاك

[Eng.Sameh]

حبيب قلبي ...... mazagnge
اولا انا مقدرش ازعل منك ، وانت يا باش ما قولتش حاجه تزعل ، ةعموما اللي انا اعرفه من مستر حبيب انه هينزل مجموعة هاي لاين بنفس المواصفات، بس هينزل مجموعة قليلة ( قالي حوالي 20 عربية ) ، لكن الأساسي عندو هيبقى الميديم لاين، وانه لسه مأكد على المعلومة دي منه امبارح بالاميل ،
..وبالنسبة لوقت نزولها ، بالكتير قوي الدفعة اللي بعد الجاية وده مش بمزاجهم لأن القديمة مجرد مخزون وبيتوزع على اكتر من دوله ، واخيراً ومن غير محد يزعل انا عن نفسي لو منزلتش الهاي لاين وزي ماهي بره ، مش هشتري جين2 خالص ، لأن اللي موجوده دلوقتي مش عاجبني صالونها وموضوع فجوة الموتور ده بالذات ، وكمان بالذات ان خلاص العربية نزل منها موديل احدث وفارق كتير جدا عن القديم ( دي الناس ساعات بتبقى خايفة تشتري عربية احسن شكلها يتغير بعد سنة او اثنين ، اروح انا اشتري عربية اتغيرت خلاص !!!!!) ، ولو نزلو الجديدة ميديم لاين بردو مش هتبقى قوي عشان مفيهاش ABS , EBD ، وهبقى اشوف بقى ساعتها هعمل ايه ، يمكن اجيب سيت 1300 ووفر كمان في البنزين ( اللي هيغلى قوي ، ربنا يولع فيهم )

والسلام ختام ، رفيق الكفاح

[mazagnge]

جميل جداً justs و أنا متفق معاك في الكلام دة

خصوصا ً الجزئية الخاصة بــ (ربنا يولع فيهم )

[AhmedGen2]

طب انا شكلى هخلع انا يا رجالة واجيب هوندا سيتى :D :D

البنزيـــــــن اترفع مش ارتفع :D ..

تصدقوا لو الجين 2 1300 سى سى اللى بتنزل برة دى نزلوها مصر ، مش قادر أقولك عاللى هيحصل ، حد يعرف ليه مش بينزل منها 1300 :o ..

[Eng.Sameh]

على فكره ، قصدي هوندا سيتي ، وعلى فكره انا زودت كلام في الرسالة اللي فاتت يا ريت تقراها تاني وترد عليه !!!! ماهو احنا لازم نعرفلنا بر !

[Eng.Sameh]

يا جماعة انتو فين ، انا عمال ادور لحد فوق ال 100000(بس مش بكتير ، افين ثلاثة يعني عشان مش بحب اقسط)، ومش لاقي حاجه تطلع الجين2 الجديدة من دماغي ، وكمان روحت منتدى الهوندا، اشوف اخبار السيتي ، بس بصراحة اقل بكتييييييييير في حاجات كتيييييييييير ، ومش عارف اعمل ايه بعد البنزين اللي فرقع ده ( الاهي تفرقع فيهم كل بنزينات مصر ، قولو آمين )

[mazagnge]

justs
يا خـــوي

أســـتنا لمـــا نشوف أسعـــار العربيات ها توصل لفين بعد موضوع البنزين دة + رفع رسوم الترخيص

[Eng.Sameh]

لو الاسعار مقاتش عمرها ما هتزيد، لان الاقبال اكيد هيقل على العربيات

[AhmedGen2]

أحسن يا عم انا مش عايز حد يشتريها عشان الحق اجيبها بسعر قليل ، العربية سعرها هيزيد قدام وهتشوف ...

بس قول يااارب تكون موفرة فى البنزين..

[Eng.Sameh]

والله موفرة مش موفرة ، ان شاء الله هجيبها ، وان شالله اركبها مرة في الأسبوع ، انا خلاص العربية دي عششت في نافوخي ، ومفيش عربية تاني هطلعها ، بس المهم تيجي قريب ، ومتقلش اي حاجه عن بره

[mazagnge]

كلة علي الله

و يا خبر بفلوس بكرة ببلاش

و يا بخت من قدر و عفي

و من قدم شىء بأيدة التقـــاة

و لا حول و لا قوة إلا بالله

[Eng.Sameh]

وهنيالك يا فاعل الخير والثواب