جوان وش السلندر

[ahmedmokhtar]

بسم الله الرحمن الرحيم

عندى شوية استفسارات واتمنى مساعدتكم

نوع العربية : جين 2 موديل 2008 - مانيوال

الموضوع الاول : العربية سخنت منى جامد شوية والمؤشر عدى الـ 90 وده اكتشفت انه كان بسبب ان الرادياتير اتخرم المهم روحت عملت الرادياتير وبقى تمام وبرضو الحرارة بتعلى يعنى خلال ربع ساعة ممكن توصل للأحمر بس انا مش بوصلها لكده المهم الراجل بتاع الرادياتير قالى ده جوان وش السلندر لان لما بزود المية فى الريادياتير بتنطر مية وفعلا انا دخلت قريت عن الموضوع ده كتير

- النتيجة انى لازم اغير الجوان ده ولكن انا قلقان من كذا حاجة بعد ماقريت فى الحوار ده

1- فى نوعين من الجوانات جنجريد (مصرى طبعا ) وده عامل 40 جم وده الميكانيكى بيقولى عليه حلو اوى وبيظبط علطول واللى فهمته من الكلام الـ على النت انه الجنجريد بيتطلب قشط وش السلندر وخراطة وماشابه من الكلام ده وحاسس ان الميكانيكية بيحبوا النوع ده عشان بيعرفوا يتعاملوا من خامة الجنجريد دى بس اللى عرفته ان طالما وش السلندر او الجوان مش فاهم اوى اتعمل فيه قشط وتظبيط يبقى كده لو المشكلة دى اتكررت هضطر اركب جوانين عشان اعوض المساحة اللى راحت وطبعا وقتها لازم يبقى جنجريد وبصراحة حاسس انى هدخل فى متاهات وقتها

2- الجوان الصاج ( الالمونيوم ) طبعا ده بتاع العربية الاصلى لو جبته وركبته اللى فهمته لازم يبقى مظبوط بالملى لانه مفهوش لعب بس سمعت انه مع الوقت بيحتاج يتقرط عليه وكذا واحد بيقول انه بيفشل مع الوقت لانه مش بيظبط مع وش السلندر علطول وهتضطر تروح للميكانيكى كذا مرة معئنى حاسس ان دا الاختيار الصح


اسئلتى وعايز خبراتكم عشان انا مش بثق فى فهلوة الصنايعية

1- ايه الطريق المثالى لتغيير جوان وش السلندر عشان ميسببش اى مشاكل مستقبلا ؟
2- ايه الحاجات اللى لازم ابقى مفتح عينى اوى مع الميكانيكى وهو شغال عشان ميبوظش حاجة ويستغفلنى ؟
3- الجوان بتاع الجين ده بيعمل فى حدود كام واجيبه منين اضمن مكان
4- انا فى الجيزة والعربية بتسخن على الاخر لما بتحرك بيها مين اقرب ميكانيكى او ورشة اقدر اعمل فيها الكلام ده بشرط انى اثق فيه تماما
5- مع تغيير الجوان هل فى حاجات جانبية لازم تتغير او تتعمل وكام تكلفتها ؟
6- مصنعية التركيب هل مكلفة علما انى سألت واحد وقالى 300 جم وعايزه جنجريد وروحت سألت محل قطع غيار فى نفس الوقت بتاع قطع غيار يابانى وكورى وقالى لو هتغير الجوان المصنعية لا تتعدى الـ 100 جم ؟
7- الوقت المستغرق للعملية دى فى حدود قد ايه ؟


واتمنى المشاركة حتى مش شرط اللى يجاوبنى على كل حاجة بس اى حد عنده خبره فى نقطة واحد بس يرد عليا انا مش عايز اغلط فقط فى تصليح العربية عشان ربنا يحفظنا وتعيش اطول عمر بدون مشاكل

وشكرا واسف على الاطالة مع العلم ان اجازتى السبت غدا المفروض ابدأ اصلحها فى النهاردة او بكرة قبل دخلة رمضان

[ramyar]

السلام عليكم ورحمه الله
استاذ احمد مختار
طالما العربيه سخنت للرجه اللي بتقول عليها يبقي عندك مشكله في الوش (وش السلندر)
وطالما بتقول ان الميه بتطلع او بتنطر من الردياتير
بس انا عايز اسال سؤال الميه بتنطر من الردياتير باستمرار ولا ايه
عموما احب اطمنك ان الجوانات الجرنجريت ممتازه جدا لانها معموله مخصوص لوش السلندر الي بيبقي في قشط او عالي وواطي
لاكن لو الوش استاندرد هات الجوان الصاج
وش السلندر لما بيسخن فوق المعدل بيقفع ولازم يتقشط عشان يساوي العالي والواطي الي حصل فيه وعشان تعوض الفرق الي اتقشط الي لا يطاد يزكر تقريبا بيكون 0.25 ساو يعني حاجه كده اقل من نص مليمتر بيركب الجوان الجرنجريت لتعويض الفرق
الجوان الصاج لو الوش استاندرد
اما بي النسبه للميكانيكي لو انتا مش مامن ليه ماتعملش الشغلانه عنده وعلي فكره ممكن وهوا شغال يقولك سير الكاتينه محتاج يتغير والبليه كمان بي المره طالما فكينا
واتوقع ان ممكن الوش يروح لحد عشان يظبط القواعد بتاعت الصبابات
بس لغايه كده الراجل الميكانيكي ده بيتكلم صح الجوان الجرنجريت احسنلك من الصاج

[SonaSteel]

السلام عليكم
ربنا يصبرك اخي الكريم ... وتعدي علي خير ان شاء الله وقدر الله وماشاء فعل
انا عملت برده نص العمرة ديه في البولو .... وهي وصلت نص عمرة علشان السخونة كانت وصلت للبساتم
فإن شاء الله تكون البساتم عندك سليمة ومتحتاجش تتغير
بالنسبة للجوان الميكانيكي قالي الجينجريد واشتريته بتاع 40 جنيه برده بس 100 جنيه ده قليل اوي
لانه زي ما بتقول بيخرط الوش واغلبية التكلفة بيكون للخراط من للميكانيكي .
بالنسبة للأسئلة انا هارد علي اللي اعرفه وربنا ييسرلك الخير
1-الطريقة المثلي اللي هي هايخرط الوش ويركب الجوان وعادي يعني
2-ديه بقي توكل الله عز وجل فيها ... وتدعي ربنا انه يكون أمين ... بس ممكن تروح معاه في كل مشوار يروحه (لاني دفعت في النص عمرة ديه مبلغ كببببببير اوي لاني مكنتش معاه)
3- اخواني في المنتدي يفيدوك ... بس البولو كان عامل بتاع 190 جنيه الصاج
4-انت هاتوديها للميكانيكي وتحركك كله هايبقي مواصلات او اي عربية تاني ... وحاول توديهاله لو هو بعيد في يوم جمعه زي دلوقتي علشان نتقفش كتير في الزحمة ... وخلي معاه جركن مية علشان لو نقصت .. ولو عايز تقطرها يبقي خير وبركة.
5- زي ما قلتلك ربنا يستر ومتكنش السخونة وصلت للبساتم او يكون في صباب ولا حاجة مش شغال... وكله شغل خراطة برده
6- منت لو هاتغير جوان بـــــــــــــس مش هاياخد بتاع 100 جنيه ... طيب فين الخراطة وفين لا قدر الله تكلفة اي حاجة تانية؟؟
7-الوقت : انا سيبتله العربية يومين
يوم فك فيه الماتور لغاية البساتم ويوم للخراط الصبح وقفل الماتور بليل
يارب اكون افدتك ...... وربنا يتمهالك بالخير ويكفيك شر اعطال العربية
اقعد بالعافية :))

[ahmedmokhtar]

السلام عليكم ورحمه الله
استاذ احمد مختار
طالما العربيه سخنت للرجه اللي بتقول عليها يبقي عندك مشكله في الوش (وش السلندر)
وطالما بتقول ان الميه بتطلع او بتنطر من الردياتير
بس انا عايز اسال سؤال الميه بتنطر من الردياتير باستمرار ولا ايه
عموما احب اطمنك ان الجوانات الجرنجريت ممتازه جدا لانها معموله مخصوص لوش السلندر الي بيبقي في قشط او عالي وواطي
لاكن لو الوش استاندرد هات الجوان الصاج
وش السلندر لما بيسخن فوق المعدل بيقفع ولازم يتقشط عشان يساوي العالي والواطي الي حصل فيه وعشان تعوض الفرق الي اتقشط الي لا يطاد يزكر تقريبا بيكون 0.25 ساو يعني حاجه كده اقل من نص مليمتر بيركب الجوان الجرنجريت لتعويض الفرق
الجوان الصاج لو الوش استاندرد
اما بي النسبه للميكانيكي لو انتا مش مامن ليه ماتعملش الشغلانه عنده وعلي فكره ممكن وهوا شغال يقولك سير الكاتينه محتاج يتغير والبليه كمان بي المره طالما فكينا
واتوقع ان ممكن الوش يروح لحد عشان يظبط القواعد بتاعت الصبابات
بس لغايه كده الراجل الميكانيكي ده بيتكلم صح الجوان الجرنجريت احسنلك من الصاج

المية مش بتنطر بأستمرار وكمان مش كل المية بتطلع منه
كمان العربية موصلتش لدرجة السخونة العالية انا مجرد بقولك انها ممكن لو مبطلتهاش بتوقع انها توصل للمؤشر الاحمر

عندى استفسار على كلامك افتراضا الوش فيه حتت عالى وواطى وانا عايز اجيب الجوان الستاندرد الصاج هيبقى فى مشكلة ف تركيبه برضو ؟ يعنى لازم الوش يتظبط الاول ووقتها الصاج كده هيركب صح عليه ولا ايه بالظبط عايز افهم القصة دى بالظبط بعد اذنك علما انى احتمال اجيبه من التوكيل وقالولى زى اللى موجود فى العربية بالظبط

كمان محدش رد عليا فى موضوع الجنجريد لما بيركب بعد كده لو اتكرر الموضوع ده هحتاج برضو اجبارى وقتها الجوان الجنجريد ويمكن احتاج اتنين مش واحد ووقتها استحالة اركب الصاج خلاص وبصراحة انا مش عايز اغير فى خامات العربية انا بميل ان الحاجة اللى تبوظ تيجى زيها نفس الخامات فأيه رأى حضرتك ورأى الناس علما انى اشتريت العربية فى 2008 من كلام الناس عليها هنا

[ahmedmokhtar]

السلام عليكم
ربنا يصبرك اخي الكريم ... وتعدي علي خير ان شاء الله وقدر الله وماشاء فعل
انا عملت برده نص العمرة ديه في البولو .... وهي وصلت نص عمرة علشان السخونة كانت وصلت للبساتم
فإن شاء الله تكون البساتم عندك سليمة ومتحتاجش تتغير
بالنسبة للجوان الميكانيكي قالي الجينجريد واشتريته بتاع 40 جنيه برده بس 100 جنيه ده قليل اوي
لانه زي ما بتقول بيخرط الوش واغلبية التكلفة بيكون للخراط من للميكانيكي .
بالنسبة للأسئلة انا هارد علي اللي اعرفه وربنا ييسرلك الخير
1-الطريقة المثلي اللي هي هايخرط الوش ويركب الجوان وعادي يعني
2-ديه بقي توكل الله عز وجل فيها ... وتدعي ربنا انه يكون أمين ... بس ممكن تروح معاه في كل مشوار يروحه (لاني دفعت في النص عمرة ديه مبلغ كببببببير اوي لاني مكنتش معاه)
3- اخواني في المنتدي يفيدوك ... بس البولو كان عامل بتاع 190 جنيه الصاج
4-انت هاتوديها للميكانيكي وتحركك كله هايبقي مواصلات او اي عربية تاني ... وحاول توديهاله لو هو بعيد في يوم جمعه زي دلوقتي علشان نتقفش كتير في الزحمة ... وخلي معاه جركن مية علشان لو نقصت .. ولو عايز تقطرها يبقي خير وبركة.
5- زي ما قلتلك ربنا يستر ومتكنش السخونة وصلت للبساتم او يكون في صباب ولا حاجة مش شغال... وكله شغل خراطة برده
6- منت لو هاتغير جوان بـــــــــــــس مش هاياخد بتاع 100 جنيه ... طيب فين الخراطة وفين لا قدر الله تكلفة اي حاجة تانية؟؟
7-الوقت : انا سيبتله العربية يومين
يوم فك فيه الماتور لغاية البساتم ويوم للخراط الصبح وقفل الماتور بليل
يارب اكون افدتك ...... وربنا يتمهالك بالخير ويكفيك شر اعطال العربية
اقعد بالعافية :))

انت قلقتنى بصراحة بكلامك قد كده الموضوع اللى عندى كبير معئن الميكانيكية بيقولوا جوان وان شاء الله بسيطة وانت وصلتنى لنص عمره

انا بهزر معاك بس انا خبرتى قليلة فكلامك قلقنى جامد الحقيقة وحسسنى ان العربية تترمى احسن

[SonaSteel]

انت قلقتنى بصراحة بكلامك قد كده الموضوع اللى عندى كبير معئن الميكانيكية بيقولوا جوان وان شاء الله بسيطة وانت وصلتنى لنص عمره

انا بهزر معاك بس انا خبرتى قليلة فكلامك قلقنى جامد الحقيقة وحسسنى ان العربية تترمى احسن

ههههههههههههه ..... ياراجل اتقي الله
ترمي العربية ....... ده كلام برده؟؟؟
لا انت تفككها وتبيعها احسن ...... هههههههههههههههههههه
لا متقلقش هي الخضة بس ....يعني انا اللي كنت افهم فيها ... الكلام ده كله عرفته من موضوع البولو ده.. والحمد لله علي كل حال .. والحمد لله انها جت في البولو
بص انا مش عايز اخضك ... بس غالبا لما بيحصل حاجة للجوان او قفع ولا حاجة لازم هاتوصل مية للبساتم
ممكن ميكنش فيهم حاجة وممكن تحتاج طقم شنبر وممكن لأ
كله هايبان لما تفتح الماتور ...... انا بقلك لإن الميكانيكي قالي انه جوان بس ... ولما فتح لقي صباب مش شغال وطقم الشنبر اتلسع وعماله تفتح في فلوس ... وشكلي اتنصب عليا والله اعلم بس مش مشكلة خدت الشر وراحت
فانا بقولك تاخد بالك من ايه ومن ايه علشان متصرفش فلوس علي الفاضي.
انا واحد صاحبي اللي عملته موضوع السيينا في منتدي فيات قالوله في التوكيل انت محتاج ماتور .... ولما راح لميكانيكي في العجوزة فك الماتور وقاله هانركب جوان وش سلندر بس ..... فكلمني قلتله ادام كده كده فتحت الماتور ركب الجوان وطقم الشنبر ده بحوالي 120 جنيه مش قضية يعني .... المهم انك فتحت الماتور وركبهم وان شاء الله هاتظبط
والبولو ظبطت معايا ماشاء الله في اخر ايامها وبقيت عربية طبيعية.
انت بس لو ربنا كرمك بميكانيكي يتقي الله ...... انت كده العربية مشيت
حاول تروح لواحد معرفة واللي يعرفه ده يعرفه اووي ... ولو ملقتش يبقي تتوكل الله عز وجل وتفوض امرك لله وتعملها عند اقرب ميكانيكي ليك وربنا ييسرلك الخير.

[ahmedmokhtar]

ههههههههههههه ..... ياراجل اتقي الله
ترمي العربية ....... ده كلام برده؟؟؟
لا انت تفككها وتبيعها احسن ...... هههههههههههههههههههه
لا متقلقش هي الخضة بس ....يعني انا اللي كنت افهم فيها ... الكلام ده كله عرفته من موضوع البولو ده.. والحمد لله علي كل حال .. والحمد لله انها جت في البولو
بص انا مش عايز اخضك ... بس غالبا لما بيحصل حاجة للجوان او قفع ولا حاجة لازم هاتوصل مية للبساتم
ممكن ميكنش فيهم حاجة وممكن تحتاج طقم شنبر وممكن لأ
كله هايبان لما تفتح الماتور ...... انا بقلك لإن الميكانيكي قالي انه جوان بس ... ولما فتح لقي صباب مش شغال وطقم الشنبر اتلسع وعماله تفتح في فلوس ... وشكلي اتنصب عليا والله اعلم بس مش مشكلة خدت الشر وراحت
فانا بقولك تاخد بالك من ايه ومن ايه علشان متصرفش فلوس علي الفاضي.
انا واحد صاحبي اللي عملته موضوع السيينا في منتدي فيات قالوله في التوكيل انت محتاج ماتور .... ولما راح لميكانيكي في العجوزة فك الماتور وقاله هانركب جوان وش سلندر بس ..... فكلمني قلتله ادام كده كده فتحت الماتور ركب الجوان وطقم الشنبر ده بحوالي 120 جنيه مش قضية يعني .... المهم انك فتحت الماتور وركبهم وان شاء الله هاتظبط
والبولو ظبطت معايا ماشاء الله في اخر ايامها وبقيت عربية طبيعية.
انت بس لو ربنا كرمك بميكانيكي يتقي الله ...... انت كده العربية مشيت
حاول تروح لواحد معرفة واللي يعرفه ده يعرفه اووي ... ولو ملقتش يبقي تتوكل الله عز وجل وتفوض امرك لله وتعملها عند اقرب ميكانيكي ليك وربنا ييسرلك الخير.

ربنا يسهلها ان شاء الله بكرة وميطلعش فيها مشاكل كبيرة اتأثرت بالحرارة ومتشكر جدا جدا لمساعدتك بجد والله اغلب الناس اللى فى المنتدى هنا محترمين جدا والواحد بيتشرف بيهم


وياريت برضو اللى عنده اضافات او اى خبرات اخرى يقولها خصوصا انى مايل للجوان الصاج انا نفسى افهم لو جبت الجوان الصاج الاصلى للعربية هحتاج اقشط برضو ؟؟ ولو هحتاج قشط طب مهو الجوان الصاج كده مش هيبقى مناسب كمقاس وازاى هيقدر يعوض المساحة اللى اتقشطت دى لو جوان صاج

الجنجريد دا مصرى وخايف منه خصوصا ان مترتب عليه خراطة وكلام من دا انا مش عايز العب فى حاجة انا عايز اغير حاجة بحاجة عشان لو حصل اى مشكلة مشابه فى المستقبل برضو تتغير تانى مش وقتها حد ييجى يقولى اصلك قشط واصلك عملت فلازم تجيب جنجريد والكلام دا

[ahmedmokhtar]

up Plz

[tutankhamoun]

السلام عليكم أستاذ أحمد
أولا رمضان كريم و كل سنة و أنت طيب

أنت مش هاينفع تركب الجوان المعدن طالما حصل سخونة
القشط و الخرط لازم يتم .... لازم ...... ده مفيش مفر منه .
و الجوان المعدن مينفعش ..... واخد بالك ...... مينفعش .
لما بيحصل سخونة بيحصل عدم مساوة في حواف وش السلندر و لذلك الجوان المعدن مش هاينفع لأنه هايسرب.
أما جنجريد فهو الأفضل علشان مرن و بيعمل سد لو فيه حاجة واطية أو عالية بسبب مرونته .
أهم حاجة الميكانيكي اللي هايشتغل في العربية يكون ميكانيكي كويس و لما يعمل خرط يكون بسيط .
أنا عملت الموضوع ده قبل كدا و خلصت الموضوع كله في 6 ساعات فضلت قاعد مع الميكانيكي لغاية لما خلص و شوفته بيعمل أيه .
لا تقلق و الموضوع بسيط إن شاء الله .

ملحوظة
(بالنسبة للأسم بتاع الجوان - جنجريد - أول مرة أعرف أن أسمه كدا )

[tutankhamoun]

عملته في عربية بونتو بالمناسبة

[tamerosman]

انشاء الله يكون الموضوع بسيط بس بلاش تمشى بالعربية خالص معلش ضحى بالتكلفة شوية و ارفعها على عربية انقاذ

مركز عصام و صفا كل الناس بتشكر فيه هنا و على جروبات الفيس بوك ممكن حضرتك تخليهم يعملو مقايسة

فى مكانيكية بيبقوا متخصصين فى عمرات و اصلاج المواتير ياريت حضرتك تشوف واحد منهم موثوق فيه و ممكن تعمل موضوع على المتدى العام او ورشة نايل متورز و تسال عن ميكانيكى يكون شاطر و امين


ياريت حضرتك تشرح لنا ازاى الردياتير اتخرم ( يعنى خد خبطة ) و لا خرطوم بيسرب علشان نتجنب كلنا المشكلة دى