إزاى يا وحوش قدرتم تقفوا ضد التيار الكورى الجارف وتشتروا البروتون ؟

[Ghosts]

كل سنة وأنتم طيبين يا أحلى بروتوناوية فى الدنيا ....
عايز أسئلكم سؤال محيرنى أوى ....

إزاى يا وحوش قدرتم تقفوا ضد التيار الكورى الجارف وتشتروا البروتون ؟
أنا أصلى عايز أغير عربيتى وأجيب الجين 2 ....
بس الأصحاب والقرايب والمجتمع والناس مش سايبنى فى وهاتك يا زن ....
والكلام اللى بيتقال بقى :
هات عربية ليك وللسوق ....
هات حاجة هيونداى ....
سعر أعادة البيع ....

أنا حابب الجين 2 جدآ بس ناس كتير بترشح لى الأكسنت Rb....
و الزن على الودان أمر من السحر ....
قولولى أعمل أية ؟

[sayed911]

هات عربية انتا مقتنع بيها !! عربية ها تقبلها بحلوها ومرها !! + مين قال انه الجين2 ملهاش سوق :d حضرتك كنت محتاج تشوف العربية دي في 2006 هههه :d + تعالى نقارن بين الإتنين ونشوف ايهما افضل بأرقام وحقائق ووقائع !! احنا بنقارن ميزة امام ميزة وعيب امام عيب !! الجين 2 عربية ليس عليها من غبار في مصر من شئ مش معنى كده انه الـ rb فيها حاجة حاشى لله ولكن انا بتكلم من مبدأ انه ايهم اتعرفت اكتر واتهرست كمان !!

[ashouhdy]

ياراجل دة تالت موضوع تعملة عن العربيتيتن دول والله قلتلك المفيد بدون تحيز انا كدة كدة لا حجيب دى ولا دى انا ان شاء الله حجيب كارينز :)))

المهم لو معاك تجيب الاكسينت الار بى ال هاى لاين يبقى تمام اوى لو معكش يبقى البروتون

لا تتنازل عن ال abs فى اى عربية تجيبها

[eng.m7md.ali]

انا هقولك حاجة جايز تفيدك

دلوقتي لو بنتكلم عن السوق وقطع الغيار وسعر اعادة البيع لو مثلا وفرضا حضرتك اشتريت عربية ولكن مثلا فيراري وقدامك انك تجيب عربية مثلا ام 6 وليها توكيل وقطع غيار والكلام ده كله
طبعا الفيراري ملهاش ولا سوق ولا قطع غيار في مصر ومحدش بيفكر يجيبها غير في الاحلام
وانت معاك فلووس تجيبها ومش فارقة معاك وبتنام وتصحى تحلم بيها هل هتفكر انك تجيبها بس علشان تبيعها ولا علشان تستمتع بيها وتكون مميز انك انا الوحيد في وسط الناس معه العربية دي؟؟
نفس الكلام ينطبق على الفيراري قصدي البروتون يعني بس الفرق هنا انها ليها قطع غيار وتوكيل وسعر اعادة البيع مش ضعيفة زي مالناس فاهمة

انا من حوالي 5 سنين اول مرة شوفت الجين2 بصراحة دخلت قلبي من نظرة واحدة ولما ناويت اجيب العربية اتصدمت لان المعرض اللي العيلة تتعامل معاه وراجل معرفة ضحك عليا وقالي الجين2 انتاجها وقف ومش هتنزل تاني
طبعا علشان مخرجش برة العيلة جبت الواجا مع ان الجين2 في قلبي لحد دلوقتي وبحبها بس علشانها حبيت بروتون كلها وكان قدامي ساعتها النيو اكسنت لان انا كان معايا الافيو وبصراحة حرام ادفع كل ده فيها
طبعا من هنا لهنا الباشا صاحب المعرض حاول يقنعني انها عربية تعبانة وملهاش وكيل ولا قطع غيار وغاليا على الفاضي والكلام ده كله
بس برده صممت على رايي وجبتها وده الجانب الحلو من الحكاية
اما الجانب الوحش ان العربية كان فيها عيوب صناعة كتير للاسف انا عارف ان حظي مش لطيف ووقعت في عربية تعبانة لكن مش كل البروتون كدة
ومن بعض الحاجة اللي اتغيرت في الضمان ويارب يبقى نصيبك احسن مني لو ان شاء الله هتجيب بروتون
-علبة الدريكسيون اتغيرت مرتين وهستني تالت مرة بس مش موجودة في التوكيل
-مكن الازاز مرتين الشمال ومرة اليمين ومحتاجة تاني تتغير ومش موجودة
-اوليسهات بلية العجل ومش موجودة
-تغيير بليتين عجل امامي
كمان للاسف بعض المشاكل اللي ملهاش حل في الوكيل بقى زي استهلاك البنزين مثلا والاصوات والكلام ده كله

[Ghosts]

ياراجل دة تالت موضوع تعملة عن العربيتيتن دول والله قلتلك المفيد بدون تحيز انا كدة كدة لا حجيب دى ولا دى انا ان شاء الله حجيب كارينز :)))

المهم لو معاك تجيب الاكسينت الار بى ال هاى لاين يبقى تمام اوى لو معكش يبقى البروتون

لا تتنازل عن ال abs فى اى عربية تجيبها

أنا دوشتكم معايا ....
معلش أستحملونى شوية ....
هو الواحد بيشترى عربية كل يوم ؟
كلام حضرتك زى الفل و على عينى وراسى ....
ومش هتنازل أبدآ أبدآ عن ال Abs مهما يكوووووون .....
تصدق حضرتك أنا لما أقول لحد Abs &ebd وعوامل الأمان يقول لى :
لا حول ولا قوة إلا باللة أنت يابنى قعادك أدام منتديات العربيات جننتك كل اللى بتقولة دة مش مهم ....

[Ghosts]

اما الجانب الوحش ان العربية كان فيها عيوب صناعة كتير للاسف انا عارف ان حظي مش لطيف ووقعت في عربية تعبانة لكن مش كل البروتون كدة
ومن بعض الحاجة اللي اتغيرت في الضمان ويارب يبقى نصيبك احسن مني لو ان شاء الله هتجيب بروتون
-علبة الدريكسيون اتغيرت مرتين وهستني تالت مرة بس مش موجودة في التوكيل
-مكن الازاز مرتين الشمال ومرة اليمين ومحتاجة تاني تتغير ومش موجودة
-اوليسهات بلية العجل ومش موجودة
-تغيير بليتين عجل امامي
كمان للاسف بعض المشاكل اللي ملهاش حل في الوكيل بقى زي استهلاك البنزين مثلا والاصوات والكلام ده كله

لأ لأ لأ ....
متقفلنيش أكتر من كدة أبوس أيدك ....

[eng.m7md.ali]

لأ لأ لأ ....
متقفلنيش أكتر من كدة أبوس أيدك ....

معلش كان لازم اقولك اللي ليك واللي عليك علشان لو حصل حاجة لاقدر الله متدعيش علينا ههههههههههههههههههههه
ان شاء الله يبقى نصيبك في عربية كويسة ومفهاش الهوا

[Ghosts]

معلش كان لازم اقولك اللي ليك واللي عليك علشان لو حصل حاجة لاقدر الله متدعيش علينا ههههههههههههههههههههه
ان شاء الله يبقى نصيبك في عربية كويسة ومفهاش الهوا

كلام حضرتك صدمنى ....
أنا دايخ ....
شوية مية بسكر ....
أية دة ؟
مين طفى النور ؟

[elshaky]

قبل اى حاجه انا بعشق الجين تو عشق جامد جدا جدا جدا

لكن للاسف المكسب لل rb فى كل شئ ماتور واعتماديه وكماليات وثبات حدث ولا حرج

[ayman_83]

بص ياسيدي انا مش عارف اقولك ايه بس خش شوف الموضوع ده انا الي كاتبه وانت احكم بنفسك

http://www.nilemotors.net/Nile/192351-2.html

والعربيه معايا وبسم الله ماشاء الله ربنا يباركلي فيها انا وكل الاعضاء العربيه زي الفل وركوبتها مختلفه جدا وشعورها تحفه جدا تكفي انك وانت ماشي بتشوف الناس وهي بتبص عليك عشان مميز

[Ghosts]

قبل اى حاجه انا بعشق الجين تو عشق جامد جدا جدا جدا

لكن للاسف المكسب لل rb فى كل شئ ماتور واعتماديه وكماليات وثبات حدث ولا حرج

أنا أسف جدآ ....
أسمح لى أختلف مع حضرتك ....
أيش جاب ثبات ال Rb للجين 2 ؟؟؟
دة معظم اللى جابوا ال Rb بيشتكوا من موضوع الثبات دة ....
وخصوصآ بعد ال 120 ومعلش عندى سؤال تانى ....
أية هى الكماليات الموجودة فى ال Rb ....
غير الباور والتكيف ....
والأزاز الكهربا ؟

[Ghosts]

بص ياسيدي انا مش عارف اقولك ايه بس خش شوف الموضوع ده انا الي كاتبه وانت احكم بنفسك

http://www.nilemotors.net/Nile/192351-2.html

والعربيه معايا وبسم الله ماشاء الله ربنا يباركلي فيها انا وكل الاعضاء العربيه زي الفل وركوبتها مختلفه جدا وشعورها تحفه جدا تكفي انك وانت ماشي بتشوف الناس وهي بتبص عليك عشان مميز

قريت موضوعك ....
وأنت عامل تقيم حيادى وموضوعى جدآ ....
ربنا يبارك لك فى العربية ويبعد عنك وعنها شر العين ....

[tutankhamoun]

شوف يا عم جوست .... الموضوع بسيط جدا .

في أواخر السبعينيات و أوائل الثمانينات ...... مكنش حد يعرف الياباني و كله كان بيقول عليه ده تعبان و صاجه مش عارف أيه و مفيش أحسن من الأصلي اللي هو الأوروبي .
و مع ذلك الناس أشترت ...... و جربت و أنبهرت ...... و اليابان دلوقتي ما شاء الله عليها .

دخلنا فترة التسعينات .......... و بدأ الأعصار الكوري الجنوبي ..... و برضه أتقال للناس اللي بتشتريه ...... أنت أتجننت ....... تشتري كوري و تسيب الياباني .. ( سياسة القطيع ) و مع ذلك أثبت الكوري نفسه و أصبحت كوريا الجنوبية من أكبر خمسة صانعين في العالم للسيارات .

و دخلنا فترة ما بعد 2004 تقريبا لما الصيني دخل و كان بينافس بالسعر في الأساس ... برضه الناس بتسمع نفس الكلام ( مع أني مش مقتنع أن كل الصيني حلو ) بس فيه حاجات صيني ........ هاتبقى فاجرة و جامدة زي الياباني و الكوري مع رخص الأيدي العاملة اللي بيؤدي لرخص السعر النهائي .

المهم نيجي بقى لبيت القصيد .
البروتون كان أول دخول لها في مصر أواخر التسعينيات و أوائل الألفية الجديدة في هيئة الويرا .... اللي عملت مبيعات معقولة و لكن الماركة ما أشتهرتش و في 2006 و مع دخول الجين 2 ....... أعُجب بها من أشتراها ....... و جربها مع أنها كانت أول مرة تنزل و محدش يعرف عنها حاجة ........ و لولا الناس دي ..... مكنتش أنتشرت و مكنش حد عرف يعني أيه جين 2
زي الناس اللي أشترت ياباني في الثمانينات ...... و كوري في التسعينيات
لو مكنوش أشتروا .......... مكنش حد عرف الياباني أو الكوري و زمانا لسة بنركب فيات و بيجو بس .
سياسة القطيع لو الكل بيطبقها 100 % ...... مكنش حد عرف الجديد ....... اللي ممكن يثبت نفسه أو لاءة طبعا .

===------=======---------
بالنسبة للجين 2
دي عربية عجيبة ........ تشوفها ...... تخطف قلبك معاها و تقعد تتفرج عليها في الرايحة والجاية .
عاملة زي الحاجة الحلوة ........ أول ما تشوفها ما تقدرش تنزل عينك من عليها .

الجين 2 عملت معادلة صعبة لناس كتيرة و أنا منهم
سعر مناسب جدا بجودة معقولة جدا .
شكل خرافي و ثوري .
روعة في الأداء ( تحكم - ثبات رائع - سحب معقول جدا | علشان بس فيه مواتير أقوى منها | - أحساس بالأمان عالي جدا )
كماليات حدث و لا حرج .
أساسيات العربية ممتازة .... موتور و فتيس و شاسيه و صاج .... الخ .

بالاضافة لعامل هام جدا .......... الأرتياح النفسي و الحب للعربية .
زي العروسة ......... مهما كانت و أنت مش مرتاح لها ....... هاتقعد تطلع فيها الفاطس .

في 2007 ........ سمعت كلام كتير من قرايبي و أصحابي ...... اللي يقول هو حد سمع عن العربية دي .... هو حد يعرف الماركة دي ......... أنت بترمي فلوسك في الأرض ....... و كلام من ده .

طبعا كل الكلام ده دخل من الودن اليمين .......... و طلع صاروخ من الودن الشمال ..... و لا آثر .
في 2010 ..... أضطرت أن أبيع العروسة الجميلة .....
و قررت أني أشتري العروسة من نفس الأب و الأم مرة تاني ..... ماليزيا و بروتون .... و نفس العروسة ..... جين 2 .
الأهل و الأصحاب ...
طيب غير ....... هات حاجة تانية ...... هات عربية مختلفة
و لكن هيهات ............ هي الجين 2 مفيش غيرها مالي قلبي ..... و مفيش غيرها أقنعني .
و برضه أشترت جين 2 تاني ....... و ممكن تالت كمان لو فيه منها تحديث .

على فكرة أنا أمكانياتي المادية تسمحلي أن أعلى بالرقم الخاص بالسيارة لغاية 200 ألف .
و لكن لن يحدث أبدا في حياتي أني أدفع في عربية أكتر من 100 ألف مهما كانت .
طريقة تفكيري كدا ...و أنا شايف أن أي عربية فوق 100 ألف ...... ما تستهلش ثمنها ( رأي شخصي بحت و مش عايز حد يقعد يجادل معايا فيه بعد أذنكم )

أنا ركبت عربيات كتير ...ياباني و أوروبي .. و أخيرا ماليزي ...... و شايف أن كلهم زي بعض ..... مفيش فرق
الفروق كلها نفسيه بحتة و لو فيه فروق في حاجة بتكون فروق بسيطة ( برضه ده رأيي أنا الشخصي البحت ) .

و بالتالي لا فارق ياباني من كوري من ماليزي معايا .............. و لكن الجين 2 ...... و بروتون ...... تفرق جامد معايا .

[Ghosts]

شوف يا عم جوست .... الموضوع بسيط جدا .

في أواخر السبعينيات و أوائل الثمانينات ...... مكنش حد يعرف الياباني و كله كان بيقول عليه ده تعبان و صاجه مش عارف أيه و مفيش أحسن من الأصلي اللي هو الأوروبي .
و مع ذلك الناس أشترت ...... و جربت و أنبهرت ...... و اليابان دلوقتي ما شاء الله عليها .

دخلنا فترة التسعينات .......... و بدأ الأعصار الكوري الجنوبي ..... و برضه أتقال للناس اللي بتشتريه ...... أنت أتجننت ....... تشتري كوري و تسيب الياباني .. ( سياسة القطيع ) و مع ذلك أثبت الكوري نفسه و أصبحت كوريا الجنوبية من أكبر خمسة صانعين في العالم للسيارات .

و دخلنا فترة ما بعد 2004 تقريبا لما الصيني دخل و كان بينافس بالسعر في الأساس ... برضه الناس بتسمع نفس الكلام ( مع أني مش مقتنع أن كل الصيني حلو ) بس فيه حاجات صيني ........ هاتبقى فاجرة و جامدة زي الياباني و الكوري مع رخص الأيدي العاملة اللي بيؤدي لرخص السعر النهائي .

المهم نيجي بقى لبيت القصيد .
البروتون كان أول دخول لها في مصر أواخر التسعينيات و أوائل الألفية الجديدة في هيئة الويرا .... اللي عملت مبيعات معقولة و لكن الماركة ما أشتهرتش و في 2006 و مع دخول الجين 2 ....... أعُجب بها من أشتراها ....... و جربها مع أنها كانت أول مرة تنزل و محدش يعرف عنها حاجة ........ و لولا الناس دي ..... مكنتش أنتشرت و مكنش حد عرف يعني أيه جين 2
زي الناس اللي أشترت ياباني في الثمانينات ...... و كوري في التسعينيات
لو مكنوش أشتروا .......... مكنش حد عرف الياباني أو الكوري و زمانا لسة بنركب فيات و بيجو بس .
سياسة القطيع لو الكل بيطبقها 100 % ...... مكنش حد عرف الجديد ....... اللي ممكن يثبت نفسه أو لاءة طبعا .

===------=======---------
بالنسبة للجين 2
دي عربية عجيبة ........ تشوفها ...... تخطف قلبك معاها و تقعد تتفرج عليها في الرايحة والجاية .
عاملة زي الحاجة الحلوة ........ أول ما تشوفها ما تقدرش تنزل عينك من عليها .

الجين 2 عملت معادلة صعبة لناس كتيرة و أنا منهم
سعر مناسب جدا بجودة معقولة جدا .
شكل خرافي و ثوري .
روعة في الأداء ( تحكم - ثبات رائع - سحب معقول جدا | علشان بس فيه مواتير أقوى منها | - أحساس بالأمان عالي جدا )
كماليات حدث و لا حرج .
أساسيات العربية ممتازة .... موتور و فتيس و شاسيه و صاج .... الخ .

بالاضافة لعامل هام جدا .......... الأرتياح النفسي و الحب للعربية .
زي العروسة ......... مهما كانت و أنت مش مرتاح لها ....... هاتقعد تطلع فيها الفاطس .

في 2007 ........ سمعت كلام كتير من قرايبي و أصحابي ...... اللي يقول هو حد سمع عن العربية دي .... هو حد يعرف الماركة دي ......... أنت بترمي فلوسك في الأرض ....... و كلام من ده .

طبعا كل الكلام ده دخل من الودن اليمين .......... و طلع صاروخ من الودن الشمال ..... و لا آثر .
في 2010 ..... أضطرت أن أبيع العروسة الجميلة .....
و قررت أني أشتري العروسة من نفس الأب و الأم مرة تاني ..... ماليزيا و بروتون .... و نفس العروسة ..... جين 2 .
الأهل و الأصحاب ...
طيب غير ....... هات حاجة تانية ...... هات عربية مختلفة
و لكن هيهات ............ هي الجين 2 مفيش غيرها مالي قلبي ..... و مفيش غيرها أقنعني .
و برضه أشترت جين 2 تاني ....... و ممكن تالت كمان لو فيه منها تحديث .

على فكرة أنا أمكانياتي المادية تسمحلي أن أعلى بالرقم الخاص بالسيارة لغاية 200 ألف .
و لكن لن يحدث أبدا في حياتي أني أدفع في عربية أكتر من 100 ألف مهما كانت .
طريقة تفكيري كدا ...و أنا شايف أن أي عربية فوق 100 ألف ...... ما تستهلش ثمنها ( رأي شخصي بحت و مش عايز حد يقعد يجادل معايا فيه بعد أذنكم )

أنا ركبت عربيات كتير ...ياباني و أوروبي .. و أخيرا ماليزي ...... و شايف أن كلهم زي بعض ..... مفيش فرق
الفروق كلها نفسيه بحتة و لو فيه فروق في حاجة بتكون فروق بسيطة ( برضه ده رأيي أنا الشخصي البحت ) .

و بالتالي لا فارق ياباني من كوري من ماليزي معايا .............. و لكن الجين 2 ...... و بروتون ...... تفرق جامد معايا .

شكرآ جزيلآ على ردك الوافى الشامل المنسق المفصل الرائع ....
وعلى فكرة أنا من أشد المعجبين بأراء حضرتك ....
وبمشاركاتك اللى بتبين أنك حقيقى ....
معلم كبير كبير كبير ....

[Ghosts]

طب إزاى يا وحوش قدرتم تشتروا البروتون ....
بالرغم من الكلام الكتيييييييير اللى بيتقال عنها فى قسم الشكاوى ؟؟؟؟