الإفراج الجمركى

[zikos]

إن شاء الله هستلم العربيه جين 2 فى خلال إسبوع بس عندى سؤال بخصوص الإفراج الجمركى.. بستلموا على طول وأنا بستلم العربية ولا بياخد وقت؟ و لو بياخد وقت.. كام يوم؟ أنا هشترى إن شاء الله من عز العرب

شكرا

[ahmedsiyam]

اسال الاخ محسن صالح لو انت حاجز من عز العرب الصحراوى و هو هايخلصلك الموضوع لانهم عملوا كده معايا و اخدت كل حاجة من عندهم و طلعت على المرور اللى انا تابع ليه ماروحتش حته تانية و الجواب بتاع الافراج بياخد يوم موش كتير

[mazagnge]

زي ما أقلك كــــدة أبو صيام

أنت بتروح التوكيل و تدفع لهم 100 ج و هما ها يخلصوا لك الموضوع ... لأنت عايز تخلصة بمعرفتك ما فيش مانع
بس انا من انصار ان 100 ج اوفر من البنزين اللي هاتدفعة و من المجاملة اللي ها تتحملها من الأخرين

فانت أتصل بالتوكيل و عرفهم برغبتك فى ذلك عشان تستلم الورق مع العربية

و 1000 مبروووك و ربنا يهديهالك و يعطيك خيرها و يكفيك شرها

[zikos]

شكرا على ردكم.. طيب سؤال كمان، ال 100 جنيه دول بتوع ايه؟ يجيبلى الورق بسرعه ولا يساعدنى وأنا برخص؟

[mazagnge]

100 ج دول بتوع تخليص الورق بتاع الافراج الجمركي

اما الترخص يا لورد فــ علي حساب ساعدتك و بمعرفتك

[zikos]

شكرا جدا...

[mazagnge]

zikos باشــا


عربيتك اسبورت باكيدج و لا عادي و مانيوال و لا اتوماتيك

[zikos]

مانيوال عادى ان شاء الله

[y_rasmi]

ربنا يبارك لك ولنا جميعا

انا اشترين من عز العرب اسكندرية - ولم يطلبوا من اى فلوس اضافية ولا 100 ولا حتى 10 ، ولما دفعه دفعة حجز فقط ، انتظرت جايز يومين او ثلاثة ، واتصلوا بى وقالوا الورق جه وتعالى ادفع الباقى واستلم عربيتك
وفعلا دفعت الباقى بدون اى اضافات واعطانى الورق بتاع العربية وهو عقد بيع من عز العرب ليه ، وعقد بيع تقربا من الشركة المستوردة ( وهى عز العرب برضه بس باسم مختلف شوية ) لعزب العرب للسيارات ، وورق الافراج الجمركى المجمع ومعلم على عربيتى فى الافراج المجمع ، وافراج جمركى خاص بالمرور برقم الماتور والشاسيه
ورحت المرور وخلصت تقربا فى ساعه ونصف واستلمت اللوحات والرخصة بدون دفع اى رشاوى لاى احد

هذة تجربتى مع عز العرب ، ارجوا ان تستفيد منها

ياسر رسمى
الاكاديمية البحرية - اسكندرية