حاير بين عربيتين ارجو الدخول من الجميع

[ManUnited10]

السلام عليكم

انا لسه بتعلم سواقة والحمد لله نويت اشتري عربية ان شاء الله
جربت المانيول مش عاجبني خالص متعب ومقرف خاصة في الزحمة عشان كده قررت اتجه للاوتوماتك
انا دلوقتي حاير بين ساجا وبين فيرنا 2011 اوتوماتك
ناس تقول الساجا وناس تقول فيرنا وانا عايز عربية تمشي معايا وتسترها معايا
مش عايز عربية تجري اصل انا مبحبش الجري خالص ومحتاجها عشان اروح بيها للجامعه
من الهرم لاكتوبر
عايز منكم اخواني تنصحوني انه الاحسن وياريت السبب معاها
والي معاه ساجا اوتوماتك هل بيشكر فيها ولا فيها عيوب كتير وقطع غيارها اسعارها كام؟
اهم حاجة عندي امان وثبات العربية لاني زي مقلت مبحبش الجري ومعايا اهلي في العربية مش لوحدي


وشكرا ليكم مقدما

[mido_soliman]

انصحك بفيرنا
حتخبطها براحتك وقطع غيارها عند البقالين وبرخص التراب
اتوكل على الله وهات الفيرنا

[SonaSteel]

انصحك بفيرنا
حتخبطها براحتك وقطع غيارها عند البقالين وبرخص التراب
اتوكل على الله وهات الفيرنا

علي عيني والله اقولك الكلام اللي جاي ده
+111111111111111
وممكن تكبرلها الجنط شويه وتخليه 15... هايزود الثبات حبة ان شاء الله
التوكيلين تقريبا مالهمش لازمة
الفيرنا هاتزيد في انتشار ورخخخخخخخخص قطع الغيار
-----------------------
لو عايز الساجا وان شاء الله انت مش هاتفكر تعمل فيها حاجة لمده 5 سنين قدام تكون انتشرت شويه كمان
بس برده مش هاتتوصل للفيرنا ... لو انت حابب شكلها وممكن تتضحي بحبة وقت لو عوزت تدورلها علي قطع غيار .
وممكن تشوف البيكانتو الجديدة .. اهيه بقيت 1300 وتوكيل محترم بس مش عارف سعرها ايه بصراحة.

ومتنساش الاستخارة وربنا ييسرلك الخير

[ManUnited10]

شكرا ليكم ولله العظيم انا دائماً بشكر فيكم ومتابع للمنتدى على طول والحمد لله محدش خيب ضني فيكم

سؤال بنسبة للفيرنا لو جنطتها بـ 15 هو دا اعتقد مقاس الكاوتش صح؟ وسعره كام علشان انا يادوب ميزانيتي محدودة جداً
وايه نصايحكم تاني بنسبة للفيرنا االاوتوماتك وبنسبة للفتيس هل هو بجد زي الماتركس؟ واداءه عالي؟
وياريت بس اعرف التوكيل فين اقرب واحد ليا انا في الهرم
شكرا ليكم مقدماً يا احسن اعضاء وان شاء الله تكونو فاتحه خير عليا يارب وربنا يوفقكم جميعاً في شهر رمضان المبارك

[ManUnited10]

Up
up
ياريت حد يرد على سؤالي وشكرا

[ahmed88hassan]

طلبك في الفيرنا

[Defender]

لو مكانك هختار الساجا :) ، الأوبشن والإمكانيات والثبات بتاعها مش موجود فى الفيرنا
خلاف ان شكلها أحسن من الفيرنا " وجهه نظر " ، وانت يبكون معاك ضمان 3 سنيين ، وقطع الغيار انا شايف الشباب على الفيس عاملين مجهود حلو اوي فى الموضوع دة ، والعربية آخذه فى الإنتشار إن شاء الله ، واعتقد الفتيس الأوتو فى الساجا ياباني ماركة ميتسوبيشي

[P_R_I_N_C_E]

لو مكانك هختار الساجا :) ، الأوبشن والإمكانيات والثبات بتاعها مش موجود فى الفيرنا
خلاف ان شكلها أحسن من الفيرنا " وجهه نظر " ، وانت يبكون معاك ضمان 3 سنيين ، وقطع الغيار انا شايف الشباب على الفيس عاملين مجهود حلو اوي فى الموضوع دة ، والعربية آخذه فى الإنتشار إن شاء الله ، واعتقد الفتيس الأوتو فى الساجا ياباني ماركة ميتسوبيشي

كلام جميل
دا غير ان الفرنا مش ثابتة خااااالص و فرامل ضاااايعة على الاخر

[ManUnited10]

ولله يا جماعة انا حاير جداً دلوقتي ومش عارف ايه الاحسن وايه الاوحش
انا هشوف كده النهردا واعمل استخارة وان شاء الله الي فيه خير ربنا يقدموا وشكرا ليكم جميعاً
والي عنده رأي اخر ياريت يتفضل يقول انا محتاج كل الاراء علشان اشوف في الاخر ربنا هيهديني لايه ان شاء الله

[ManUnited10]

يا جماعة عملت استخارة مرتين والحمد لله استقريت على عربية ساجا بروتون ومرتاح للفكرة حالياً
ممكن حد بس يقولي شوية معلومات عنها و كمان عايز رقم التوكيل او اي موزع رسمي للعربية علشان اتصل فيه

[ManUnited10]

وعندي سؤال تاني ياريت تجاوبوني عليه
اتعامل مع عز العرب الي في العجوزة؟ ولا اتعامل مع موزع تاني احسن؟
وايه رأيكم في خدمتهم وتعاملهم مع العميل اقصد عز العرب؟
ياريت الكل يشارك للافادة

[Defender]

ممكن تبص على اللينكات دي

http://www.nilemotors.net/Nile/132583-a.html

http://www.nilemotors.net/Nile/130191-2.html

http://www.nilemotors.net/Nile/109520-a-2.html

http://www.nilemotors.net/Nile/141573-proton-saga.html

http://www.nilemotors.net/Nile/179029-2.html

[ManUnited10]

شكرا يا باشا
بس سمعت ان في موضوع خصم عن طريق المنتدى في استاذ اسمه تقريبا استاذ ايمن هل فعلاً ده صحيح؟
وممكن لو صحيح تقولي نمرة الاستاذ ايمن او اي طريقة للاتصال فيه وشكرا

[Defender]

:: نــايــل مــوتــورز:: - :: NileMotors.net ::
دة بروفايل أ / ايمن ، بس انا متشرفتش بمعرفته !

[ManUnited10]

ماشي حضرتك شكرا ليك ولو اي حد عنده اي معلومات تاني تفيدني ياريت ما يبخلش عليا
وشكراً