سحب العربيه قل ؟؟

[midooo2002]

السلام عليكم,

باختصار شديد أنا معايا جين 2 2010 أوتومتيك, عمله 18000 كيلو, عملت كل الصيانات لحد ال15000 في التوكيل, المشكله اللي أنا ملاحظه ان سحب العربيه قل بنسبه ملحوظه مقارنه بوقت ما جبته و بيبان أكثر لما بشغل التكييف ( أنا عارف ان السحب بيقل طبيعي لما بشغل التكييف بس الموضوع عندي بزياده) . مش عارف ايه السبب, مفيش حاجه ظاهره أو عيب باين, فكنت أتمنى من أهل الخبره انهم يفيدوني و يرشحو لي الحجات اللي مسببه الموضوع ده, أو يقترحو أختبارات أجرربه عشان أكتشف فين المشكله.

و شكرا.

[أبوعائش]

نضف فلتر الهوا
بس ممكن يكون فلتر البنزين اتسد من البنزين المصري التعبان

[tamerosman]

روح كارفور او اى بنزينة نظيفة اشترى انجيكتور كلينر ( منظف رشاشات ) و اقراء التعليمات الى على العلبة و نظف فلتر الهواء

لو المكشلة ما اتحاتش غير فلتر البنزين و البوجيهات و نظف بوابة الماينيفولد

لو لسا بعد كل ده يبقى ضبط الكهرباء و ده متهيالى لازم فى التوكيل علشان الموتور بيتوصل على كومبيوتر

[midooo2002]

شكرا جزيلا على الردود, ان شاء الله حجرب اللي قولتولي عليه. سؤال عل ماشي, فيه نوع معين موثوق فيه للانجكتور كلينر ده, لأني بقلق جامد من الحجات دي؟

[tamerosman]

روح كارفور او بنزينة امارات علشان تضمن ان المنتجات اصلية و بلاش محلات الكماليات علشان عندهم انواع صينى مضروبة

فى انواع امريكانى مشهورة و ماركات عالمية زى اس تى بى فى حدود 20 الى 30 جنيه

و فى نوع مصرى ب 8 جنيه هتلاقى عليه توبيك فى اهم المواضيع

[r2tarek]

انا عندى نفس المشكله منذ فتره وخصوصا مع التكيف بس العربيه تقيله فى التجميع جدا

غيرت الزيت وجبت كاسترول ايدج اسبورت
غيرت البوجيهات وجبت الأرديوم
غيرت فلتر الهواء رغم انه جديد
غيرت فلتر البنزين
غيرت سير الكاتينه وانا عامل 55 الف وبصراحه طلع جديد
غيرت سير الاداره
ودائما بستخدم بنزين نظيف 92


بصراحه مش عارف اعمل ايه فى المشكله دى


انا بحس ان فى حاجه مكتوم او مخنوقه التجميع بطى جدا

انتظار ردود الخبراء

شكرا

[r2tarek]

اشتريت انهارده س تى بى وحطيته على نصف التنك

ومستنى النتيجه

[r2tarek]

بعد تجربه اس تى بى فى فرق ملحوظ فى السحب

وشكرا

[tamerosman]

انا سمعتكمان ان فيه سنسور فى الموتور بيحتاج يتنظف و بيعمل فرق ملحوظ فى السحب بس محتاجين تفاصيل اكتر عن الموضوع ده

[r2tarek]

ياريت حد يفيدنا فى موضوع السنسور ده

[a7mednour]

بعد تجربه اس تى بى فى فرق ملحوظ فى السحب

وشكرا

ممكن بعد اذنك توصف شكله ويا حبذا لو في صورة لاني انا كمان السحب عندي ضعيف حبتين وعاوز اعمل صيانة كاملة للعربية

[samirsaid1]

فية نوع تانى اسمة max44
وسعرة 54 جنية بس بيعمل تنظيف كامل للرشاشات وغرف الحريق والبساتم

هاتلاقية فى بنزينة شيل او موبيل

[r2tarek]

ممكن بعد اذنك توصف شكله ويا حبذا لو في صورة لاني انا كمان السحب عندي ضعيف حبتين وعاوز اعمل صيانة كاملة للعربية

لاسف مش معايا العلبه هو موجود فى معظم محطات البنزين

انا اشتريته من شيل فى مدينه نصر تنظيف كامل كان 71 جنيه

stp

وشكرا

[adel1414]

http://www.facebook.com/l.php?u=http%3A%2F%2Fwww.nilemotors.net%2FNile%2F1 80488-a.html&h=2AQClGjxS