يا اهل الساجا افيدوني وبروتون

[mememsaid]

السلام عليكم اهل الساجا
رمضان كريم
عندي مشكلتين صغيرين عايزكو تفيدوني فيهم والاتنين تقريبا مالهمش علاقه ببعض
المشكله الاولي اني حاسس ان العربيه وطيت ومابقتش عاليه زي ما اول ما جبتها بس مش ده المشكله
المشكله انها وطيت اكتر من ناحيه الشمال او اليمين بقي مش عارف هي علي العموم ناحيه كريسي السواق وبحس انها مايله
ده سببه ايه وايه تاثيره؟
اما المشكله التانيه وديه الاهم
انا اول ما استلمت العربيه حسيت بحدفه ناحيه اليمين (مش ناحيه السواق) بسيطه فاقلت اقلهم عليها في صيانه الاف
طبعا قالولي انهم ظبطو زوايا وانا حاسس انهم لا ظبطو ولا عملو حاجه واعدت الحدفه ديه تزيد
وبما اني مش بروح التوكيل اعمل صيانتي وبعملها في عصا وصفا وبنا اني مافيش زوايا في عصام وصفا فاقلت اعمل حركه كدا ممكن اشوف ايه نظمها
فابدلت مكان العجل اللي قدام (اليمين حتطها شمال والعكس)
لاقيت الحدفه ظبتط بنسبه كبيره جدا بس بعد شويه كدا حسيت انها ابدت تحدف شمال (ناحيه السواق) بس حدفه بسيطه اوي زي بالظبط اول ما استلمتها بس بدل يمين بقت شمال

بالمنظر ده ماعتقدش انه زوايا مش كدا؟؟؟!!!!
طب ده ممكن يكون ايه؟؟؟!!!
وايه علاجه؟؟؟!!!
وياتري الضمان يفدني في حاجه زي كدا؟؟؟!!!
عايز اخد رايكو في الموضوع ده وياريت تفيدوني في المشكلتين

[SALAHHAKIM]

العربية واطية من الخلف بالتحديد ودة طبيعي اما من ناحية وناحية لا دة مش طبيعي
والعربية اظبط زوايا عند اي حد تعرفة كويس ولو متعرفش في واحد كويس جدا في الحي الثامن كلمني واروح معاك

[mido_soliman]

المشكلة الاول دى مشكلة مساعد بص على المساعدين الامامين عندك لو واحد فيهم جايب زيت يبقى مساعد
طبعا انا مش عايز اقولك ان يمكن فى فردة واخدة هوا اكتر من التانية او فى فردة مريحة لانك اكيد حتلاحظ حاجة زى كدة
المشكلة التانية دى مشكلة زوايا تحديدا واللى حصل الاتى
لما كانت بتحدف يمين ودة طبيعى وتقريبا كل بروتون الزيرو بيجى بحدفة يمين (مش عارف لية ) ولما انت اعتمدت على التوكيل وطبعا معملوهاش لان مفيش حد بيفهم فى الزوايا هناك هما متخيلين ان الجهاز حيحدد الحدفة ويصلحها لوحدوا اللى حصل ان مشيك المستمر والزوايا مش مظبوطة الكاوتش اللى ناحية الحدفة بدات حوافة تتاكل عن التانى ولما بدلت حسيت ان الموضوع ظبط لان الكاوتش التانى كان سليم وتدريجيا حيحصل الحوار دة تانى لان المشكلة متحلتش
حلكك تروح عند بتاع زوايا بيفهم
انا عن نفسى روحت لواحد عندنا فى الشرقية ومكنتش متخيل انة حيعملها بالظبط 10 دقايق وطلع قالى كان فيها زوايا ورا كمان مقفولة وعملتهالك اطلع جرب ومكنتش متخيل ان الموضوع بالبساطة دى بس حد يكون بيفهم بس ومخدش 10 جنية ومشيت

[mememsaid]

اسف علي التاخير في الرد بس عشان انا مادخلتي علي النت من ساعتها
بس اشكر صلاح وميدو جدا علي المعلومات ده وان شاء الله هشوف موضوع الزوايا ده
بس ماحدش قالي كونها تبقي واطيه من ناحيه وناحيه لا ده ممكن يكون من ايه؟