بروتوناوي جديد وعندي كام سؤال بخصوص التليين

[AmatoALLAH]

its non smoking car :p, u can use this soket for charge something .

مصطفي ازيك يا مصطفي؟ :)

مش هتشيل توقيعك دا بئي :)

[Mustafa_Farouk]

السلام عليكم ،

حضرتك ممكن تقرأ كتاب المانوال بتاع العربية وإن شاء الله يفيدك، بصراحة أنا مش باخد بالي من موضوع لمبة حزام الامان أصلاً إذاً كنت منورة ولا لأ،
وموضوع الخبطة، وجهة نظري، خليها شوية لو ملهاش أي تأثير سلبي على العربية عشان العين وعلى ما تتعود على أبعاد العربية وتعملها قدام شوية، ممكن في صيانة ال-1000 أو تسأل حد يكون بيفهم في موضوع الرد علبارد والكلام دة إذا ممكن تأثر على العربية وإن شاء كلو يكون تمام التمام .

أنا باستخدم أخر زرار دة عشان أفتح اللوك بيه وكدة كدة أول ما بمشي بالعربية اللوك بيقفل وهو فعلاً ممكن لو دوست عليه كام ثانية يعمل رست وفيلم هندي كدة. إستخدمو بس الفتح اللوك ودة بتدوس عليه مجرد دوسة.

العربية مفيهاش ولاعة ولا طفاية، بس ممكن تشحن فيها أو تجيب البتاع اللي بتشغل أغاني بها على الراديو، أنا مش فكر اسمها إيه دلوأتي fm حاجة كدة.
أنا لينت العربية الحمد لله في خلال إسبوع والعربيه مفيهاش أي صوت تحذري لو جبت 120 أو 150 زي بعض العربيات اللي بتفضل تزمر بعد ال-120, دي حاجة عالماشي قلت أقلها يمكن حد يكون كان عايز يعرفها.

[Mustafa_Farouk]

مصطفي ازيك يا مصطفي؟ :)

مش هتشيل توقيعك دا بئي :)

Done

[AmatoALLAH]

done

ايوه كده

ويلكم يا باشا :)

[rajina]

لمبة الحزام بتنور فى اول دوارة الكونتكت و بعدين بتقفل على طول

[kojyad]

ليه انا شايفه ان فيه اعضاء ردوا علي حضرتك علي العموم ردي تحت كل استفسار
اهم شئ انك خلال فترة التلين تلاحظ كل حاجه في العربيه و لو فيه حاجه تقولهم علها في صيانة الالف

'طبعا ياباشا الف شكر لحضرتك , وانا مكنش قصدي اقلل ابدا من كفائة القسم بس كنت عاوز احرك الموضوع شوية
لأن محدش كان رد على موضوع الحزام او الولاعة

ياريت بقى اعرف افضل مكان لعمل الصيانة وبتتكلف كام ؟ انا ساكن في اول فيصل

والف شكر للقسم على التعاون

[Mustafa_Farouk]

السلام عليكم ،

حضرتك لو كنت في مصر الجديدة كنت حقلك عصام صفا بس اول فيصل
، طيب ما تروح المركز الرئسي في أبو رواش. أعتقد إن كدة حيكون قريب ليك, أعتقد فيه واحد في العجوزة

[Nistelrooy]

اول فيصل العجوزة اقرب لك ,, ورا مسرح البالون ,,
او عندك الصحراوي قبل البوابات

[kojyad]

اه قصدك على عز العرب الرئيسي عند البوابات ( هو ده الي انا استلمت منه العربية )
بس سمعت ان التوكيل مش قد كده في الصيانة فعلا ؟؟؟؟ وان عصام وصفا افضل !!!!

انا مش مشكلة عندي المشوار لو عصام افضل .
طيب ياريت حد يقول مين افضل اتابع معاة والسعر بتاع الصيانة كام ؟؟؟ للالف وال5 الاف

[Nistelrooy]

ايوا الي استلمت منة العربية..

انا عملت صيانة الالف والخمسة في عزب العرب ( الصحراوي )
وعامل العشرة والخمسة عشرة في عصام صفا ,,


لان عصام صفا بينجز عن التوكيل ,, ممكن في التوكيل تعد 3 او 4 ساعات في عصام صفا ساعة او ساعة ونص ,,
وارخص من التوكيل ,,, واي حاجة في العربية بتطلبها بتتعمل حتي لو نسيت حاجة بعد ما تتعمل الصيانة ,,


وصيانة الالف حوالي 190 جنية بتغير زيت وفلتر زيت ,, ( ومش مستاهلة تروح عصام صفا في الصيانة دي )
ومش هتدفع غير تمن الزيت والفلتر في الصيانة دي يعني مافيش مصنعيات ولا ضرايب ولا اي حاجة ,, علشان دي اول صيانة ..


وطبعا في الصيانة دي بتقول علي ملاحظاتك في العربية واية المشاكل وكدا

وبيتم تربيط العفشة وكشف علي الزيوت والكهربا ,, الخ .