ارتفاع درجه الحراره مع التكيف

[r2tarek]

السلام عليكم


لما بشغل التكيف درجه الحراره بترتفع جامد حتى بليل والجو يعتبر كويس بليل


حد عند فكره عن المشكله دى

انا ركنت العربيه لحد الصبح اشوف ايه المشكله دى

وشكرا

[r2tarek]

انا كشفت على المياه فى القربه موجود مياة يس مش عارف افتح الرداتير

المروحه شغاله



فى انتظار مساعدتكم

[Tarek Gen 2]

مروحة او مية او ثرموستات
لا تخرج عن هذا اعتقد

[ahmed elmelegy]

شوف المروحةالتانية بتاعةالتبريد او الفيوز يتاعها

[ehabsharaf]

شوف المروحةالتانية بتاعةالتبريد او الفيوز يتاعها

[m_marmoush]

غالبا حتبقى كوعة ترموستات الموتور، ده معاد تغييرها لأنها باظت مع أعضاء تانيين

[M.almaghraby]

ياريت حضرتك تروح مركز صيانة

[r2tarek]

السلام عليكم

اولا انا نزلت الصبح اشوف العربيه لقيت الحراره مظبوطه شغلت التكيف ومشيت نصف ساعه

تسارع عالى لحد 5 مشاء الله الحراره مظبوطه على 90 بدون ارتفاع

المهم قلت اروح مركز عصام-صفا اعمل اتشك على كل حاجه

المهندس عصام كشف عليها والنتيجه كالاتى

1- ثاموستات الحرار بايظ بيقولى ده مهم فى الشتاء فقط المهم شيلته وقالى هركب واحد تانى على اول الشتاء

2- فلتر البنزين مسدود شويه المهم غيرته

3- تم تغير مياه الرداتير لظبط الهواء

وتم عمل تشيك على كل حاجه رغم انى لسه عامل صيانه 60 ألف من اسبوعين


والتكلفه

112 فلتر بنزين
65 مياه رداتير
100 مصنيعيه
20 ضريبه

الاجمالى 300

والحمدلله العربيه مظبوطه لحد دلوقتى وربنا يسترها

سؤال انا مش عارف هى العربيه سخنت بليل فوق 100 والصبح ضبطت لوحدها ؟


فى انتظار ردودكم

وشكرا

[Tarek Gen 2]

الثرموستات اما بيبوظ مبيبوظش خالص بيعلق بس ده معناه باظ
يعنى ساعات هيشتغل و ساعات لا
لو عربيتك ضمان غيره ببلاش فى التوكيل لو لا استنى على اول الشتاء عادى

[r2tarek]

انا طلعت من الضمان انا عامل 61 الف موديل 2008 جين2


لو مهمه اشترى واحده وركبها

اجيب الاصليه منين


وشكرا

[Tarek Gen 2]

التوكيل بس عاملة 130
و يفضل تجيبها لانها بتفرق فى السحب و استهلاك البنزين و سرعة سخونة الماتور و تنظيم دورة المياه