جربت زيت valvoline

[eng.m7md.ali]

بسم الله الرحمن الرحيم
كنت بعمل صيانة ال 30 الف للواجا النهاردة في مركز عصام الصفا وقولت اجرب زيت valvoline بعد تجربة العضو rajina للزيت
خدت المخاطرة خصوصا بعد ماعرفت ان الزيت ده كان ليه تاريخ ممتاز زمان في مصر بس بطلو يستوردووه تقريبا الشركة فلست والمهم اني قريت عنه كتير وتجارب ناس خارج مصر وكلهم بيشكرو فييه
المهم قولت اجرب بالرغم من حيرتي بينه وبين زيت كاسترول بعد ما الاعضاء : سامح ومحمود وطارق نصحوني بيه وكان عاجبهم بس برده قولت اجرب حاجة جديدة جايز افيد الناس في المستقبل بتجربتي دي

بعد تغيير الزيت بصراحة محستش بفرق عن الفيسكو اللي كان محطوت ولقيت العربية خشنة وصوت الموتور عالي مش زي ما العضو rajina قال

نصيحتي : خلينا في اللي نعرفه احسن وبلاش نخاطر لانه لو فضل على الحال ده هتطر انزله واحط كسترول

ويارب اكون افدتكو

[Raul_7]

متحكمش على الزيت أول يوم, استنى عليه يومين كده وشوف ايه نظامه.

[yasso77]

انا جربت الزيت اللي هوا بيعمل 15000 في جين 2 2007 بصراحه حسيت ان العربيه اتبدلت وبقت في منتهي النعومه
وانا عامل بيه دلوقتي حوالي 1000 كم
وشكرا للدلينا عليه

[MOUSTAFA_SAAD]

موضوع الزيوت ده حيتعبنا جدا
اللاختيارات كتير والواحد محتار
انا لو غيرت توتال اللى عندى حساتخدم ياشيل يا كاسترول

[eng.m7md.ali]

شكرا ياجماعة

بعد 500 كيلو من الاستخدام اتضح ان الزيت ده ملوش اي 30 لازمة وبنصح الناس يبعدو عنه
كمان في حاجة مش مطمناني ان جيركن الزيت جيه متبرشم بس من غير طبة اللي بتبقع على الغطى وده قلقني شوية خلاني اتصل بيهم وهناك قالولي عادي احنا كل الزيوت كدة عندنا

[eng.m7md.ali]

والناس لو هتجيب يخلوها في اللي بيقعد 10- 15 الف وده بسعر 270 جنيه 4 ليتر

[mido_soliman]

والناس لو هتجيب يخلوها في اللي بيقعد 10- 15 الف وده بسعر 270 جنيه 4 ليتر

امال انت جبت انهى واحد ؟؟؟
هو فى حد دلوتى يا فيليكس بيحط اقل من 10000 ؟
يا باشا ال 10000 فما فوق تخليقى وهوة دة اللى نحطة فى العربية المعدنى دة خلاص باة راحت علية
عموما الكاسترول ايدج انا حطة ومريحنى جدا بس بردة عندى فضول تجربة الفالفولين او اليكوى مولى مع ان الايدج بصراحة محترم لحد دلوقتى

[eng.m7md.ali]

امال انت جبت انهى واحد ؟؟؟
هو فى حد دلوتى يا فيليكس بيحط اقل من 10000 ؟
يا باشا ال 10000 فما فوق تخليقى وهوة دة اللى نحطة فى العربية المعدنى دة خلاص باة راحت علية
عموما الكاسترول ايدج انا حطة ومريحنى جدا بس بردة عندى فضول تجربة الفالفولين او اليكوى مولى مع ان الايدج بصراحة محترم لحد دلوقتى

المشكلة ياميدو اني مش عايز اخلي الزيت كتير في العربية لاني ممكن اقعد اكتر من سنة ومكملش ال10000 كيلو علشان معايا عربية تانية فااضطر اني انزل الزيت علشان كدة حطيت ال5000 يدوبك بيكمل 6 شهور وشكرا